E vreudeur hag holl di e dad a ziskennas hag e gasas ganto. O vezañ adpignet, e sebeilhjont anezhañ etre Zora hag Eshtaol, e bez Manoa e dad. Barnet en doa Israel ugent vloaz.
Mibien Dan a gasas pemp den eus o c'herentiezhioù, kemeret en o c'hreiz, tud kadarn eus Zorea hag Eshtaol, evit spiañ ar vro hag hec'h anavezout. Hag e lavarjont dezho: Kit da anavezout ar vro. Dont a rejont da venez Efraim betek ti Mika, hag e tremenjont an noz eno.