Leviegezh 19:11 - Bibl Koad 21: Ar Bibl e Brezhoneg evit ar Vretoned

¹¹ Ne laerot ket, ne lavarit ket gevier ha ne douellot ket an eil egile.

Leviegezh 19:11 Referencias Cruzadas

2 Samuel 17:20

Servijerien Absalom a zeuas da gavout ar wreg-mañ en ti hag a lavaras dezhi: Pelec'h emañ Akimaaz ha Jonatan? Ar vaouez a respontas: Tremenet o deus ar wazh-dour. O vezañ o c'hlasket hep o c'havout, e tistrojont da Jeruzalem.

1 Rouaned 13:18

Hag e lavaras dezhañ: Me ivez a zo profed eveldout, hag un ael en deus komzet ouzhin a-berzh an AOTROU o lavarout: Degas hemañ ganit da'z ti, ma tebro bara ha ma evo dour. Gaou a lavare dezhañ.

Salmoù 101:7

An hini a ra touellerezh ne chomo ket em zi. An hini a lavar gaou ne bado ket dirak va daoulagad.

Salmoù 116:11

Lavarout a raen em zrubuilh: Pep den a zo gaouiat.

Ermaeziadeg 20:15

Ne laeri ket.

Ermaeziadeg 20:16

Ne lavari ket a falstesteni a-enep da nesañ.

Ermaeziadeg 20:17

Ne c'hoantai ket ti da nesañ, ne c'hoantai ket gwreg da nesañ, nag e servijer, nag e vatezh, nag e ejen, nag e azen, na tra ebet a vefe da'z nesañ.

Ermaeziadeg 22:1

Mar laer un den un ejen pe un oan ha mar lazh pe mar gwerzh anezhañ, e taskoro pemp ejen evit en ejen ha pevar oan evit an oan.

Ermaeziadeg 22:7

Mar ro un den da ziwall d'e nesañ arc'hant pe draoù ha ma'z int laeret en e di, mard eo al laer dizoloet, e taskoro an daougementad.

Ermaeziadeg 23:1

Ne hadi ket a vrud faos. Ne bresti ket da zorn d'an den fall evit bezañ falstest.

Krennlavarioù 24:28

Na vez ket test a-enep da nesañ hep abeg, ha fellout a rafe dit touellañ gant da vuzelloù?

Jeremiaz 6:13

Rak adalek ar bihanañ betek ar brasañ anezho, pep hini en em ro d'ar gounid dizonest, eus ar profed d'an aberzhour, holl e reont gant touell.

Leviegezh 19:10

Ne zañvouesai ket bordoù da winieg ha ne zastumi ket ar greun kouezhet. O lezel a ri evit ar paour hag evit an diavaeziad. Me eo an AOTROU ho Toue.

Romaned 3:4

N’eo ket! Met ra vo Doue anavezet gwirion ha pep den gaouiat, hervez ma’z eo skrivet: Evit ma vi kavet reizh en da gomzoù ha ma c’hounezi da abeg pa vi barnet.

Efeziz 4:25

Dre-se, o vezañ kaset kuit ar gaou, ra gomzo pep hini ac’hanoc’h hervez ar wirionez d’e nesañ, rak izili omp an eil d’egile.

Efeziz 4:28

An hini a laere ra ne laero ket ken, met ra labouro kentoc’h gant e zaouarn da un dra vat bennak, evit m’en devo peadra da reiñ d’an hini a zo en ezhomm.

Adlezenn 5:19

Ne laeri ket.

Koloseiz 3:9

Na lavarit ket a c’hevier an eil d’egile, o vezañ diwisket diwarnoc’h an den kozh hag e oberoù,

1 Timote 1:10

ar c’hadaled, ar skilbaotred, ar varc’hadourien-sklaved, ar c’haouiaded, ar falstouerien, hag evit kement a zo kontrol d’ar gelennadurezh yac’h,

Apocalyps 21:8

Met evit ar re zidalvez, ar re ziskredik, ar re euzhus, ar vuntrerien, ar c’hastaouerien, ar strobinellerien, an idolourien hag an holl c’haouiaded, o lod a zo er stank o teviñ gant tan ha soufr, ar pezh a zo an eilvet marv.