Leviegezh 14:21 - Bibl Koad 21: Ar Bibl e Brezhoneg evit ar Vretoned

²¹ Mar d-eo paour ha ma n’en deus ket aez da gement-se, e kemero un oan hepken evit an aberzh a gablusted da hejañ evel ur prof, evit ober an dic’haou evitañ, un dekvedenn efa (1/10 efa   3 l) flour bleud mezet gant eoul evel donezon, ul log eoul,

Leviegezh 14:21 Referencias Cruzadas

Levr Job 34:19

Piv a ra van ebet eus ar re vras, ha n'anavez ket ar pinvidig muioc'h eget ar paour? Rak ez int holl oberoù e zaouarn.

Krennlavarioù 17:5

An hini a ra goap ouzh ar paour a zismegañs e grouer, hag an hini a laouena eus ur gwalleur ne chomo ket digastiz.

Krennlavarioù 22:2

Ar pinvidig hag ar paour en em gav, graet int bet o-daou gant an AOTROU.

Ezekiel 46:7

hag e kinnigo evel donezon un efa dre gole, un efa dre dourz, evit an oaned evel ma c'hello reiñ, gant un hin a eoul dre efa.

Leviegezh 1:14

Mar d-eo e brof d’an AOTROU eus al laboused, evit ul loskaberzh, e kinnigo turzhunelled pe koulmed yaouank.

Leviegezh 12:8

Ma n’he deus ket aez da zegas un oan, e kemero div durzhunell pe div goulm yaouank, unan evit al loskaberzh hag eben evit an aberzh-dic’haouiñ. A aberzhour a raio an dic’haou eviti hag e vo glanaet.

Leviegezh 14:10

D’an eizhvet deiz e kemero daou oan disi hag un dañvadez disi eus ur bloaz, teir dekvedenn efa (3/10 efa   9 l) flour bleud mezet gant eoul evel donezon, hag ul log eoul.

Leviegezh 14:22

ha div durzhunell pe div goulm yaouank, hervez e aez, unan evit an aberzh-dic’haouiñ hag eben evit al loskaberzh.

Leviegezh 27:8

Mar d-eo re baour an hini en devo graet ar gouestl evit paeañ da brizadur, e vo degaset dirak an aberzhour, hag eñ a brizo anezhañ; an aberzhour a raio ar priz hervez aez an hini en devo graet ar gouestl.

Leviegezh 5:11

Ma ne c’hell ket pourchas div durzhunell pe div goulm yaouank, an hini en deus pec’het a ginnigo evit e brof un dekvedenn efa (1/10 efa   3 l) flour bleud evel aberzh-dic’haouiñ; ne skuilho ket eoul warnañ ha ne lakaio ket ezañs warnañ, rak un aberzh-dic’haouiñ e vo.

Leviegezh 5:7

Ma ne c’hell ket pourchas un oan pe ur c’havr, e kinnigo d’an AOTROU evel aberzh a gablusted evit ar pezh en devo graet div durzhunell pe div goulm yaouank, unan evel aberzh-dic’haouiñ hag eben evel loskaberzh.

Sant Lucas 6:20

O sevel e zaoulagad war-zu e ziskibien, e lavaras: Eürus oc’h, c’hwi hag a zo paour, rak rouantelezh Doue a zo deoc’h!

2 Korintiz 8:12

Rak mar d-emañ ar gred ganeoc’h, ez eo plijus hervez ar pezh a zo ha nann hervez ar pezh n’eus ket.

2 Korintiz 8:9

Rak anavezout a rit gras an Aotrou Jezuz-Krist, hag eñ pinvidik, a zo en em c’hraet paour evidoc’h, evit ma vefec’h rentet pinvidik dre e baourentez.

1 Samuel 2:8

Adsevel a ra ar paour eus ar poultr, tennañ a ra an ezhommeg diwar an teil, evit e lakaat da azezañ gant ar briñsed, hag e ro dezo da hêrezh un tron a c'hloar. Rak peulioù an douar a zo d'an AOTROU , ha lakaet en deus warno ar bed.