Jozue 17:1 - Bibl Koad 21: Ar Bibl e Brezhoneg evit ar Vretoned

¹ Setu al lodenn degouezhet dre ar sord da veuriad Manase, a oa kentañ-ganet Jozef. E-keñver Makir, kentañ-ganet Manase ha tad da C'halaad, dre ma oa un den a vrezel, en doa bet Galaad ha Basan.

Jozue 17:1 Referencias Cruzadas

Geneliezh 41:51

Jozef a c'halvas ar c'hentañ-ganet Manase rak Doue, emezañ, en deus roet din da ankounac'haat va holl boan hag holl di va zad.

Geneliezh 41:52

Hag e c'halvas an eil Efraim rak Doue, emezañ, en deus va rentet frouezhus e bro va glac'har.

Geneliezh 46:20

Jozef en doe mibien e bro Ejipt, Manase hag Efraim, a c'hanas dezhañ Asnad merc'h Poti-Fera aberzhour On.

Geneliezh 48:17

Jozef a welas penaos e lakae e dad e zorn dehou war benn Efraim hag en doe displijadur. Kregiñ a reas e dorn e dad evit e zistreiñ diwar-benn Efraim war benn Manase.

Geneliezh 48:18

Jozef a lavaras d'e dad: Nann evel-se, va zad, rak hemañ eo ar c'hentañ-ganet, laka da zorn dehou war e benn.

Geneliezh 50:23

Jozef a welas bugale Efraim betek an deirvet lignez. Bugale Makir mab Manase a voe ivez ganet war daoulin Jozef.

2 Samuel 2:9

hag en lakaas da roue war Galaad, war an Ashuried, war Jizreel, war Efraim, war Benjamin, ha war holl Israel.

1 Danevelloù 2:23

Geshur hag Aram a gemeras dezho bourc'h Jair hag hini Kenad gant he c'hêriadennoù tro-dro, tri-ugent kêr. An holl re-se a voe mibien Makir tad Galaad.

Ezekiel 47:13

Evel-henn e komz an Aotrou AOTROU: Setu harzoù ar vro en devo daouzek meuriad Israel da hêrezh; Jozef en devo div lodenn.

Ezekiel 48:4

Ouzh harz Neftali, eus ar sav-heol d'ar c'huzh-heol, e vo lodenn Vanase.

Niveroù 26:29

Mibien Manase: Makir ha tiegezh ar Vakiriz. Makir a voe tad da C'halaad, Galaad ha tiegezh ar C'halaadiz.

Niveroù 27:1

Merc'hed Zelofkad mab Hefer mab Galaad mab Makir mab Manase, eus tiegezhioù Manase mab Jozef: o anvioù a oa Mahla, Noa, Holga, Milka, Tirza.

Niveroù 32:33

Moizez a roas da vibien Gad, da vibien Ruben ha da hanter-veuriad Manase mab Jozef, rouantelezh Sihon roue an Amoreaned, rouantelezh Og roue Basan, ar vro gant he c'hêrioù en e harzoù ha douaroù kêrioù ar vro tro-war-dro.

Adlezenn 21:17

Anavezout a raio mab an hini gasaet evit ar c'hentañ-ganet, hag e roio dezhañ ul lodenn doubl eus ar pezh en devo, rak hemañ eo frouezh kentañ e nerzh, an henañded a vo dezhañ.

Jozue 17:2

Mibien all Manase, hervez o ziegezhioù, a zo: mibien Abiezer, mibien Helek, mibien Asriel, mibien Sichem, mibien Hefer, mibien Shemida. Int eo bugale par Manase mab Jozef, hervez o ziegezhioù.

Jozue 22:7

Moizez en doa roet da un hanter eus meuriad Manase ul lodenn e Basan, ha Jozue a roas d'an hanter all ul lodenn gant o breudeur en tu-mañ d'ar Jordan, er c'huzh-heol. Pa gasas Jozue anezho d'o zeltennoù, e vennigas anezho,

Ar Varnerien 5:14

Eus Efraim e voe o gwrizienn a-enep Amalek, war da lerc'h Benjamin a gerzhas e-touez ar pobloù, eus Makir eo deuet ar renerien, eus Zabulon eo deuet ar re a zalc'he pluenn ar skrivagner.