Jozue 24:14 - Bibl Koad 21: Ar Bibl e Brezhoneg evit ar Vretoned

¹⁴ Bremañ eta, doujit an AOTROU , servijit anezhañ gant eeunder ha fealded, pellait an doueoù o deus servijet ho tadoù en tu all d'ar stêr hag en Ejipt, ha servijit an AOTROU .

Jozue 24:14 Referencias Cruzadas

Geneliezh 17:1

Neuze, Abram o vezañ en oad a naontek vloaz ha pevar-ugent, an AOTROU en em ziskouezas da Abram hag a lavaras: Me eo an Doue holl-c'halloudek, kerzh dirak va dremm ha bez didamall.

Geneliezh 35:2

Jakob a lavaras d'e diegezh ha d'ar re holl a oa gantañ: Lamit an doueoù estren diouzh ho touez, en em c'hlanait ha cheñchit ho tilhad,

2 Rouned 20:3

hag e lavaras: O AOTROU, az pez soñj em eus kerzhet dirak da zremm gant fealded hag eeunded a galon, hag em eus graet ar pezh a zo dereat da'z taoulagad! Hag Ezekiaz a skuilhas daeroù e-leizh.

Ezdra 9:11

ac'h eus roet dre da servijerien ar brofeded, o lavarout: Ar vro ma'z it enni evit he ferc'hennañ, a zo ur vro saotret dre saotradur pobloù ar broioù-se, leuniet eo bet gant o euzhusterioù, adalek ur penn bete ar penn all, gant o hudurniezh.

Levr Job 1:1

Bez' e oa e bro Uz un den anvet Job. An den-se a oa gwirion hag eeun, a zouje Doue hag a zistroe diouzh an droug.

Levr Job 28:28

Hag e lavaras d'an den: Setu, doujañs an Aotrou eo ar furnez, distreiñ diouzh an droug eo ar poell.

Salmoù 111:10

Penn-kentañ ar furnez eo doujañs an AOTROU. An holl re a heuilh e c'hourc'hemennoù a zo fur e gwirionez. E veuleudi a bad da viken.

Salmoù 119:1

Eürus ar re a zo eeun en o hent, a gerzh hervez lezenn an AOTROU!

Salmoù 119:80

Ra vo va c'halon eeun ez reolennoù, evit na vin ket mezhek!

Salmoù 130:4

Met ar pardon a zo ez kichen, evit ma vi doujet.

Salmoù 81:10

Ra ne vo ket a zoueoù estren ez ti. Ra ne stoui ket dirak doueoù ar broadoù.

Ezekiel 20:18

Lavaret em eus d'o mibien er gouelec'h: Na gerzhit ket hervez kustumoù ho tadoù, na virit ket o gizioù, n'en em saotrit ket gant o idoloù.

Ezekiel 23:3

Gastaouiñ a rejont en Ejipt, gastaouiñ a rejont en o yaouankiz, o divronn a voe gwasket, askre o gwerc’hded a voe tarzhet.

Ozea 3:5

Goude-se, mibien Israel a zistroio, hag e klaskint an AOTROU o Doue ha David o roue. Hag e teuint gant doujañs da gavout an AOTROU hag e vadelezh, en deizioù diwezhañ.

Leviegezh 17:7

Ne ginnigint ken o aberzhoù d’an diaouled, emaint o vont da c’hast ganto. Ur reolenn beurbadus e vo evidoc’h a rummadoù da rummadoù.

Mika 6:8

Disklêriet en deus dit, o den, ar pezh a zo mat, hag ar pezh a c'houlenn an AOTROU diganit, nemet ober ar pezh a zo reizh, karout an drugarez, ha kerzhout izelek gant da Zoue.

Sant Lucas 8:15

Met ar pezh a zo kouezhet en un douar mat, eo ar re a glev ar ger gant ur galon onest ha mat, en dalc’h hag a zoug frouezh gant kendalc’husted.

Actou an Ebestel 9:31

Koulskoude an Ilizoù a oa e peoc’h en holl Judea, Galilea ha Samaria, o vezañ kreñvaet ha o kerzhout e doujañs an Aotrou. Kreskiñ a raent dre sikour ar Spered-Santel.

2 Korintiz 1:12

Rak ar pezh a ra hor gloar eo en testeni-mañ eus hor c’houstiañs penaos omp en em renet er bed, ha dreist-holl en ho keñver, gant eeunder ha gwirionded dirak Doue, nann gant ur furnez kigel, met gant gras Doue.

Efeziz 6:24

Ra vo ar c’hras gant ar re holl a gar hon Aotrou Jezuz-Krist gant ur garantez digemmus! Amen.

Adlezenn 10:12

Bremañ eta, Israel, petra a c'houlenn diganit an AOTROU da Zoue, nemet doujañ an AOTROU da Zoue, kerzhout en e holl hentoù, karout anezhañ, servijañ an AOTROU da Zoue eus da holl galon hag eus da holl ene,

Adlezenn 18:13

Peurvat e vi e-keñver an AOTROU da Zoue.

Adlezenn 6:13

Doujañ a ri an AOTROU da Zoue, hag e serviji anezhañ, hag e toui dre e anv.

Filipiz 1:10

evit ma c’hellot anavezout an traoù a zo dispar ha ma viot glan ha divlam a-benn deiz Jezuz-Krist,

Jozue 24:2

Jozue a lavaras d'ar bobl: Evel-henn en deus lavaret an AOTROU Doue Israel: Ho tadoù, Terak, tad Abraham ha tad Nakor, a oa o chom gwechall en tu all d'ar stêr, hag a servije doueoù all.

Jozue 24:23

Bremañ eta, lamit an doueoù estren a zo en ho touez, ha troit ho kalonoù war-zu an AOTROU Doue Israel.

1 Samuel 12:14

Mar doujit an AOTROU , mar servijit anezhañ, mar sentit ouzh e vouezh, ma n'oc'h ket disent ouzh gourc'hemenn an AOTROU , neuze an AOTROU ho Toue a vo dirazoc'h, c'hwi hag ar roue a reno warnoc'h.

1 Samuel 12:24

Doujit hepken an AOTROU ha servijit-eñ e gwirionez hag a holl galon, rak gwelit an traoù bras en deus graet en ho keñver.

1 Samuel 7:3

Samuel a gomzas ouzh holl di Israel o lavarout: Mar distroit a holl galon d'an AOTROU , lamit eus ho touez an doueoù estren hag Astarte, ha distroit ho kalon etrezek an AOTROU , servijit-eñ hepken, hag ho tieubiñ a raio eus dorn ar Filistined.