Jozue 8:2 - Bibl Koad 21: Ar Bibl e Brezhoneg evit ar Vretoned

² Ober a ri da Ai ha d'e roue evel ma ec'h eus graet da Jeriko ha d'e roue, nemet e kemerot evidoc'h ar preizh hag al loened. Laka ur ged ouzh kêr, en a-dreñv.

Jozue 8:2 Referencias Cruzadas

2 Danevelloù 13:13

Jeroboam a lakaas ur ged d'ober un distro evit tostaat a-ziadreñv. Evel-se e oa a-dal da Juda, hag ar ged a oa a-dreñv d'ar re-mañ.

2 Danevelloù 20:22

D'an ampoent ma krogjont gant ar c'han hag ar veuleudi, an AOTROU a lakaas pechoù a-enep mibien Ammon, Moab ha re eus menez Seir, a zeue a-enep Juda. Hag e voent pilet.

Salmoù 39:6

Setu ec'h eus lakaet va deizioù e muzul ar palvad, ha va oadvezh a zo dirazout evel un netra. Ya, pep den en e sav war an douar n'eo nemet c'hwez!  Ehan

Krennlavarioù 13:22

An den mat a dreuzkaso e hêrezh da vibien e vibien, met pinvidigezhioù ar pec'her a zo miret evit an den reizh.

Krennlavarioù 28:20

An den leal en devo bennozhioù e-leizh, met an hini a hast pinvidikaat ne chomo ket digastiz.

Jeremiaz 17:11

An hini a akuizit pinvidigezhioù hep reizhder a zo evel ur glujar a c'hor ar pezh n'he deus ket dozvet, lezel a raio anezho e-kreiz e zeizioù, ha d'an diwezh e vo kavet diskiant.

Jeremiaz 51:12

Savit ur banniel a-enep mogerioù Babilon, kreñvait ar ged, lakait gwarded, kempennit spioù! Rak an AOTROU en deus bet ur mennad, hag e raio hervez ar pezh en deus lavaret a-enep tud Babilon.

Adlezenn 2:35

Preizhet hon eus evidomp al loened ha madoù ar c'hêrioù hor boa kemeret.

Adlezenn 20:14

Kemer a ri hepken evidout ar gwragez, ar vugaligoù, al loened ha kement a vo e kêr, hec'h holl ziwisk, hag e tebri diwisk da enebourien en devo roet an AOTROU da Zoue dit.

Adlezenn 3:2

An AOTROU a lavaras din: Na'z pet ket aon dirazañ, rak lakaet em eus anezhañ etre da zaouarn, gant e holl bobl hag e vro. Hag e ri dezhañ evel ma ec'h eus graet da Sihon, roue an Amoreaned, a oa o chom en Hesbon.

Jozue 10:1

Pa glevas Adoni-Zedek roue Jeruzalem penaos en doa kemeret Jozue Ai ha penaos en doa he lakaet da verz, penaos en doa graet da Ai ha d'e roue evel m'en doa graet da Jeriko ha d'e roue, ha penaos tud Gabaon o doa graet ar peoc'h gant an Israeliz hag a oa o chom en o zouez,

Jozue 10:28

Jozue a gemeras ivez Makkeda en deiz-se hag a skoas warni gant troc'h ar c'hleze. Lakaat a reas da verz he roue hag he zud a oa enni; ne lezas den da dec'hout kuit, hag e reas da roue Makkeda evel m'en doa graet da roue Jeriko.

Jozue 11:14

Mibien Israel a breizhas evito holl ziwisk ar c'hêrioù-se hag al loened. Lazhañ a rejont gant barvenn ar c'hleze an holl dud betek ma vefent distrujet holl; ne voe lezet netra eus ar re a anale.

Jozue 6:21

Hag e lakajont da verz kement a oa e kêr, dre varvenn ar c'hleze, gwaz ha gwreg, bugel ha kozh, ejen, dañvad hag azen.

Jozue 8:12

Kemer a reas war-dro pemp mil den a lakaas e ged etre Betel hag Ai, er c'huzh-heol da gêr Ai.

Jozue 8:14

Adalek ma welas roue Ai kement-se, tud kêr en em hastas hag a savas beure-mat. Ar roue hag e holl bobl a zeuas er-maez d'an emgann, a-ziarbenn Israel, el lec'h merket eus tu ar blaenenn. Ne ouie ket e oa ur ged a-dreñv kêr.

Jozue 8:19

Ar re a oa e ged a savas buan eus al lec'h ma oant, hag en em lakajont da redek, kerkent ha m'en doa astennet e zorn. Hag ez ejont e kêr, hag e kemerjont anezhi, hag e hastjont lakaat an tan enni.

Jozue 8:24

P'en doe echu Israel da lazhañ holl annezidi Ai, er parkeier, er gouelec'h, el lec'h ma oa aet war o lerc'h, pa voent lazhet holl gant barvenn ar c'hleze betek an diwezhañ, an holl Israeliz a zistroas da Ai hag a skoas warni gant troc'h ar c'hleze.

Jozue 8:3

Jozue a savas gant an holl dud a vrezel evit pignat da Ai. Jozue a zibabas tregont mil den kadarn ha kreñv, hag o c'hasas en noz.

Jozue 8:7

Neuze e savot eus ar ged hag e kemerot kêr. He lakaat a raio an AOTROU ho Toue etre ho taouarn.

Jozue 8:8

Pa ho po kemeret kêr, e lakaiot an tan enni; ober a reot hervez komz an AOTROU: Sellit, me am eus e c'hourc'hemennet deoc'h.

Jozue 8:9

Jozue a gasas anezho hag ez ejont d'en em lakaat e ged, hag en em zalc'hjont etre Betel hag Ai, er c'huzh-heol da Ai. Jozue a chomas en noz-se e-kreiz ar bobl.

Jozue 9:3

Met tud Gabaon, o vezañ klevet ar pezh en doa graet Jozue da Jeriko ha da Ai,