Jozue 8:14 - Bibl Koad 21: Ar Bibl e Brezhoneg evit ar Vretoned

¹⁴ Adalek ma welas roue Ai kement-se, tud kêr en em hastas hag a savas beure-mat. Ar roue hag e holl bobl a zeuas er-maez d'an emgann, a-ziarbenn Israel, el lec'h merket eus tu ar blaenenn. Ne ouie ket e oa ur ged a-dreñv kêr.

Jozue 8:14 Referencias Cruzadas

Ar Prezeger 9:12

Rak an den n'anavez ket zoken e amzer; evel ar pesked a zo kemeret er gwall roued hag al laboused a zo tapet el las, evel-se eo ereet an dud en amzer ar gwalleur, pa gouezh warno a-daol-trumm.

Izaia 19:11

Priñsed Zoan n'int nemet tud diskiant, ar c'huzul eus alierien fur Faraon a zo deuet da vezañ ur bodad amoet. Penaos e lavarit da Faraon: Me ’zo mab ar furien, mab ar rouaned kozh?

Izaia 19:13

Priñsed Zoan o deus kollet o skiant, priñsed Nof en em douell, pennoù ar meuriadoù a laka an Ejipt da ziheñchañ.

Daniel 4:31

Ar ger a oa c'hoazh e genoù ar roue, pa ziskennas ur vouezh eus an neñv: Roue Nebukadnezar, disklêriet eo dit e vo lamet da rouantelezh diganit.

Mazhev 24:39

hag ne ouezjont netra betek ma teuas al liñvadenn-veur d’o c’has holl ganti. Evel-se e vo ivez da zonedigezh Mab an den.

Mazhev 24:50

aotrou ar mevel-se a zeuio d’an deiz na c’hortozo ket ha d’an eur na ouezo ket,

Adlezenn 1:1

Setu ar c'homzoù a lavaras Moizez da Israel a-bezh, en tu-mañ d'ar Jordan, er gouelec'h, er blaenenn a-dal da Suf, etre Paran, Tofel, Laban, Hazerod ha Di-Zahab.

Jozue 8:13

P'o devoe lakaet an dud evel-se, an holl gamp en hanternoz da gêr, hag an dilerc'h er c'huzh-heol da gêr, d'an noz-se, ez eas Jozue e-kreiz an draonienn.

Jozue 8:15

Jozue hag holl Israel a reas van da vezañ pilet dirazo hag a dec'has war-zu ar gouelec'h.

Jozue 8:16

An holl bobl a oa e kêr Ai a voe galvet a gri forzh da vont war o lerc'h. Mont a rejont war-lerc'h Jozue, hag e voent dedennet er-maez eus kêr.

Jozue 8:5

Me, gant an holl dud a vo ganin, a dostaio ouzh kêr. Pa zeuint a-ziarbenn deomp, evel ar wech kentañ, e tec'himp a-raok dezho,

2 Pêr 2:3

Dre zroukc’hoant e korvoint ac’hanoc’h gant gerioù touellus, met abaoe pell amzer ne ehan o c’hondaonidigezh da dostaat hag o c’hollidigezh ne chom ket morgousket.

Ar Varnerien 20:37

Ar re lakaet e spi a hastas en em deurel war C'hibea, hag ar re lakaet e spi a gerzhas hag a skoas war holl c'hêr gant troc'h ar c'hleze.