Jozue 2:1 - Bibl Koad 21: Ar Bibl e Brezhoneg evit ar Vretoned

¹ Jozue mab Nun a gasas e kuzh eus Sitim daou spier o lavarout: Kit da spiañ ar vro, ha Jeriko. Mont a rejont eta hag e teujont da di ur c'hast anvet Rahab, hag e kouskjont eno.

Jozue 2:1 Referencias Cruzadas

Geneliezh 42:16

Kasit unan ac'hanoc'h ha ra zegaso ho preur, ha c'hwi, chomit prizonidi amañ. Ra vo amprouet ho komzoù evit gwelout hag emañ ar wirionez ganeoc'h. Anez, dre vuhez Faraon, spierien oc'h.

Geneliezh 42:9

Jozef a soñjas en huñvreoù en doa bet diwar o fenn hag e lavaras: Spierien oc'h, deuet oc'h evit gwelout lec'hioù dinerzh ar vro.

Mika 6:5

Va fobl, az pez soñj eta eus ar pezh a c'hoantaas Balag roue Moab, hag ar pezh a respontas dezhañ Balaam mab Beor, hag ar pezh am eus graet a-dal Sitim betek Gilgal, evit ma'c'h anavezi oberoù reizh an AOTROU.

Niveroù 13:1

An AOTROU a gomzas da Voizez o lavarout:

Niveroù 13:2

Kas tud evit spiañ bro Ganaan, a roin da vibien Israel. Kas a reot un den dre bep meuriad o zadoù, holl re gentañ eus o zouez.

Niveroù 25:1

Israel a chomas e Sitim, hag ar bobl en em lakaas da c'hastaouiñ gant merc'hed Moab.

Niveroù 33:49

Kampiñ a rejont e-kichen ar Jordan, adalek Bet-Jeshimod betek Abel-Shitim, e plaenennoù Moab.

Mazhev 1:5

Salmon, eus Rahab, a voe tad da Voaz. Boaz, eus Rud, a voe tad da Obed. Obed a voe tad da Jese.

Mazhev 10:16

Setu, e kasan ac’hanoc’h evel deñved e-touez ar bleizi, bezit eta evezhiek evel naered ha eeun evel koulmed.

Efeziz 5:5

Rak anavezout a rit kement-mañ, penaos den gadal ebet, pe hudur, pe gwallc’hoantek hag a zo un idolour, n’en deus lod en hêrezh rouantelezh Krist ha Doue.

Hebreed 11:31

Dre ar feiz Rahab ar c’hast ne voe ket kollet asambles gant ar re zisent, dre ma he doa degemeret ar spierien e peoc’h.

S. Jakes 2:25

En hevelep doare Rahab ar c’hast, ha ne voe ket reishaet dre an oberoù pa zegemeras ar gannaded ha pa lakaas anezho da vont kuit dre un hent all?

Jozue 1:18

Pep den a zisento ouzh da urzhioù ha na sento ket ouzh da gomzoù e kement ha ma c'hourc'hemenni deomp, a vo lakaet d'ar marv. Nemet, en em galoneka ha bez kreñv.

Jozue 2:2

Hag e voe lavaret da roue Jeriko: Setu, tud a zo deuet en noz-mañ a-douez mibien Israel, evit spiañ ar vro.

Jozue 21:31

Helkad gant he douaroù, Reob gant he douaroù, peder c'hêr;

Jozue 3:1

Jozue a savas beure-mat, a yeas kuit eus Sitim hag a zeuas betek ar Jordan, gant holl vibien Israel. Hag e tremenjont eno an noz a-raok treuziñ.

Jozue 5:10

Mibien Israel a gampas e Gilgal, hag e rejont ar Pask d'ar pevarzekvet deiz eus ar miz, da noz, e maezioù Jeriko.

Ar Varnerien 1:23

Ti Jozef a reas spiañ Betel, hec'h anv a oa diagent Luz.

Ar Varnerien 18:14

Neuze ar pemp den a oa aet evit spiañ bro Laish a gomzas, o lavarout d'o breudeur: Hag e ouzoc'h ez eus en tiez-mañ un efod ha terafim, ur skeudenn gizellet hag ur skeudenn deuzet? Gwelit eta bremañ ar pezh hoc'h eus d'ober.

Ar Varnerien 18:17

hag ar pemp den a oa aet evit spiañ ar vro a bignas hag a yeas tre, hag e tapjont ar skeudenn gizellet, an efod, an terafim hag ar skeudenn deuzet, e-pad ma oa an aberzhour ouzh toull an nor gant ar c'hwec'h kant den harnezet a armoù-brezel.

Ar Varnerien 18:2

Mibien Dan a gasas pemp den eus o c'herentiezhioù, kemeret en o c'hreiz, tud kadarn eus Zorea hag Eshtaol, evit spiañ ar vro hag hec'h anavezout. Hag e lavarjont dezho: Kit da anavezout ar vro. Dont a rejont da venez Efraim betek ti Mika, hag e tremenjont an noz eno.