Jeremiaz 5:1 - Bibl Koad 21: Ar Bibl e Brezhoneg evit ar Vretoned

¹ Kit da bourmen dre straedoù Jeruzalem, sellit, eveshait, klaskit war al leurennoù, mar kavit un den, unan hepken, oc'h ober ar reizhder hag o klask ar wirionez, e pardonin dezhi.

Jeremiaz 5:1 Referencias Cruzadas

1 Rouaned 19:10

Hag e respontas: Gwall fromet on bet gant gwarizi evit an AOTROU, Doue an armeoù, rak mibien Israel o deus dilezet da emglev, diskaret o deus da aoterioù, lazhet o deus da brofeded dre ar c'hleze, me a zo chomet va-unan, hag e klaskont va buhez evit he lemel diganin.

2 Danevelloù 16:9

Rak daoulagad an AOTROU a astenn o sell war an holl zouar, evit kreñvaat a re a zo o c'halon a-grenn dezhañ. Graet ec'h eus evel un den diskiant diwar-benn kement-se, hag ez po brezelioù en amzer da zont.

Salmoù 12:1

D'ar mestr-kaner; salm David; war "Sheminid".

Salmoù 14:2

Eus an neñvoù, an AOTROU a sell d'an traoñ ouzh mibien an dud, evit gwelout hag-eñ e vefe unan bennak skiantek hag a glaskfe Doue.

Salmoù 14:3

An holl a zo dianket, deuet int da vezañ diroll holl asambles, n'eus den a rafe ar mad, n'eus ket unan zoken.

Salmoù 94:16

Piv a savo evidon a-enep an dud fall? Piv a vo ganin a-enep ar vicherourien a zireizhder?

Krennlavarioù 20:6

An darn vuiañ eus an dud a veul o madelezh, met piv a gavo un den leal?

Krennlavarioù 23:23

Pren ar wirionez ha na werzh ket anezhi, pren ar furnez, an deskadurezh hag ar poell.

Krennlavarioù 8:3

Tost d'an dorioù, ouzh antre kêr, e penn ar straedoù, emañ o krial:

Kanenn ar C’hanennoù 3:2

Sevel a rin bremañ hag e rin tro kêr dre ar straedoù ha dre ar plasennoù. Klask a rin an hini a gar va ene. E glasket em eus, met ne'm eus ket e gavet.

Izaia 59:4

Den na c'halv evit ar reizhder, den na erbed evit ar wirionez, fiziout a reont e traoù disneuz hag e lavaront traoù aner, koñseviñ a reont an droug hag e c'hanont poanioù.

Jeremiaz 2:29

Perak e pledfec'h ganin? Holl ez oc'h en em savet a-enep din, eme an AOTROU.

Jeremiaz 44:15

Met an holl baotred a ouie e kinnige o gwragez ezañs da zoueoù all, an holl wragez a oa eno e niver bras, an holl bobl a oa o chom e bro Ejipt, e Patroz, a respontas da Jeremiaz, o lavarout:

Jeremiaz 8:6

Selaouet em eus ha klevet: Ne gomzont ket hervez ar reizhder, n'eus den o kaout keuz d'e zrougiezh hag o lavarout: Petra am eus graet? Holl e tistroont d'o redadenn, evel ur marc'h a zilamm d'ar brezel.

Jeremiaz 9:2

O! Perak ne'm eus ket er gouelec'h ul lochenn evit beajour? Dilezel a rafen va fobl hag ez afen pell diganto, rak holl int avoultrerien hag ur vandenn c'hanazed.

Jeremiaz 9:7

Setu perak evel-henn e komz AOTROU an armeoù: Setu ez an d'o zeuziñ ha d'o amprouiñ, rak penaos e rafen e-giz-all e-keñver merc'h va fobl?

Ezekiel 22:30

Klasket em eus en o zouez unan bennak a adsavfe ar voger, hag en em zalc'hfe war ar freuz dirazon evit ar vro, evit na zistrujin ket anezhi, met ne'm eus kavet den.

Ezekiel 9:9

Hag e lavaras din: Direizhder ti Israel ha Juda a zo bras dreist pep muzul, hag ar vro a zo leun a wad, kêr a zo leun a falloni. Rak e lavaront: An AOTROU en deus dilezet ar vro, an AOTROU ne wel ket.

Daniel 12:4

Ha te Daniel, mir kuzh ar c'homzoù-se, siell al levr betek amzer an diwezh. Kalz a redo amañ hag ahont, hag an anaoudegezh a gresko.

Joel 2:9

Hag en em strewint e kêr, o redek war ar mogerioù, o pignat war an tiez, hag o vont dre ar prenestroù evel laeron.

Amoz 8:12

Kerzhout a raint eus ur mor d'egile hag eus an hanternoz d'ar sav-heol, mont a raint amañ hag ahont evit klask komz an AOTROU, met n'he c'havint ket.

Zakaria 2:4

hag e lavaras dezhañ: Red, komz ouzh an den yaouank-se o lavarout: Annezet e vo Jeruzalem hep moger, en abeg d'an dud ha d'al loened niverus a vo en he c'hreiz.

Sant Lucas 14:21

Ar mevel, o vezañ distroet, a zisklêrias kement-mañ d’e vestr. Neuze mestr an ti, droug ennañ, a lavaras d’e vevel: Kae buan dre leurioù ha straedoù kêr, ha degas amañ ar beorien, ar re vac’hagnet, ar re gamm hag ar re dall.

2 Tesalonikiz 2:10

ha gant holl dromplerezh an direizhder e-touez ar re en em goll, abalamour ma n’o deus ket degemeret karantez ar wirionez evit bezañ salvet.