Jozue 3:16 - Bibl Koad 21: Ar Bibl e Brezhoneg evit ar Vretoned

¹⁶ an doureier a ziskenne eus krec'h a chomas a-sav, en ur bern, pell bras, tost da gêr Adam a zo eus tu Zartan, hag a re a ziskenne war-zu mor ar blaenenn, Mor an Holen, a voe troc'het holl. Hag ar bobl a dremenas a-dal da Jeriko.

Jozue 3:16 Referencias Cruzadas

Geneliezh 14:3

Ar re-mañ holl en em zastumas e traonienn Sidim, a zo Mor an Holen.

1 Rouaned 4:12

Baana mab Akilud en doa Taanak ha Megiddo, hag holl vro Bet-Shean a zo etrezek Zartan, dindan Jizreel, adalek Bet-Shean betek Abel-Mehola ha betek an tu all da Jokmeam;

1 Rouaned 7:46

Ar roue a lakaas da deuziñ anezho e plaenenn ar Jordan, er poull-pri etre Sukkod ha Zartan.

Salmoù 114:3

Ar mor en gwelas hag a dec'has, ar Jordan a zistroas a-dreñv,

Salmoù 114:5

Petra az poa, o mor, evit tec'hout? Ha te, Jordan, evit distreiñ a-dreñv?

Salmoù 29:10

An AOTROU a oa azezet a-us d'al liñvadenn, an AOTROU a azezo da roue da viken.

Salmoù 33:7

Dastum a ra doureier ar mor evel ur bern, hag e laka ar c'hoummadoù e stankadennoù.

Salmoù 66:6

Cheñchet en deus ar mor en douar sec'h. Treuzet hon eus ar stêr war droad. Eno omp laouenaet ennañ.

Salmoù 74:15

Te eo a lakaas mammennoù ha gwazhioù da strinkañ, hag a zisec'has stêrioù dihesk.

Salmoù 77:19

Da gurunoù a grozas er gorventenn, al luc'hed a skedas war ar bed, an douar a spontas hag a grenas.

Salmoù 78:13

Faoutañ a reas ar mor hag o lakaas da dremen. Derc'hel a reas an doureier evel en ur bern.

Ermaeziadeg 14:21

Moizez a astennas e zorn war ar mor, hag an AOTROU a zigoras ar mor e-pad an noz holl dre un avel vras eus ar sav-heol. Hag e lakaas ar mor da hesk hag an doureier en em faoutas.

Ermaeziadeg 14:22

Mibien Israel a yeas e-kreiz ar mor war ar sec'h, an doureier a rae ur voger a-zehou hag unan all a-gleiz.

Ermaeziadeg 14:29

Met mibien Israel a gerzhas e-kreiz ar mor war ar sec'h, hag an doureier a rae ur voger a-zehou hag unan all a-gleiz.

Ermaeziadeg 15:8

D'ar c'hwezh eus da zivfron an doureier a zo en em verniet, ar c'hoummadoù a zo chomet evel un harz, an donderioù o deus skornet e-kreiz ar mor.

Izaia 50:2

Perak ne'm eus kavet den pa'z on deuet? Perak n'en deus respontet den pa em eus galvet? Va dorn, ha re verr eo evit dieubiñ? Ha n'eus ket a nerzh ennon evit saveteiñ? Setu e lakaan ar mor da zisec'hañ pa c'hourdrouzan anezhañ, hag e troan ar stêrioù e gouelec'h, o fesked o vreinañ dre ziouer a zour, marvet gant ar sec'hed.

Ezekiel 47:8

Hag e lavaras din: An doureier-se a ya da rannvro ar sav-heol, hag e tiskennint er blaenenn, hag ez aint er mor. Pa vint en em daolet er mor, e zoureier a zeuio da vezañ yac'h.

Nahum 1:4

Gourdrouz a ra ar mor hag e tisec'h, kas a ra da hesk an holl stêrioù. Ar Basan hag ar C'harmel a goazh, bleuñv al Liban a goazh.

Habakuk 3:8

Hag a-enep ar stêrioù eo fulor an AOTROU? Da gounnar, ha bez' eo a-enep ar stêrioù, ha da fulor, a-enep ar mor, evit ma vefes pignet war da gezeg, war da girri trec'hus?

Niveroù 34:3

Ho pevennoù kreisteiz a vo adalek gouelec'h Zin a-hed Edom; evel-se hoc'h harz kreisteiz a yelo adalek Mor an Holen er reter,

Adlezenn 1:1

Setu ar c'homzoù a lavaras Moizez da Israel a-bezh, en tu-mañ d'ar Jordan, er gouelec'h, er blaenenn a-dal da Suf, etre Paran, Tofel, Laban, Hazerod ha Di-Zahab.

Adlezenn 3:17

hag ar blaenenn bevennet gant ar Jordan, adalek Kinnered betek mor ar blaenenn, Mor an Holen, e traoñ ar Pisga, war-zu ar sav-heol.

Jozue 12:3

ha war ar blaenenn betek ar Mor Kinnered war-zu ar sav-heol, ha betek mor ar blaenenn, a zo Mor an Holen, er sav-heol war hent Bet-Jeshimod, ha war-zu ar c'hreisteiz betek traoñ ar Pisga.

Jozue 15:2

An harz kreisteiz a yae eus penn Mor an Holen, adalek ar vrec'h a sell war-zu ar c'hreisteiz,

Jozue 16:7

hag e tiskenne eus Janoak da Atarod ha da Naarad, hag e tizhe Jeriko, hag e tape ar Jordan,

Jozue 3:13

ha kerkent ha m'o devo lakaet sol o zreid an aberzhourien a zoug arc'h emglev an AOTROU , Aotrou an douar holl, e doureier ar Jordan, doureier ar Jordan a vo rannet, an doureier a ziskenn eus krec'h a chomo a-sav en ur bern.

Jozue 4:22

C'hwi a gelenno ho mibien o lavarout: War ar sec'h e tremenas Israel ar Jordan-mañ,

Jozue 5:1

Pa glevas holl rouaned an Amoreaned a oa en tu all d'ar Jordan war-zu ar c'huzh-heol, hag holl rouaned ar Gananeiz a oa e-kichen ar mor, penaos en doa disec'het an AOTROU doureier ar Jordan dirak mibien Israel ken na oant tremenet, o c'halonoù a deuzas ha ne voe ken a nerzh-kalon enno dirak mibien Israel.

Ar Varnerien 7:22

An tri c'hant den a sonas c'hoazh gant ar shofaroù, hag an AOTROU a droas pep hini a-enep e genseurt, dre an holl gamp. Tud ar c'hamp a dec'has betek Bet-Shitta, betek Zerera, betek ribl Abel-Mehola ha betek Tabbad.