Jeremiaz 7:21 - Bibl Koad 21: Ar Bibl e Brezhoneg evit ar Vretoned

²¹ Evel-henn e komz AOTROU an armeoù, Doue Israel: Lakait ho loskaberzhoù gant hoc'h aberzhoù, ha debrit ar c'hig anezho.

Jeremiaz 7:21 Referencias Cruzadas

Salmoù 50:8

Ne grozin ket dit diwar-benn da aberzhoù, da loskaberzhoù a zo dalc'hmat dirazon.

Izaia 43:23

Ne'c'h eus ket kinniget din oaned da loskaberzhoù, ne'c'h eus ket va enoret gant da aberzhoù, ne'm eus ket trubuilhet ac'hanout evit profoù, ne'm eus ket skuizhet ac'hanout evit ezañs,

Jeremiaz 14:12

Mar yunont, ne selaouin ket o garm, mar kinnigont loskaberzhoù ha donezonoù, n'o c'havin ket dereat, met ez an da guzumiñ anezho dre ar c'hleze, dre an naonegezh ha dre ar vosenn.

Jeremiaz 6:20

Petra am eus d'ober gant an ezañs eus Seba hag ar gorzenn frondus eus ur vro bell? Ho loskaberzhoù ne blijont ket din ha ne gavan ket dereat hoc'h aberzhoù.

Ezekiel 33:25

Setu perak e lavari dezho: Evel-henn e komz an Aotrou AOTROU: Debriñ a rit gant ar gwad, sevel a rit ho taoulagad etrezek an idoloù, skuilhañ a rit ar gwad, hag e perc'hennfec'h ar vro?

Ozea 8:13

En aberzhoù a ginnigont din, ec'h aberzhont kig, hag e tebront anezhañ, met an AOTROU ne gav ket plijadur enno. Bremañ e teuio soñj dezhañ eus o direizhder hag e kastizo o fec'hedoù. Distreiñ a raint d'an Ejipt.

Adlezenn 12:27

Kinnig a ri da loskaberzhoù, kig ha gwad, war aoter an AOTROU da Zoue; gwad da aberzhoù all a vo skuilhet war aoter an AOTROU da Zoue, hag e tebri ar c'hig.