Jeremiaz 51:56 - Bibl Koad 21: Ar Bibl e Brezhoneg evit ar Vretoned

⁵⁶ rak eo deuet an distrujer warni, war Vabilon, tapet eo he c’hadarnidi, torret eo o gwaregoù, an AOTROU eo Doue ar veñjañs, hag e roio da bep hini ar pezh a zo dleet dezhañ.

Jeremiaz 51:56 Referencias Cruzadas

Geneliezh 49:24

met e wareg a zo chomet start, e zivrec'h hag e zaouarn a zo bet nerzhet gant daouarn Galloudeg Jakob, mesaer ha roc'h Israel.

Salmoù 137:8

Merc'h Babel, an hini wastet, eürus an den a roio dit ar pezh ac'h eus graet deomp!

Salmoù 37:15

O c'hleze a yelo en o c'halonoù, hag o gwaregoù a vo torret.

Salmoù 46:9

Deuit ha gwelit oberennoù an AOTROU, an distrujoù en deus graet war an douar.

Salmoù 76:3

E Salem emañ e deltenn, e Sion emañ e chomlec'h.

Izaia 21:2

Ur weledigezh euzhus a zo bet disklêriet din. An toueller a douell, an distrujer a zistruj. Pign, o Elam! Seziz, o Media! Me a laka da baouez an holl hirvoudoù.

Izaia 34:8

Rak devezh veñjañs an AOTROU eo, bloavezh an daskor e-keñver gwirioù Sion.

Izaia 35:4

Lavarit d'ar re nec'het o c'halon: Bezit kadarn, n'ho pet ket aon, setu ho Toue, ar veñjañs a zeuio, daskor Doue; dont a raio e-unan hag e tieubo ac'hanoc'h.

Izaia 59:18

Hervez an oberennoù e vo ar pae: Daskoriñ a raio ar fulor ouzh e enebourien, o gopr ouzh e stourmerien, hag o gopr d'an inizi.

Jeremiaz 49:35

Evel-henn e komz AOTROU an armeoù: Setu ez an da derriñ gwareg Elam, e nerzh brasañ.

Jeremiaz 50:10

Kaldea a vo ur preizh, an holl re a breizho anezhi o devo o gwalc'h, eme an AOTROU.

Jeremiaz 50:36

Ar c'hleze a zo war he zouellerien: ra zeuint da vezañ diskiant! Ar c'hleze a zo war he re galonek: ra vint kollet!

Jeremiaz 51:24

Hag e roin da Vabilon ha da holl dud Kaldea, dirak ho taoulagad, an holl zroug o deus graet e Sion, eme an AOTROU.

Jeremiaz 51:30

Tud kreñv Babilon o deus paouezet da stourm hag en em zalc'hont er c'hreñvlec'hioù, o nerzh a zo aet da netra, deuet int evel maouezed, devet eo he ziez, hag he frennoù a zo torret.

Jeremiaz 51:48

An neñvoù hag an douar ha kement a zo enno a laouenaio gant kanoù a levenez war Vabilon, rak eus an hanternoz e teuio an distrujerien en hec'h enep, eme an AOTROU.

Jeremiaz 51:53

Pa savfe Babilon betek an neñvoù, pa lakafe digemeradus lein he c'hreñvlec'h, an distrujerien a yelo enni eus va ferzh, eme an AOTROU.

Jeremiaz 51:6

Tec'hit eus kreiz Babilon, ra saveteo pep hini e vuhez, gant aon na varvfec'h en e zrougiezh, rak amzer veñjañs an AOTROU eo, reiñ a raio dezhi hervez ar pezh he deus graet.

Klemmganoù 3:64

Reiñ a ri dezho o gopr en-dro, AOTROU, hervez labour o daouarn.

Ezekiel 39:3

Hag e torrin da wareg eus da zorn kleiz, hag e rin da'z piroù kouezhañ eus da zorn dehou.

Ezekiel 39:9

Tud kêrioù Israel a yelo er-maez, a enaouo an tan hag a zevo an armoù, ar skoedoù bras, an skoedoù bihan, ar gwaregi, ar biroù, ar goafioù hag al lañsoù, hag e raint tan ganto e-pad seizh vloaz.

Amoz 2:15

an hini a embreg ar wareg ne zalc'ho ket, an hini skañv e dreid ne dec'ho ket, ar marc'heger ne saveteo ket e vuhez,

Abdia 1:15

Rak devezh an AOTROU a zo tost evit an holl vroadoù; graet e vo dit evel ma ec'h eus graet. Da oberoù a gouezho war da benn.

Habakuk 2:8

Dre ma ec'h eus preizhet kalz a vroadoù, nemorant ar pobloù a breizho ivez ac'hanout, en abeg da wad an dud ac'h eus skuilhet, ha d'an taerder ac'h eus graet d'ar vro, d'ar gêr ha da gement a zo enni.

Adlezenn 32:35

Din-me eo ar veñjañs ha me a rento, pa vrañsello o zroad! Rak deiz o foanioù a zo tost, hag hastañ a ra an traoù a dle c'hoarvezout.

2 Tesalonikiz 1:6

Rak reizh eo dirak Doue ma rentfe ar glac’har d’ar re ho klac’har,

Apocalyps 17:16

An dek korn ac’h eus gwelet d’al loen a gasaio ar c’hast, he glac’haro, he diwisko, a zebro he c’hig hag he c’haso da netra gant an tan.

Apocalyps 18:20

Neñv, en em laouena abalamour dezhi, kenkoulz ha c’hwi ebestel ha profeded santel. Rak Doue en deus graet warni barnedigezh hoc’h abeg.

Apocalyps 19:2

rak e varnedigezhioù a zo gwirion ha reizh, rak barnet en deus ar c’hast vras a vreine an douar dre he loustoni, veñjet en deus gwad e servijerien he doa skuilhet gant he dorn.

1 Samuel 2:4

Gwareg ar re c'halloudek a zo torret, hag ar re sempl a zo gourizet gant nerzh.