Leviegezh 19:10 - Bibl Koad 21: Ar Bibl e Brezhoneg evit ar Vretoned

¹⁰ Ne zañvouesai ket bordoù da winieg ha ne zastumi ket ar greun kouezhet. O lezel a ri evit ar paour hag evit an diavaeziad. Me eo an AOTROU ho Toue.

Leviegezh 19:10 Referencias Cruzadas

Izaia 17:6

Met menel a raio eno un nebeud blokadoù bihan, evel pa hejer ur wezenn-olivez: chom a ra div pe deir olivenn e beg ar skourr uhelañ, ha peder pe bemp war ar brankoù ampletus, eme an AOTROU Doue Israel.

Izaia 24:13

Evel-se eo e-kreiz an douar, e-touez ar pobloù, evel pa vez hejet ar wezenn-olivez, hag evel pa vez raspaet goude ar vendem.

Jeremiaz 49:9

Mar deufe dastumerien da'z ti, ha ne lezfent netra da raspaat? Mar deufe laeron noz, e kemerfent ar pezh a vefe a-walc'h dezho.

Leviegezh 11:44

Rak me eo an AOTROU ho Toue; c’hwi en em santelaio hag e viot santel rak me a zo santel. N’en em lakait ket dic’hlan en abeg da hini ebet eus ar stlejviled a ruz war an douar.

Leviegezh 19:11

Ne laerot ket, ne lavarit ket gevier ha ne douellot ket an eil egile.

Leviegezh 19:25

D’ar pempvet bloaz e tebrot ar frouezh anezho, hag e kresko deoc’h ar c’hementad dastumet. Me eo an AOTROU ho Toue.

Leviegezh 19:9

Pa reot an eost en ho pro, ne echui ket da vediñ penn da bark ha ne zastumi ket ar pezh a vo manet da zañvouesa en da eost.

Leviegezh 23:22

Pa reot an eost en ho pro, ne echui ket da vediñ penn da bark ha ne zastumi ket ar pezh a vo manet da zañvouesa en da eost. Lezel a ri kement-se evit ar paour hag evit an diavaeziad. Me eo an AOTROU ho Toue.

Leviegezh 25:6

Sabad an douar a vo ho poued, dit, da’z servijer, da’z matezh, da’z tevezhour, d’an diavaeziad a zo o chom ganit,

Abdia 1:5

Mar deufe laeron ez ti, pe skraperien noz, ha te rivinet, ha ne gemerfent nemet o gwalc'h? Mar deufe mendemerien ez ti, ha ne lezfent ket peadra da raspaat?

Mika 7:1

Gwalleur din, rak ez on evel pa vez dastumet ar frouezh hañv, evel pa vez raspaet goude ar vendem: n'eus ket a vlokadoù da zebriñ, eus ar frouezh kentañ-se a c'hoanta va ene.

Adlezenn 24:19

Pa ri da eost e-barzh da bark hag az po ankounac'haet ur feskenn er park, ne zistroi ket d'he c'herc'hat, evit an diavaeziad, evit an emzivad hag evit an intañvez e vo, evit ma vennigo ac'hanout an AOTROU da Zoue e kement a ri gant da zaouarn.

Adlezenn 24:20

Pa heji da olivez, ne zistroi ket da sellout skourr ha skourr, evit an diavaeziad, evit an emzivad hag evit an intañvez e vo.

Adlezenn 24:21

Pa vendemi da winienn, ne zastumi ket war da lerc'h, evit an diavaeziad, evit an emzivad hag evit an intañvez e vo.

Ar Varnerien 8:2

Lavarout a reas dezho: Petra am eus graet e-skoaz ganeoc'h? Raspaerezh Efraim, ha n'eo ket gwelloc'h eget mendem Abiezer?

Levr Rud 2:2

Rud, ar plac'h eus Moab, a lavaras da Naomi: Lez ac'hanon da vont d'ar parkeier ha da zastum tañvouez war-lerc'h an hini a gavfen trugarez ouzh e zaoulagad. Hi a lavaras: Kae va merc'h!