Jeremiaz 9:9 - Bibl Koad 21: Ar Bibl e Brezhoneg evit ar Vretoned

⁹ Ha ne gastizin ket anezho evit an traoù-se, eme an AOTROU, ha n'en em veñjo ket va ene eus un hevelep broad?

Jeremiaz 9:9 Referencias Cruzadas

Izaia 1:24

Abalamour da-se, setu ar pezh a lavar an Aotrou, AOTROU an armeoù, Galloudeg Israel: A! Plijadur am bo eus va stourmerien, hag en em veñjiñ a rin eus va enebourien!

Izaia 10:3

Petra a reot en deiz ar varnedigezh, pa zeuio an distruj a-bell? Etrezek piv e tec'hot evit kaout sikour, ha pelec'h e lezot ho kloar?

Izaia 57:6

Gant mein lufr ar froud emañ da lod, setu aze, setu aze da rann. Dezho eo e skuilhez ivez da evadkinnig hag e roez profoù. Penaos e c'hellfen kavout frealz gant kement-se?

Jeremiaz 12:11

Graet o deus ur glac'har diouti, glac'haret eo, e kañv emañ dirazon. An holl vro a zo glac'haret, rak den n'en deus bet e galon teneraet eviti.

Jeremiaz 12:4

Betek pegeit e vo ar vro er c'hañv ha geot an holl barkeier disec'het en abeg da zrougiezh an dud a zo o chom enni? Al loened hag al laboused a zo distrujet, rak ar re zrouk o deus lavaret: Ne welo ket hon dibenn.

Jeremiaz 4:25

Sellout a ran, ha setu n'eus den ebet, hag holl laboused an neñvoù o deus tec'het.

Jeremiaz 5:29

Ha ne gastizin ket evit an traoù-se, eme an AOTROU, ha n'en em veñjo ket va ene eus un hevelep broad?

Jeremiaz 5:9

Ha ne gastizin ket evit an traoù-se, eme an AOTROU, ha n'en em veñjo ket va ene eus un hevelep broad?

Ozea 4:3

Setu perak e kañvaouo ar vro, hag hec'h holl dud a hirvoudo, gant loened ar parkeier ha laboused an neñvoù. Pesked ar mor zoken a varvo.

Joel 1:19

AOTROU, krial a ran war-zu ennout! An tan en deus devet peurvanoù ar gouelec'h, hag ar flamm en deus lonket holl wez ar parkeier.

Amoz 5:1

Selaouit ar gomz-mañ, ar c'hlemmgan-mañ a zisklêrian a-enep deoc'h, ti Israel!

Amoz 5:2

Kouezhet eo gwerc'hez Israel ha n'adsavo ken; astennet eo war an douar ha den n'adsavo anezhi.