Jozue 8:4 - Bibl Koad 21: Ar Bibl e Brezhoneg evit ar Vretoned

⁴ Hag e roas urzhioù dezho o lavarout: Gwelit, c'hwi en em zalc'ho e ged ouzh kêr, a-dreñv d'ar gêr, na bellait ket kalz diouzh kêr ha bezit holl prest.

Jozue 8:4 Referencias Cruzadas

2 Rouned 7:12

Ar roue a savas en noz hag a lavaras d'e servijerien: Setu ar pezh o deus graet ar Siriz deomp: gouzout a reont ez omp marnaoniet, hag ez int aet kuit eus ar c'hamp da guzhat er maezioù en ur lavarout: Pa vint deuet er-maez eus kêr, e tapimp anezho bev hag ez aimp e kêr.

2 Danevelloù 13:13

Jeroboam a lakaas ur ged d'ober un distro evit tostaat a-ziadreñv. Evel-se e oa a-dal da Juda, hag ar ged a oa a-dreñv d'ar re-mañ.

Ar Prezeger 7:19

Ar furnez a ro muioc'h a nerzh d'an den fur eget dek gouarnour a vefe en ur gêr.

Ar Prezeger 9:16

Neuze em eus lavaret: Furnez a zo gwelloc'h eget nerzh, ha koulskoude disprizet eo furnez ar paour, hag e gomzoù n'int ket selaouet.

Actou an Ebestel 23:21

Na fiz ket enno, rak ouzhpenn daou-ugent anezho a stign pechoù dezhañ hag o deus en em ereet dre leoù penaos na zebrjent ha na evjent ket ken n’o dije lazhet Paol. Ha bremañ int prest o c’hortoz da asant.

Jozue 8:16

An holl bobl a oa e kêr Ai a voe galvet a gri forzh da vont war o lerc'h. Mont a rejont war-lerc'h Jozue, hag e voent dedennet er-maez eus kêr.

Jozue 8:3

Jozue a savas gant an holl dud a vrezel evit pignat da Ai. Jozue a zibabas tregont mil den kadarn ha kreñv, hag o c'hasas en noz.

Ar Varnerien 20:29

Israel a lakaas tud oc'h en em zerc'hel e spi en-dro da C'hibea.

Ar Varnerien 20:33

Holl dud Israel a savas eus al lec'h ma oant, hag en em renkjont e Baal-Tamar. Tud Israel lakaet e spi a ziflukas eus al lec'h ma oant, eus prad Gibea.

Ar Varnerien 20:36

Mibien Benjamin o doa kredet e oa pilet tud Israel, rak kilet o doa dirak re Venjamin; met int a fizie en dud lakaet e spi en-dro da C'hibea.

Ar Varnerien 9:25

Pennoù Sichem a lakaas e spi a-enep dezhañ war-lein ar menezioù tud a breizhjont kement hini a dremene dre an hent a-biou dezho. Kement-se a voe kontet da Abimelek.

Ar Varnerien 9:32

Bremañ eta, sav e-pad an noz, te hag ar bobl a zo ganit, hag en em laka e spi war ar maez;

1 Samuel 15:2

Evel-henn e komz AOTROU an armeoù: Degaset em eus da soñj din ar pezh en deus graet Amalek da Israel, penaos e harzas anezhañ war an hent pa bigne eus an Ejipt.

1 Samuel 15:5

Saül a zeuas betek kêr Amalek, hag e lakaas tud e spi en draonienn.