Jeremiaz 6:8 - Bibl Koad 21: Ar Bibl e Brezhoneg evit ar Vretoned

⁸ Jeruzalem, degemer ar gelennadurezh, gant aon na zistagfe va ene diouzhit, ha gant aon na rafen ac'hanout ur gouelec'h, un douar didud.

Jeremiaz 6:8 Referencias Cruzadas

Salmoù 2:10

Bremañ eta, rouaned, bezit fur! Degemerit kelennadurezh, barnerien an douar!

Salmoù 50:17

Te a gasa ar c'hastiz, hag a daol va c'homzoù a-drek da gein.

Salmoù 94:12

Eürus eo an den a gastizez, o AOTROU, an hini a zeskez dre da lezenn,

Krennlavarioù 19:20

Selaou ar c'huzul ha degemer ar gelennadurezh, evit ma vi fur betek da zivezh.

Krennlavarioù 4:13

Stag ouzh ar gelennadurezh, na laosk ket anezhi, mir anezhi, rak da vuhez eo.

Jeremiaz 17:23

Met n'o deus ket selaouet, n'o deus ket roet o skouarn, reudet o deus o gouzoug, evit chom hep selaou ha chom hep degemer kelennadurezh.

Jeremiaz 2:15

Al leonedigoù o deus yudet a-enep dezhañ, lakaet o deus o mouezh da glevout, graet o deus ur gwastadur eus e vro, e gêrioù a zo devet, n'eus den ebet enno.

Jeremiaz 31:19

Goude bezañ distroet em eus bet keuz, goude bezañ bet desket em eus skoet war va morzhed. Mezhek ez on bet ha pinous, dre ma tougen dismegañs va yaouankiz.

Jeremiaz 32:33

Troet o deus ouzhin o c'hein ha nann o dremm, koulskoude em eus o c'helennet, o sevel abred em eus o c'helennet, met n'int ket bet sentus evit degemer an deskadurezh.

Jeremiaz 4:14

Jeruzalem, disaotr da galon eus an droug evit ma vi saveteet. Betek pegeit e vo o chom ez tiabarzh da soñjoù direizh?

Jeremiaz 7:20

Setu perak, evel-henn e komz an AOTROU: Setu, va c'hounnar, va fulor a gouezho war al lec'h-mañ, war an dud ha war al loened, war gwez ar parkeier ha war frouezh an douar, va fulor a zevo ha ne vo ket mouget.

Jeremiaz 7:28

Neuze e lavari dezho: Amañ emañ ar vroad na selaou ket mouezh an AOTROU he Doue ha na zegemer ket ar gelennadurezh. Ar wirionez a zo aet da goll, lamet eo diouzh o genoù.

Jeremiaz 7:34

Hag e lakain da baouez e kêrioù Juda hag e straedoù Jeruzalem mouezh ar joa ha mouezh al levenez, mouezh ar paotr-nevez ha mouezh ar plac'h-nevez, rak ar vro a vo gwastet.

Jeremiaz 9:11

Hag e rin eus Jeruzalem dismantroù, eno e vo toulloù evit an aourgon, treiñ a rin kêrioù Juda e lec'hioù dilaosket, hep den o chom enno.

Ezekiel 23:18

Evel-se e tizoloas he gastaouerezh hag e tizoloas he noazhder. Hag e tistagas va ene diouti, evel m'en doa distaget va ene diouzh he c'hoar.

Ozea 2:5

O mamm he deus gastaouet, an hini he deus o c'hoñsevet a zo en em dizenoret, rak lavaret he deus: Mont a rin war-lerc'h va amourouzien, a ro din va bara ha va dour, va gloan ha va lin, va eoul ha va evaj.

Ozea 9:12

Mar desavont o mibien, me o dibourvezo diouto a-raok ma teuint da vezañ gwazed. Gwalleur dezho pa en em dennin diouto!

Leviegezh 26:34

Neuze an douar en em akuito eus e zeizioù sabad e-pad ma vo gwastet hag e-pad ma viot e bro hoc’h enebourien; neuze an douar a ziskuizho hag en em akuito eus e zeizioù sabad.

Sofonia 3:7

Hag e lavaren: Va doujañ a ri da nebeutañ, degemer a ri kelennadurezh. Neuze he chomaj ne vo ket distrujet, ar pezh am boa divizet a-enep dezhi! Met hastet o deus huduraat o holl oberoù.

Adlezenn 32:29

Ma vijent fur, e komprenjent kement-mañ, hag e soñjjent er pezh a c'hoarvezo ganto d'an diwezh.