Jeremiaz 9:10 - Bibl Koad 21: Ar Bibl e Brezhoneg evit ar Vretoned

¹⁰ War ar menezioù e savin va mouezh gant daeroù, gant hirvoudoù, ha war beurvanoù ar gouelec'h e tisklêrin ur werz, rak devet int ha den ne dremen enno. Ne vez ken klevet trouz an tropelloù; laboused an neñvoù hag al loened o deus tec'het kuit, aet int kuit.

Jeremiaz 9:10 Referencias Cruzadas

Izaia 41:15

Setu ma ran ur freuz lemm nevez-flamm evidout, gant bizied; mac'hañ a ri ar menezioù, o bruzunañ a ri, hag e lakai ar c'hrec'hioù da vezañ heñvel ouzh pell.

Izaia 49:19

Rak da lec'hioù dilaosket ha glac'haret, ha da vro wastet, a vo bremañ re enk evit da dud. Emañ o pellaat ar re a lonke ac'hanout.

Jeremiaz 12:10

Mêsaerien e-leizh o deus gwasted va gwinienn, mac'het o deus va lodenn gant o zreid, lakaet o deus va lodenn gaer da vezañ ur gouelec'h glac'haret.

Jeremiaz 12:11

Graet o deus ur glac'har diouti, glac'haret eo, e kañv emañ dirazon. An holl vro a zo glac'haret, rak den n'en deus bet e galon teneraet eviti.

Jeremiaz 12:4

Betek pegeit e vo ar vro er c'hañv ha geot an holl barkeier disec'het en abeg da zrougiezh an dud a zo o chom enni? Al loened hag al laboused a zo distrujet, rak ar re zrouk o deus lavaret: Ne welo ket hon dibenn.

Jeremiaz 14:6

An ezen gouez en em zalc'h war an tosennoù, o lonkañ an avel evel aourgon. O daoulagad a zo kuzumet rak n'eus ket a c'heot.

Jeremiaz 2:15

Al leonedigoù o deus yudet a-enep dezhañ, lakaet o deus o mouezh da glevout, graet o deus ur gwastadur eus e vro, e gêrioù a zo devet, n'eus den ebet enno.

Jeremiaz 2:6

N'o deus ket lavaret: Pelec'h emañ an AOTROU en deus graet deomp pignat kuit eus bro Ejipt, en deus hor renet dre ar gouelec'h, dre ur vro didud ha digompez, dre ur vro kras e skeud ar marv, dre ur vro na dremene den enni ha na oa den o chom e-barzh?

Jeremiaz 23:10

Rak ar vro a zo leun a avoultrerien, ar vro a zo e kañv en abeg d'ar vallozh, peurvanoù ar gouelec'h a zo krazet. O redadenn n'a nemet d'ar fall, hag o nerzh d'ar pezh n'eo ket eeun.

Jeremiaz 50:3

Rak ur vroad a bign a-enep dezhi eus an hanternoz, lakaat a raio he bro da vezañ ur gouelec'h, ha ne vo den o chom enni. Den ha loen a dec'ho, mont a raint kuit.

Jeremiaz 7:29

Touz da vlev ha taol anezho pell, ha disklêr ur werz war an tosennoù, rak an AOTROU en deus taolet kuit ha dilezet rummad e gounnar.

Jeremiaz 8:18

A! Ehan evit va glac'har! Va c'halon he deus poan em c'hreiz.

Klemmganoù 1:16

En abeg da-se eo e ouelan hag e teuz en dour va lagad. Ar frealzer a c'hellfe dic’hlac’hariñ va ene a zo aet pell diouzhin. Va mibien a zo mantret rak an enebour a zo kreñvoc'h.

Klemmganoù 2:11

Va daoulagad a zo faezh gant an daeroù, va c'hreizon a verv. Va avu en em stlabez war an douar en abeg da c'houli merc'h va fobl. Ar bugaligoù hag ar magadelloù a sempl war leurioù kêr.

Klemmganoù 5:18

en abeg da venez Sion hag a zo glac'haret, ken e pourmen al lern warnañ.

Ezekiel 14:15

Ma lakafen loened noazus da dremen er vro, evit he gwastañ betek ma vefe ur gouelec'h, ul lec'h na dremenfe den ken en abeg d'al loened-se,

Ezekiel 27:2

Te, mab an den, displeg ur c'hlemmgan a-enep Tir,

Ezekiel 29:11

Troad den ne dremeno enni, ha troad loen ebet ne dremeno kennebeut, hag e-pad daou-ugent vloaz ne vo ket poblet.

Ezekiel 33:28

Hag e lakain ar vro da vezañ ur glac'har hag ur gouelec'h, hag e paouezo lorc'h he nerzh. Menezioù Israel a vo gwastet, den ebet ne dremeno ken drezo.

Ezekiel 6:6

El lec'h m'emaoc'h o chom, ho kêrioù a vo gwastet, an uhellec'hioù a zeuio da vezañ distro, en doare ma vo gwastet ha diskaret hoc'h aoterioù, bruzunet ha distrujet hoc'h idoloù, lakaet a dammoù ho peulioù-heol, kaset da netra hoc'h oberennoù.

Ozea 4:3

Setu perak e kañvaouo ar vro, hag hec'h holl dud a hirvoudo, gant loened ar parkeier ha laboused an neñvoù. Pesked ar mor zoken a varvo.

Joel 1:13

En em c'hourizit ha dougit kañv, aberzhourien! Hirvoudit, servijerien an aoter! Deuit ha tremenit an noz gwisket a seier, servijerien va Doue! Rak difennet eo ouzh an donezon hag an evadkinnig dont e ti ho Toue.

Joel 1:19

AOTROU, krial a ran war-zu ennout! An tan en deus devet peurvanoù ar gouelec'h, hag ar flamm en deus lonket holl wez ar parkeier.

Amoz 5:1

Selaouit ar gomz-mañ, ar c'hlemmgan-mañ a zisklêrian a-enep deoc'h, ti Israel!

Amoz 5:16

Setu perak evel-henn e komz an AOTROU, Doue an armeoù, an Aotrou: War an holl leurioù e vo klemmoù, en holl straedoù e vo lavaret: Siwazh! Siwazh! Galvet e vo d'ar c'hañv al labourer-douar, ha d'ar c'hlemm ar re a lavar klemmganoù.

Mika 2:4

En deiz-se e raint ur c'hrennlavar diwar ho penn, hag e huanadint gant ur garm truezus o lavarout: Graet eo! Distrujet omp holl! Kemmet en deus lodenn va fobl! Penaos e kemero anezhi diouzhin? Lodennet en deus hor parkeier da dud dizoue!

Mika 3:12

Setu perak en abeg deoc'h, Sion a vo troet he douar evel ur park, Jeruzalem a zeuio da vezañ ur bern rivinoù, ha menez an ti ur c'hrec'h goloet a goadeg.