Jozue 17:14 - Bibl Koad 21: Ar Bibl e Brezhoneg evit ar Vretoned

¹⁴ Mibien Jozef a gomzas ouzh Jozue o lavarout: Perak ec'h eus roet din da hêrezh ul lodenn hepken, pa'z on ur bobl niverus, en deus benniget an AOTROU betek-henn?

Jozue 17:14 Referencias Cruzadas

Geneliezh 48:19

Met e dad ne reas ket, o lavarout: Anavezout a ran kement-se, va mab, anavezout a ran-se, eñ ivez a zeuio da vezañ ur bobl, eñ ivez a vo bras. Koulskoude e vreur yaouankañ a vo brasoc'h egetañ hag e lignez a vo un engroez a vroadoù.

Geneliezh 48:20

En deiz-se, e vennigas anezho hag e lavaras: Israel a vennigo drezout, o lavarout: Doue da'z rentañ evel Efraim hag evel Manase! Lakaat a reas eta Efraim a-raok Manase.

Geneliezh 48:22

Roet em eus dit ul lodenn muioc'h eget da'z preudeur, an hini am eus kemeret eus dorn an Amoreaned gant va c'hleze ha va gwareg.

Ezekiel 48:5

Ouzh harz Manase, eus ar sav-heol d'ar c'huzh-heol, e vo lodenn Efraim.

Niveroù 13:7

evit meuriad Isakar, Jigal mab Jozef;

Niveroù 26:54

D'ar re a zo e niver bras e roi un hêrezh vrasoc'h, d'ar re a zo e niver bihan e roi un hêrezh vihanoc'h; da bep hini e vo roet un hêrezh hervez an niveradeg.

Niveroù 36:12

Dimeziñ a rejont e tiegezh mibien Manase mab Jozef, hag o hêrezh a chomas e meuriad tiegezh o zad.

Jozue 16:4

Evel-se mibien Jozef, Manase hag Efraim, o doe o hêrezh.

Jozue 17:15

Jozue a lavaras: Mard out ur bobl niverus, pign d'ar goadeg, ha troc'h anezhi d'ober lec'h evidout e bro ar Ferezianed hag ar Refaim, pa'z eo re enk dit menez Efraim.