Joel 2:26 - Bibl Koad 21: Ar Bibl e Brezhoneg evit ar Vretoned

²⁶ Debriñ a reot hag ho po ho kwalc'h, hag e veulot anv an AOTROU ho Toue, en devo graet en ho keñver traoù burzhudus. Ha va fobl ne vo biken mezhek.

Joel 2:26 Referencias Cruzadas

Geneliezh 33:11

Kemer, me az ped, va frof a zo bet kinniget dit, rak Doue en deus va leuniet a c'hrasoù hag em eus a gement zo. Kement e talc'has warnañ ken en kemeras.

Nehemia 9:25

Hag e kemerjont kêrioù kreñv ha douaroù druz, hag e perc'hennjont tiez leun a bep seurt madoù, puñsoù toullet, gwini, olived ha gwez-frouezh e-leizh, hag e tebrjont hag o doe o gwalc'h, deuet int lart hag e vevjont er plijadurioù dre da vadelezh vras.

Salmoù 103:5

a leugn da c'henoù a vadoù, ma'z eo da yaouankiz adnevezet evel hini un erer.

Salmoù 116:7

Distro da'z tiskuizh, va ene, rak an AOTROU en deus graet vad dit.

Salmoù 13:6

Evidon-me, lakaet em eus va fiziañs ez madelezh, va c'halon en me laouenaio ez silvidigezh, kanañ a rin d'an AOTROU rak en devo graet vad din.

Salmoù 22:26

Meulet e vi ganin er vodadeg vras; peurober a rin va gouestloù dirak ar re a zouj ac'hanout.

Salmoù 37:19

Ne vint ket mezhek da vare ar gwalleur, hag o gwalc'h o devo da zeizioù an naonegezh.

Salmoù 67:5

Ar broadoù a laouenaio hag a gano gant levenez, rak barn a ri ar pobloù gant eeunder, hag e reni ar broadoù war an douar.

Salmoù 72:18

Benniget ra vo an AOTROU Doue, Doue Israel, an hini hepken a ra traoù burzhudus.

Krennlavarioù 13:25

An den reizh a zebro hag en devo e walc'h, met kof ar re zrouk en devo dienez.

Kanenn ar C’hanennoù 5:1

Deuet on em liorzh, va c'hoar, va fried. Dastumet em eus va mir gant va louzoù-frondus, debret em eus va zerennoù gant va mel, evet em eus va gwin gant va laezh. Debrit, mignoned, en em vezvit gant karantez!

Izaia 25:1

AOTROU, te eo va Doue! Da ganmeuliñ a rin, meuliñ a rin da anv, rak traoù burzhudus ac'h eus graet, da vennadoù bet divizet abaoe pell 'zo a zo sur ha gwirion.

Izaia 29:22

En abeg da-se evel-henn e komz an AOTROU diwar-benn ti Jakob, eñ hag en deus dasprenet Abraham: Jakob ne vo ken mezhek, hag e zremm ne zrouklivo ken.

Izaia 45:17

Israel a zo salvet dre an AOTROU, gant ur silvidigezh peurbadus. Ne viot na mezhek na pinous, biken.

Izaia 49:23

Rouaned a vo da vagerien, hag o friñsezed da vagerezed, stouiñ a raint dirazout an dremm d'an douar, hag e lipint poultrenn da dreid. Te a anavezo ez on an AOTROU, ha ne vo ket mezhek ar re a zo en gortoz ac'hanon.

Izaia 54:4

Na'z pez ket aon, ne vi ket dismegañset ha ne vi ket mezhekaet, rak ne vi ken displetaet, met ec'h ankounac'hai mezh da yaouankiz, ne'z po ken a soñj eus dismegañs da intañvelezh.

Izaia 55:2

Perak e pouezit arc'hant evit ar pezh n'eo ket bara? Perak e labourit evit ar pezh na leugn ket? Selaouit ouzhin hag e tebrot ar pezh a zo mat, hag hoc'h ene a vo plijet gant ar pezh a zo gwellañ.

Leviegezh 25:19

Ar vro a roio e frouezh, ho kwalc’h a zebrot hag e chomot e surentez.

Leviegezh 26:26

Pa dorrin deoc’h bazh ar bara, dek gwreg a boazho bara en ur forn hepken hag a roio deoc’h ho para dre bouez, hag e tebrot ha n’ho po ket ho kwalc’h.

Leviegezh 26:5

dornerezh ar greun a bado ganeoc’h betek ar vendem, hag ar vendem betek an here; debriñ a reot bara d’ho kwalc’h hag e chomot e surentez en ho pro;

Mika 6:14

Debriñ a ri met ne'z po ket da walc'h, hag an naon a vo ez kreiz. Lakaat a ri a gostez, met ne savetei ket, hag ar pezh az po saveteet a roin d'ar c'hleze.

Sofonia 3:11

En deiz-se ne vi ken mezhek en abeg d'an holl oberoù ec'h eus pec'het drezo a-enep din; rak neuze e lamin eus da greiz an holl re a zo bet laouen gant da lorc'h, ha ne gendalc'hi ken da vezañ lorc'hus war venez va santelezh.

Zakaria 9:15

AOTROU an armeoù a vo o diwaller, lonkañ ha mac'hañ a raint ar vein-batalm. Hag evañ a raint oc'h ober trouz evel everien-win, leun e vint evel listri-aberzh, evel kerniel an aoter.

Zakaria 9:17

Pegen bras e vo o c'haerder hag o sked! Ar gwinizh a raio d'an dud yaouank kreskiñ, hag ar gwin nevez d'ar plac'hed yaouank.

Romaned 10:11

Rak ar Skritur a lavar: Piv bennak a gred ennañ ne vo ket mezhekaet.

Romaned 5:5

Hag an esperañs ne drompl ket, rak karantez Doue a zo bet skuilhet en hor c’halonoù gant ar Spered-Santel a zo bet roet deomp.

Romaned 9:33

hervez ma’z eo skrivet: Setu, e lakaan e Sion ur maen-kouezh hag ur roc’h a wallskouer, ha piv bennak a gredo ennañ ne vo ket mezhekaet.

Adlezenn 11:15

me a lakaio geot ez parkeier evit da loened, hag e tebri hag ez po da walc'h.

Adlezenn 12:12

Eno e laouenaiot dirak an AOTROU ho Toue, c'hwi, ho mibien, ho merc'hed, ho servijerien, ho mitizhien, hag al Leviad a vo e-barzh ho torojoù, rak n'en deus na lodenn na hêrezh ganeoc'h.

Adlezenn 12:18

Debriñ a ri anezho dirak an AOTROU da Zoue, el lec'h dibabet gant an AOTROU da Zoue, te, da vab, da verc'h, da servijer, da vatezh, hag al Leviad a vo e-barzh da zorojoù, hag e laouenai dirak an AOTROU da Zoue eus an holl draoù en devo resevet da zaouarn.

Adlezenn 12:7

Eno e tebrot dirak an AOTROU ho Toue hag e laouenaiot, c'hwi hag ho tiegezhioù, eus an holl draoù en devo resevet ho taouarn hag en devo ho penniget an AOTROU ho Toue drezo.

Adlezenn 8:10

Pa ez po debret hag ez po da walc'h, e vennigi an AOTROU da Zoue abalamour d'ar vro vat en devo roet dit.

1 Timote 6:17

Kemenn da re binvidik ar c’hantved-mañ ma chomint hep bezañ ourgouilhus hag hep lakaat o esperañs en argred ar pinvidigezhioù, met en Doue bev a ro deomp an holl draoù gant fonnusted evit ma laouenafemp ganto,

1 Yann 2:28

Bremañ eta bugale vihan, chomit ennañ evit ma hor bo fiziañs pa en em ziskouezo, ha ma ne vimp ket mezhek dirazañ en e zonedigezh.