Jozue 24:7 - Bibl Koad 21: Ar Bibl e Brezhoneg evit ar Vretoned

⁷ Hag e krijont d'an AOTROU , a lakaas un deñvalijenn etrezoc'h hag an Ejipsianed; hag e tegasas warno ar mor, a c'holoas anezho. Ho taoulagad a welas ar pezh am eus graet d'an Ejipsianed. Hag ez oc'h chomet pell amzer er gouelec'h.

Jozue 24:7 Referencias Cruzadas

Ermaeziadeg 14:10

Evel ma tostae Faraon, mibien Israel a savas o daoulagad ha setu, an Ejipsianed a gerzhe war o lerc'h. Neuze mibien Israel o doe aon meurbet, hag e krijont war-zu an AOTROU .

Ermaeziadeg 14:20

Dont a reas etre kamp an Ejipsianed ha kamp Israel. Hag e voe ur goabrenn deñval ouzh un tu, hag a roe gouloù en noz ouzh an tu all. Ne dostaas ket ur c'hamp ouzh egile e-pad an noz holl.

Ermaeziadeg 14:31

Evel-se Israel a welas an dorn kreñv en doa displeget an AOTROU a-enep an Ejipsianed. Hag ar bobl a zoujas an AOTROU , hag e kredjont en AOTROU hag e Moizez e servijer.

Adlezenn 1:46

Chomet oc'h e Kadesh kalz a zeizioù, keit ha ma chomjoc'h eno.

Adlezenn 2:14

An amzer ma'z omp bet o kerzhout eus Kadesh-Barnea betek tremen froud Sered a zo bet eizh vloaz ha tregont, betek ma voe kuzumet holl rummad an dud a vrezel a-greiz ar c'hamp, evel m'en doa touet an AOTROU dezho.

Adlezenn 29:2

Moizez a zastumas holl Israel hag a lavaras: Gwelet hoc'h eus kement en deus graet an AOTROU dirak ho taoulagad e bro Ejipt, da Faraon, d'e holl servijerien ha d'e holl vro,

Adlezenn 4:34

Hag-eñ ez eus esaeet un doue dont da gemer e-unan ur bobl a-greiz ur bobl all dre amprouennoù, sinoù, mirakloù ha stourmadegoù, dre un dorn kreñv hag ur vrec'h astennet, ha dre spontoù bras, evel kement en deus graet an AOTROU ho Toue en Ejipt dindan ho taoulagad?

Hebreed 3:17

Hag a-enep piv e voe Doue imoret e-pad daou-ugent vloaz, nemet a-enep ar re a bec’has hag a gouezhas o c’horfoù el lec’h distro?

Jozue 5:6

Mibien Israel o doa kerzhet er gouelec'h e-pad daou-ugent vloaz, ken na voe aet da get an holl bobl tud a vrezel a oa deuet er-maez eus an Ejipt ha n'o doa ket selaouet ouzh mouezh an AOTROU . An AOTROU en doa touet dezho n'o lezje ket da welout ar vro a douas an AOTROU reiñ deomp, ur vro a zever gant laezh ha mel.