Jozue 24:8 - Bibl Koad 21: Ar Bibl e Brezhoneg evit ar Vretoned

⁸ Neuze em eus degaset ac'hanoc'h da vro an Amoreaned, a oa o chom en tu all d'ar Jordan. Ober a rejont brezel deoc'h, met o lakaet em eus etre ho taouarn, hag e perc'hennjoc'h o bro, hag o distrujet em eus a-zirazoc'h.

Jozue 24:8 Referencias Cruzadas

Nehemia 9:22

Roet ec'h eus dezho rouantelezhioù ha pobloù, ac'h eus lodennet dezho dre gornadoù. Hag e perc'hennjont bro Sihon, bro roue Hesbon, bro Og roue Basan.

Ermaeziadeg 23:23

Rak va ael a gerzho dirazout hag a lakaio ac'hanout e bro an Amoreaned, an Hitited, ar Ferezianed, ar Gananeiz, an Hevianed hag ar Jebuziz, hag e kasin anezho da get.

Amoz 2:10

Ho lakaet em eus ivez da bignat eus bro Ejipt, hag ho renet em eus daou-ugent vloaz er gouelec'h evit perc'hennañ bro an Amoreaned.

Amoz 2:9

Koulskoude em eus distrujet an Amorean dirazo, ma oa e uhelder evel uhelder ar sedrez, hag e greñvder evel hini an derv; distrujet em eus e frouezh en nec'h hag e wrizioù en traoñ.

Adlezenn 2:32

Sihon a yeas a-ziarbenn deomp gant e holl bobl evit stourm ouzhimp e Jahaz.

Jozue 13:10

hag holl gêrioù Sihon roue an Amoreaned a rene en Hesbon betek harz mibien Ammon,