Joel 1:19 - Bibl Koad 21: Ar Bibl e Brezhoneg evit ar Vretoned

¹⁹ AOTROU, krial a ran war-zu ennout! An tan en deus devet peurvanoù ar gouelec'h, hag ar flamm en deus lonket holl wez ar parkeier.

Joel 1:19 Referencias Cruzadas

Salmoù 50:15

ha va asped en deiz da estrenvan: me a zieubo ac'hanout ha te a roio gloar din.

Salmoù 91:15

Va aspediñ a raio hag e selaouin anezhañ, hag e vin gantañ en anken, hag en tenin ac'hane, hag e roin gloar dezhañ.

Jeremiaz 14:4

En abeg d'an douar skarnilet, pa n'eus ket bet a c'hlav er vro, al labourerien-douar a zo mezhek, goleiñ a reont o fenn.

Jeremiaz 3:9

Gant trouz he diroll he deus saotret ar vro. Graet he deus avoultriezh gant ar maen ha gant ar c'hoad.

Jeremiaz 9:10

War ar menezioù e savin va mouezh gant daeroù, gant hirvoudoù, ha war beurvanoù ar gouelec'h e tisklêrin ur werz, rak devet int ha den ne dremen enno. Ne vez ken klevet trouz an tropelloù; laboused an neñvoù hag al loened o deus tec'het kuit, aet int kuit.

Jeremiaz 9:9

Ha ne gastizin ket anezho evit an traoù-se, eme an AOTROU, ha n'en em veñjo ket va ene eus un hevelep broad?

Joel 2:3

An tan a zebr dirazo, hag ar flamm a lonk war o lerc'h. A-raok dezho e oa ar vro ul liorzh Eden, ha war o lerc'h eo ur gouelec'h spontus. Ha n'eus netra hag a c'hellfe tec'hout diganto.

Amoz 1:2

Lavarout a reas: An AOTROU a yudo eus Sion, hag e lakaio e vouezh da vezañ klevet eus Jeruzalem; peurvanoù ar vêsaerien a vo e kañv, ha lein ar C'harmel a zisec'ho.

Amoz 7:4

An Aotrou AOTROU a ziskouezas din kement-mañ: Setu edo an Aotrou AOTROU o tisklêriañ e varn dre an tan. Hag an tan a zevas an donder bras hag a zevas ar parkeier.

Mika 7:7

Met me a sello etrezek an AOTROU, fiziout a rin e Doue va silvidigezh. Va Doue am selaouo!

Sant Lucas 18:1

Eñ a gontas ivez dezho ur barabolenn, evit diskouez penaos eo ret pediñ bepred hag hep skuizhañ.

Sant Lucas 18:7

Doue, ha ne veñjo ket e re zibabet a gri dezhañ noz-deiz, evitañ da zaleañ da fuloriñ?