Jeremiaz 5:31 - Bibl Koad 21: Ar Bibl e Brezhoneg evit ar Vretoned

³¹ Ar brofeded a brofed gevier, an aberzhourien a ren drezo, ha va fobl he deus kavet plijadur e kement-se. Petra a reot pa zeuio an diwezh?

Jeremiaz 5:31 Referencias Cruzadas

1 Rouaned 22:6

Roue Israel a zastumas war-dro pevar c'hant profed, hag e lavaras dezho: Ha mont a rin d'ar brezel a-enep Ramod-Galaad pe ned in ket? Hag e respontjont: Pign, rak an Aotrou a lakaio anezhi etre daouarn ar roue.

Krennlavarioù 17:4

An hini fall a zo evezhiek ouzh ar muzelloù faos, hag ar gaouiad a selaou an teod a zroukkomz.

Izaia 10:3

Petra a reot en deiz ar varnedigezh, pa zeuio an distruj a-bell? Etrezek piv e tec'hot evit kaout sikour, ha pelec'h e lezot ho kloar?

Izaia 20:6

Ar re a zo o chom en tu-mañ d'an harz a lavaro en deiz-se: Setu ar pezh eo deuet da vezañ hon esperañs, a redemp daveti da glask sikour evit bezañ dieubet diouzh roue Asiria! Penaos e tec'himp-ni?

Izaia 33:14

Ar bec'herien a zo spouronet e Sion, ar grenijenn he deus kroget ar re fall. Piv ac'hanomp a c'hello derc'hel gant un tan loskus? Piv ac'hanomp a c'hello derc'hel gant flammoù peurbadus?

Izaia 43:27

Da dad kentañ en deus pec'het, da gelennerien a zo en em savet a-enep din,

Izaia 47:7

ha lavaret ec'h eus: Me a vo pennrouanez da virviken! Ha ne'c'h eus ket taolet evezh, na soñjet diwar-benn diwezh an traoù-mañ.

Jeremiaz 12:4

Betek pegeit e vo ar vro er c'hañv ha geot an holl barkeier disec'het en abeg da zrougiezh an dud a zo o chom enni? Al loened hag al laboused a zo distrujet, rak ar re zrouk o deus lavaret: Ne welo ket hon dibenn.

Jeremiaz 14:14

Hag e lavaras an AOTROU din: Profedet eo ar gaou gant ar brofeded-se em anv. Ne'm eus ket o c'haset, ne'm eus ket roet a garg dezho, ne'm eus ket komzet outo. Gweledigezhioù faos, diouganoù aner ha touelloù eus o c'halon a brofedont deoc'h.

Jeremiaz 26:7

An aberzhourien, ar brofeded hag an holl bobl a glevas Jeremiaz o tisklêriañ ar c'homzoù-mañ e ti an AOTROU.

Klemmganoù 1:9

He saotradur a oa e pleg he sae, n'eo ket bet prederiet gant he diwezh. Izelaet en un doare souezhus, nikun n'he frealz. Sell, AOTROU, va glac'har! An enebour a gemer lorc'h.

Klemmganoù 2:14

Da brofeded o deus bet evidout gweledigezhioù gaouiat hag aner. N'o deus ket dizoloet dit da zrougiezh evit distreiñ da harlu. Met diouganet o deus traoù faos ha touellus.

Klemmganoù 4:13

En abeg da bec'hedoù he frofeded ha da zireizhder hec'h aberzhourien, o deus skuilhet en he c'hreiz gwad ar re reizh.

Klemmganoù 4:18

Spiet e oa hor c'hammedoù evit mirout ouzhimp a gerzhout war hol lec'hioù. Tost e oa hon diwezh ha sevenet hon deizioù, ya, deuet eo hon diwezh.

Ezekiel 13:10

Abalamour, ya, abalamour ma tiankont va fobl, en ur lavarout: Peoc'h! pa n'eus ket a beoc'h, hag unan a sav ur voger, hag egile a c'holo anezhi gant pri-raz,

Ezekiel 13:6

O gweledigezhioù a zo aner hag o diouganoù touellus, pa lavaront: Disklêriet en deus an AOTROU! Met n'en deus ket an AOTROU kaset anezho, ha lakaet o deus da esperout e vefe sevenet o c'homz.

Ezekiel 22:14

Da galon, daoust hag e talc'ho, da zaouarn, daoust hag e chomint start, d'an deizioù ma labourin en da enep? Me an AOTROU am eus komzet, hag ober a rin.

Ozea 4:9

Hag e vo eus an aberzhour evel eus ar bobl: e gastizañ a rin evit e hentoù, hag e taskorin dezhañ hervez e oberoù.

Ozea 6:10

Gwelet em eus un dra euzhus e ti Israel: eno Efraim a zo en em roet d'ar gasterezh, Israel a zo en em saotret.

Ozea 9:5

Petra a reot da zeizioù ar vodadeg, da zeizioù gouelioù an AOTROU?

Mika 2:11

Mar red un den war-lerc'h an avel, ha mar lavar gevier o lavarout: War ar gwin ha war an evajoù kreñv e roin dit ur brofediezh, hennezh a vo ur profed evit ar bobl-mañ.

Mika 2:6

Na lavarit profediezh ebet, a lavaront. Met ne vo lavaret profediezh ebet d'ar re-mañ, ar vezh ne bellaio ket.

Mika 3:11

He fennoù a varn evit profoù, hec'h aberzhourien a gelenn evit ur gopr, he frofeded a ziougan evit arc'hant, hag en em harpont war an AOTROU o lavarout: Ha n'emañ ket an AOTROU en hon touez? Ar gwalleur ne zeuio ket warnomp!

Sofonia 3:4

He frofeded a zo rok ha tud fall, hec'h aberzhourien o deus saotret an traoù santel, gwallerien int e-keñver al lezenn.

Adlezenn 32:20

Lavaret en deus: Kuzhat a rin va dremm outo, hag e welin penaos e vo o diwezh, rak ur rummad fall ez int, mibien diskredik.

Adlezenn 32:29

Ma vijent fur, e komprenjent kement-mañ, hag e soñjjent er pezh a c'hoarvezo ganto d'an diwezh.