Joel 2:2 - Bibl Koad 21: Ar Bibl e Brezhoneg evit ar Vretoned

² devezh a deñvalijenn hag hep gouloù, devezh a goumoul hag a goabr. Evel m'en em astenn ar gouloù-deiz war ar menezioù, setu ur bobl vras ha galloudus, evel n'eus ket bet en holl amzerioù, hag evel na vo ken war he lerc'h a oad da oad.

Joel 2:2 Referencias Cruzadas

Salmoù 10:6

Lavarout a ra en e galon: Ne vin ket brañsellet, biken n'erruo droug ganin.

Salmoù 97:2

Ar goabrenn hag an deñvalijenn a zo en-dro dezhañ, ar reizhder hag an eeunder a zo diazez e dron.

Ermaeziadeg 10:14

Ar c'hilheien-raden a bignas war holl vro Ejipt hag a blavas war holl zouar an Ejipt en un niver gwall vras. A-raok ne oa ket bet un hevelep berniad, na goude ne vo ket.

Ermaeziadeg 10:6

hag e leugnint da diez, tiez da holl servijerien ha tiez an holl Ejipsianed; ar pezh n'o deus ket gwelet da dadoù, na tadoù da dadoù adalek an deiz ma'z int bet war an douar betek hiziv. Neuze e tistroas hag ez eas kuit eus ti Faraon.

Ermaeziadeg 20:21

Ar bobl en em zalc'he pell; Moizez a dostaas ouzh ar goabrenn ma oa Doue enni.

Izaia 5:30

En deiz-se e krozont en o enep evel ma kroz ar mor, hag en ur sellout ouzh an douar, e vo teñvalijenn hag anken, hag ar sklêrijenn a vo teñvalaet gant koumoul.

Izaia 8:22

ha goude e sellint etrezek an douar, ha setu, ne vo nemet tristidigezh, teñvalijenn, enkrezioù dic'houloù, hag e sankint en deñvalded.

Jeremiaz 13:16

Roit gloar d'an AOTROU ho Toue, a-raok ma lakaio an deñvalijenn da zont, a-raok ma stoko ho treid ouzh ar menezioù teñval. Gortoz a rit ar sklerijenn, met eñ he zroio e skeud ar marv hag he c'haso en un deñvalijenn don.

Jeremiaz 13:6

Meur a zeiz goude e lavaras an AOTROU din: Sav ha kae etrezek an Eufratez, hag e kemeri ar gouriz am boa gourc'hemennet dit kuzhat eno.

Klemmganoù 1:12

Ha n'oc'h teneraet, c'hwi holl hag a dremen dre an hent? Sellit ha gwelit hag-eñ ez eus ur glac'har heñvel ouzh ar glac'har a sko warnon. An AOTROU en deus va enkrezet en deiz e gounnar entanet.

Ezekiel 32:7

Pa steuzin ac'hanout, e c'holoin an neñvoù hag e teñvalain o stered, goleiñ a rin an heol a goumoul hag al loar ne roio ken e sklêrijenn.

Ezekiel 34:12

Evel ma klask ar mêsaer e dropell en deiz ma'z emañ e-kreiz e zeñved stlabezet, evel-se e klaskin va deñved, dastum a rin anezho eus an holl lec'hioù ma vint bet strewet en devezh a goumoul hag a deñvalijenn.

Ezekiel 38:9

Pignat a ri hag e teui evel un arnev, evel ur c'hoabrenn o c'holeiñ ar vro, te ha da holl vagadoù ha meur a bobl ganit.

Daniel 12:1

En amzer-se e savo Mikael ar penn bras, a zalc'h start evit mibien da bobl. Hag e vo un amzer a c'hlac'har, evel n'eus ket bet abaoe ma ez eus broadoù betek ar mare-se. En amzer-se, e tec'ho piv bennak eus da bobl a vo kavet skrivet el levr.

Daniel 9:12

Sevenet en deus ar c'homzoù en doa lavaret a-enep deomp hag a-enep hor barnerien o deus hor barnet, lakaet en deus da zont warnomp ur boan vras, rak dindan an neñvoù ne oa ket c'hoarvezet evel m'eo c'hoarvezet e Jeruzalem.

Joel 1:6

Rak ur vroad galloudus ha diniver a zo pignet a-enep va bro. He dent a zo evel re ul leon, hag he deus javedoù evel ul leonez.

Joel 2:25

Me a roio deoc'h en-dro ar bloavezhioù a zo bet debret gant ar c'hilhog-raden, ar viskoulenn, ar preñvig, ar c'hwil-derv, va arme vras am boa kaset a-enep deoc'h.

Joel 2:31

An heol a vo troet e teñvalijenn hag al loar e gwad, a-raok ma teuio deiz bras ha spontus an AOTROU.

Joel 2:5

Evel trouz kirri ez int pa lammont war-lein ar menezioù, evel trouz ur flamm-tan o lonkañ plouz, evel ur bobl c'halloudek renket evit ar brezel.

Joel 3:4

Ha c'hwi ivez Tir ha Sidon, ha c'hwi rannvroioù ar Filistined, petra a c'houlennit ouzhin? Hag e fell deoc'h henn talvezout din? Mar fell deoc'h henn talvezout din, e rin d'ho kopr kouezhañ buan ha raktal war ho penn.

Amoz 4:13

Rak setu amañ an hini a ra ar menezioù hag a grou an avel, a zisklêri d'an den pehini eo e soñj, a ra ar mintin hag an deñvalijenn, a gerzh war uhelderioù an douar: An AOTROU, Doue an armeoù, eo e anv.

Sofonia 1:7

Chom peoc'h dirak an Aotrou AOTROU! Rak tost eo deiz an AOTROU, rak an AOTROU en deus aozet un aberzh, ha santelaet en deus e re bedet.

Zakaria 14:6

En deiz-se e c'hoarvezo na vo ket a sklêrijenn, met ar gouloù prizius a dec'ho.

Mazhev 24:21

rak bez’ e vo neuze ur glac’har ken bras evel n’eus ket bet adalek penn-kentañ ar bed betek vremañ, ha ne vo biken.

Sant Marc 13:19

rak bez’ e vo en deizioù-se an hevelep glac’har ken adalek penn-kentañ ar bed en deus Doue krouet betek vremañ n’eus ket bet, ha ne vo biken.

Adlezenn 32:7

Az pez soñj eus da zeizioù gwechall, evesha er bloavezhioù a rummadoù da rummadoù, goulenn digant da dad hag e tesko dit, digant da dud kozh hag e lavarint dit.

Hebreed 12:18

N’hoc’h eus ket tostaet ouzh ur menez a c’helled stekiñ hag a oa devet dre an tan, nag ouzh ar goabrenn, nag ouzh an deñvalijenn, nag ouzh ar gorventenn,

S. Jud 1:13

gwagennoù fuloret eus ar mor o teurel eon o loustoni, sterennoù o kantren a zo miret dezho da viken dic’houloù an deñvalijenn.

Apocalyps 9:2

hag e tigoras puñs an donder, hag e savas eus ar puñs ur vogedenn evel mogedenn ur fornez vras. An heol hag an aer a voe teñvalaet gant mogedenn ar puñs.