Jozue 18:10 - Bibl Koad 21: Ar Bibl e Brezhoneg evit ar Vretoned

¹⁰ Jozue a daolas ar sord evito e Silo dirak an AOTROU , ha Jozue a lodennas eno ar vro da vibien Israel, pep e lodenn.

Jozue 18:10 Referencias Cruzadas

1 Danevelloù 24:5

Rannet e voent dre ar sord, an eil re gant ar re all, rak bez' e oa gouarnourien ar santual ha gouarnourien ti Doue a-douez mibien Eleazar hag a-douez mibien Itamar.

Nehemia 11:1

Pennoù ar bobl a rejont o diazez e Jeruzalem, met nemorant ar bobl a dennas d'ar sord evit ma vefe un dekvedenn o chom e Jeruzalem, ar gêr santel, hag an nav dekvedenn all er c'hêrioù all.

Salmoù 47:4

Renkañ a ra ar pobloù dindanomp, hag ar broadoù dindan hon treid.

Salmoù 61:5

Chom a rin en da deltenn da viken. En em dennañ a rin dindan skeud da eskell.  Ehan

Krennlavarioù 18:18

Ar sord a echu an tabutoù, hag a ra al lodennoù etre ar re c'halloudek.

Jeremiaz 7:12

Kit da'm lec'h a oa e Silo, ma em boa lakaet va anv da chom ennañ er penn-kentañ, ha gwelit ar pezh am eus graet en abeg da zrougiezh va fobl Israel.

Ezekiel 47:22

He lodennañ a reot dre ar sord, evidoc'h hag evit an diavaezidi o chom en ho touez hag a vo tad da vibien en ho touez. Bez' e vint evidoc'h evel an henvroidi e-touez mibien Israel, hag o devo un hêrezh ganeoc'h e-touez meuriadoù Israel.

Ezekiel 48:29

Honnezh eo ar vro a lodennot dre ar sord en hêrezh da veuriadoù Israel, hag ar re-se eo o lodennoù, eme an Aotrou AOTROU.

Mika 2:5

Setu perak ne vo hini ebet oc'h astenn ar gordenn war ul lodenn e bodadeg an AOTROU.

Niveroù 34:16

An AOTROU a gomzas da Voizez o lavarout:

Mazhev 27:35

Goude bezañ e staget ouzh ar groaz, e lodennjont e zilhad ouzh o zeurel d’ar sord, evit ma vije peurc’hraet ar pezh a oa bet lavaret gant ar profed: Lodennet o deus va dilhad ha taolet o deus va sae d’ar sord.

Sant Ian 17:2

ha, hervez ar galloud ac’h eus roet dezhañ war bep kig, ma roio ar vuhez peurbadus d’an holl re ac’h eus roet dezhañ.

Actou an Ebestel 13:19

hag, o vezañ distrujet seizh broad e Bro-Ganaan, e lodennas dezho ar vro da hêrezh.

Actou an Ebestel 26:18

da zigeriñ o daoulagad ha d’o lakaat da dremen eus an deñvalijenn d’ar sklêrijenn hag eus galloud Satan da Zoue, evit ma resevint ar pardon eus o fec’hedoù hag un hêrezh e-touez ar re a zo santelaet dre ar feiz ennon.

Koloseiz 1:12

o trugarekaat an Tad en deus hol lakaet barrek da gaout lod en hêrezh ar sent er sklêrijenn.

Jozue 14:2

O hêrezh a voe roet dezho dre ar sord, evel m'en doa gourc'hemennet an AOTROU dre Voizez evit an nav meuriad hag an hanter-veuriad.

Jozue 14:5

Mibien Israel a reas evel m'en doa gourc'hemennet an AOTROU da Voizez, hag e lodennjont ar vro.

Jozue 18:11

Hag ar sord a gouezhas war veuriad mibien Benjamin, hervez o ziegezhioù, hag an douar a roas ar sord dezho a zegouezhas etre mibien Juda ha mibien Jozef.

Jozue 18:6

Grit un tres eus ar vro e seizh lodenn, hag e tegasot anezhañ din amañ. Hag e taolin ar sord evidoc'h, amañ, dirak an AOTROU hon Doue.

Jozue 18:8

An dud-se a savas hag a yeas. Jozue a c'hourc'hemennas d'ar re a yeas ober un tres eus ar vro, o lavarout: Kit, ergerzhit ar vro, grit un tres anezhi ha tistroit da'm c'havout, hag e taolin ar sord evidoc'h, amañ, dirak an AOTROU , e Silo.

Jozue 18:9

An dud-se a yeas, a ergerzhas ar vro, a reas un tres anezhi en ul levr e seizh lodenn hervez ar c'hêrioù, hag e tistrojont da gavout Jozue da gamp Silo.

Jozue 19:51

Setu an hêrezhioù a voe lodennet evel hêrezh gant Eleazar an aberzhour, Jozue mab Nun, ha pennoù-tadel meuriadoù mibien Israel, dre ar sord, e Silo, dirak an AOTROU , ouzh digor teltenn an engalv. Hag e voe echu da lodennañ ar vro.

Jozue 23:4

Gwelit, lodennet em eus deoc'h evel hêrezh, hervez ho meuriadoù, an holl vroadoù a zo chomet adalek ar Jordan, hag an holl vroadoù am eus distrujet betek ar Mor Bras war-zu ar c'huzh-heol.