Jeremiaz 6:7 - Bibl Koad 21: Ar Bibl e Brezhoneg evit ar Vretoned

⁷ Evel ma strink ur feunteun he doureier, evel-se e strink he drougiezh. Ne vez klevet enni nemet taerder ha distruj, hag e vez dalc'hmat dirazon gloazioù ha goulioù.

Jeremiaz 6:7 Referencias Cruzadas

Krennlavarioù 4:23

Diwall da galon gant evezh, rak anezhi eo e teu mammennoù ar vuhez.

Izaia 1:6

Adalek sol an troad betek ar penn n'eus netra yac'h, n'eus nemet gloazioù, bloñsoù ha goulioù bev, ha n'int ket bet louzaouet, na paket, na dousaet gant eoul.

Izaia 57:20

Met ar re zrouk a zo evel ar mor dirollet na c'hell ket sioulaat: e zoureier a zistaol fank ha lec'hid.

Izaia 59:6

O gwiadoù ne zeuint ket da vezañ ur vantell, ha den n'en em wisko ket gant o oberennoù; o oberennoù a zo oberennoù a zrougiezh, bez' ez eus taolioù feuls etre o daouarn.

Jeremiaz 20:8

Abaoe ma komzan, e laoskan kriadennoù, krial a ran feulster ha gwaskerezh, rak komz an AOTROU a zo troet evidon en dismegañs hag e goapaerezh a-hed an deiz.

Jeremiaz 30:12

Rak evel-henn e komz an AOTROU: Da c'houli a zo dibareüs, ha da c'hloaz poanius.

Jeremiaz 30:13

Den ne gemer da du evit da lienañ, ha n'eus louzoù ebet evidout, na du da'z pareañ.

Jeremiaz 30:15

Perak e klemmez evit da c'houli? Da c'hloaz a zo dibareüs; graet em eus an traoù-se en abeg da liester da fallagriezhoù ha da vraster da bec'hedoù.

Jeremiaz 32:31

Rak ar gêr-mañ a zo bet din un dra a gounnar hag a erez, adalek an deiz ma'z eo bet savet betek hiziv, en doare ma lamin anezhi diwar va dremm,

Jeremiaz 8:22

Ha n'eus ket a valzam e Galaad? Ha n'eus ket a vedisin eno? Perak eta n'eo ket yac'haet gouli merc'h va fobl?

Ezekiel 21:29

Setu perak evel-henn e komz an Aotrou AOTROU: Peogwir hoc'h eus degaset soñj eus ho tireizhder, en ur lakaat ho tisentidigezh en noazh, en ur tiskouez ho pec'hedoù en hoc'h holl oberoù, peogwir hoc'h eus bet soñj anezho, e viot tapet gant an dorn-mañ.

Ezekiel 24:7

Rak he gwad a zo en he c'hreiz, e lakaet he deus war ar roc'h noazh, n'he deus ket e skuilhet war an douar evit e c'holeiñ gant poultrenn.

Ezekiel 45:9

Evel-henn e komz an Aotrou AOTROU: Priñsed Israel, a-walc'h! Lamit kuit an taerder hag ar skraperezh, grit hervez ar barnedigezhioù hag ar reizhder, tennit ho preizherezh diwar va fobl, eme an Aotrou AOTROU.

Ezekiel 7:11

Ar feulster a sav evit dont da vezañ gwialenn an drougiezh, ne vano netra anezho, nag eus o engroez, nag eus o safar, ha den ne hirvoudo warno.

Ezekiel 7:23

Kempenn chadennoù! Rak ar vro a zo leun a dorfedoù, ha kêr a zo leun a feulster.

Sofonia 3:1

Gwalleur d'ar gêr disent ha saotret, d'ar gêr na ra nemet gwaskañ!