Jozue 3:14 - Bibl Koad 21: Ar Bibl e Brezhoneg evit ar Vretoned

¹⁴ Ar bobl a yeas er-maez eus he zeltennoù evit tremen ar Jordan, hag an aberzhourien a zouge arc'h an emglev a gerzhe a-raok ar bobl.

Jozue 3:14 Referencias Cruzadas

Salmoù 132:8

Sav, o AOTROU, deus da lec'h da ziskuizh, te hag arc'h da nerzh!

Jeremiaz 3:16

Pa ho po kresket ha liesaet war an douar, en deizioù-se, eme an AOTROU, ne vo ken komzet eus arc'h emglev an AOTROU. Ne zistroio ken d'ar soñj, ne vo ken meneget, ne vo ken gweladennet, ne vo ket adc'hraet.

Adlezenn 31:26

Kemerit levr al lezenn-mañ, lakait anezhañ e-kichen arc'h emglev an AOTROU ho Toue, hag e vo eno evel test a-enep dit,

Hebreed 9:4

eno e oa an aoter aour evit an ezañs hag arc’h an emglev holl c’holoet a aour, e-lec’h ma oa ul lestr aour hag ennañ ar mann, gwialenn Aaron he doa bleuniet ha taolennoù an emglev.

Jozue 24:11

Tremenet hoc'h eus ar Jordan hag oc'h deuet da Jeriko. Tud Jeriko, an Amoreaned, ar Ferezianed, ar Gananeiz, an Hitited, ar C'hirgazianed, an Hevianed, ar Jebuziz a reas brezel deoc'h; hag o lakaet em eus etre ho taouarn.

Jozue 3:3

hag e rojont urzhioù d'ar bobl o lavarout: Pa welot arc'h emglev an AOTROU ho Toue hag an aberzhourien, al Levited, o tougen anezhi, ez eot kuit eus ho lec'hioù hag e kerzhot war he lerc'h.

Jozue 3:6

Jozue a gomzas d'an aberzhourien o lavarout: Dougit arc'h an emglev ha tremenit a-raok ar bobl. Neuze e tougjont arc'h an emglev hag e kerzhjont dirak ar bobl.

Jozue 6:6

Jozue mab Nun a c'halvas an aberzhourien hag a lavaras: Dougit arc'h an emglev, ha ra vo seizh aberzhour o tougen seizh shofar e korn tourz dirak arc'h an AOTROU .