Jozue 8:33 - Bibl Koad 21: Ar Bibl e Brezhoneg evit ar Vretoned

³³ Hag holl Israel, e henaourien, e ofiserien, e varnerien, en em zalc'he a bep tu d'an arc'h, dirak an aberzhourien, al Levited, a zouge arc'h emglev an AOTROU , an diavaezidi evel an henvroidi, un hanter anezho ouzh kostez Menez Gerizim hag un hanter all ouzh kostez Menez Ebal, evel m'en doa gourc'hemennet diagent Moizez servijer an AOTROU , evit bennigañ pobl Israel.

Jozue 8:33 Referencias Cruzadas

Ermaeziadeg 12:49

Bez' e vo an hevelep lezenn evit an henvroad hag evit an diavaeziad a zo o chom en ho touez.

Leviegezh 24:22

Un hevelep barnedigezh ho po, an diavaeziad a vo evel an henvroad. Me eo an AOTROU ho Toue.

Niveroù 15:15

Bez' e vo ur reolenn hepken evit ar vodadenn hag evit an diavaeziad a zo o chom en ho touez, ur reolenn beurbadus a rummadoù da rummadoù, bez' e vo evidoc'h evel evit an diavaeziad dirak an AOTROU.

Niveroù 15:16

Bez' e vo ul lezenn hepken hag ur varnedigezh hepken evidoc'h hag evit an diavaeziad a zo o chom en ho touez.

Niveroù 15:29

Bez' e vo evidoc'h ul lezenn hepken diwar-benn an hini en devo pec'het diratozh, evit an henvroad a-douez mibien Israel hag evit an diavaeziad a zo o chom en ho touez.

Sant Ian 4:20

Hon tadoù o deus azeulet war ar menez-mañ, ha c’hwi a lavar penaos al lec’h e pelec’h eo ret azeuliñ a zo e Jeruzalem.

Adlezenn 11:29

P'en devo da lakaet an AOTROU da Zoue da vont er vro ma'z ez e-barzh d'he ferc'hennañ, e tisklêri ar vennozh war Venez Gerizim hag ar vallozh war Venez Ebal.

Adlezenn 31:12

Dastum ar bobl, gwazed, gwragez, bugale, hag an diavaeziad a vo e-barzh da zorojoù, evit ma klevint ha ma teskint doujañ an AOTROU ho Toue, ha ma virint holl gomzoù al lezenn-mañ ha ma raint diouto.

Adlezenn 31:25

e roas ar gourc'hemenn-mañ d'al Levited a zouge arc'h emglev an AOTROU o lavarout:

Adlezenn 31:9

Moizez a skrivas al lezenn-mañ, a roas d'an aberzhourien mibien Levi, ar re a zouge arc'h emglev an AOTROU, ha da holl henaourien Israel.

Jozue 23:2

ha Jozue a c'halvas holl Israel, e henaourien, e bennoù, e varnerien, e ofiserien, hag e lavaras: Me a zo deuet da vezañ kozh hag oadet bras.

Jozue 24:1

Jozue a zastumas holl veuriadoù Israel e Sichem hag a c'halvas henaourien Israel, e bennoù, e varnerien, e ofiserien; hag ar re-mañ en em zalc'has dirak Doue.

Jozue 3:14

Ar bobl a yeas er-maez eus he zeltennoù evit tremen ar Jordan, hag an aberzhourien a zouge arc'h an emglev a gerzhe a-raok ar bobl.

Jozue 3:3

hag e rojont urzhioù d'ar bobl o lavarout: Pa welot arc'h emglev an AOTROU ho Toue hag an aberzhourien, al Levited, o tougen anezhi, ez eot kuit eus ho lec'hioù hag e kerzhot war he lerc'h.

Jozue 3:6

Jozue a gomzas d'an aberzhourien o lavarout: Dougit arc'h an emglev ha tremenit a-raok ar bobl. Neuze e tougjont arc'h an emglev hag e kerzhjont dirak ar bobl.

Jozue 4:10

An aberzhourien a zouge an arc'h en em zalc'has e-kreiz ar Jordan, betek ma voe echu ar pezh en doa gourc'hemennet an AOTROU da Jozue lavarout d'ar bobl, hervez kement en doa gourc'hemennet Moizez da Jozue. Hag ar bobl a hastas tremen.

Jozue 4:18

Pa voe pignet eus kreiz ar Jordan an aberzhourien a zouge arc'h emglev an AOTROU , ha ma voe lakaet sol treid an aberzhourien war an douar sec'h, doureier ar Jordan a zistroas d'o lec'h hag a redas evel diagent, dreist ar ribloù.

Jozue 6:6

Jozue mab Nun a c'halvas an aberzhourien hag a lavaras: Dougit arc'h an emglev, ha ra vo seizh aberzhour o tougen seizh shofar e korn tourz dirak arc'h an AOTROU .