Jeremiaz 49:23 - Bibl Koad 21: Ar Bibl e Brezhoneg evit ar Vretoned

²³ Diwar-benn Damask. Hamad hag Arpad a zo mezhekaet, rak klevet o deus keloù fall, teuziñ a reont. Gwall vor 'zo ha ne c'hell ket sioulaat.

Jeremiaz 49:23 Referencias Cruzadas

Geneliezh 14:15

Neuze, o vezañ lodennet e dud, en em daolas warno en noz, eñ hag e servijerien, hag e pilas anezho. Mont a reas war o lerc'h betek Hoba, a zo a-gleiz da Zamask.

Geneliezh 15:2

Abram a respontas: AOTROU Doue, petra a roi din? Me a ya hep bugale, hag an hini a vo va zi dezhañ eo Eliezer a Zamask.

2 Samuel 17:10

Hag an hini kadarnañ, p'en defe ur galon evel kalon ul leon, a deuzo, rak holl Israel a oar ez eo da dad un den kreñv, hag ez eo tud kadarn ar re a zo gantañ.

2 Samuel 8:9

Toi roue Hamad a ouezas en doa trec'het David holl arme Hadadezer,

1 Rouaned 11:24

Dastumet en doa tud a-enep dezhañ, hag e oa penn ur strollad pa lazhas David anezho, hag ez ejont da Zamask, hag e chomjont eno, hag e renjont.

2 Rouned 17:24

Roue Asiria a gasas tud eus Babilon, eus Kuta, eus Ava, eus Hamad hag eus Sefarvaim, hag a lakaas anezho e kêrioù Samaria, e-lec'h mibien Israel. Hag e perc'hennjont Samaria, hag e chomjont en he c'hêrioù.

2 Rouned 18:34

Pelec'h emañ doueoù Hamad hag Arpad? Pelec'h emañ doueoù Sefarvaim, Hena hag Ivva? Ha dieubet eo bet zoken Samaria diouzh va dorn?

2 Rouned 19:13

Pelec'h emañ roue Hamad, roue Arpad, roue kêr Sefarvaim, Hena pe Ivva?

2 Rouned 5:12

Ha n'eo ket gwelloc'h stêrioù Damask, an Abana hag ar Parpar, eget holl zoureier Israel? Ha ne c'hellfen en em walc'hiñ enno ha dont da vezañ glan? Evel-se e tistroe, ha droug bras ennañ.

2 Danevelloù 16:2

Neuze Asa a dennas arc'hant hag aour eus teñzorioù ti an AOTROU ha ti ar roue, hag o c'hasas da Ven-Hadad roue Siria, a oa o chom e Damask, en ur lavarout:

Ermaeziadeg 15:15

Neuze priñsed Edom a zo trubuilhet. Ur grenadenn a zo kroget en re c'halloudus Moab. Holl dud Kanaan a zizesper.

Izaia 10:9

Ha n'eo ket eus Kalno evel eus Karkemish? Ha n'eo ket eus Hamad evel eus Arpad? Ha n'eo ket eus Samaria evel eus Damask?

Izaia 11:11

En deiz-se ec'h astenno an AOTROU e zorn c'hoazh, evit un eil gwech, da zasprenañ an nemorant eus e bobl, ar re a vo bet manet en Asiria, en Ejipt, e Patroz, e Kush, e Persia, e Shinear, en Hamad, hag en inizi ar mor.

Izaia 13:7

Setu perak an holl zaouarn a zeuio da vezañ dinerzh, ha pep kalon den a deuzo.

Izaia 36:19

Pelec'h emañ doueoù Hamad hag Arpad? Pelec'h emañ doueoù Sefarvaim? Ha dieubet eo bet zoken Samaria diouzh va dorn?

Izaia 37:13

Pelec'h emañ roue Hamad, roue Arpad, roue kêr Sefarvaim, Hena pe Ivva?

Izaia 57:20

Met ar re zrouk a zo evel ar mor dirollet na c'hell ket sioulaat: e zoureier a zistaol fank ha lec'hid.

Izaia 7:8

Rak kêrbenn ar Siria eo Damask, penn Damask eo Rezin. A-benn pemp bloaz ha tri-ugent, Efraim a vo lakaet a-dammoù ha ne vo ken ur bobl.

Jeremiaz 39:5

Met arme ar Galdeiz a redas war o lerc'h, hag e tizhjont Sedesia e plaenennoù Jeriko. O vezañ e dapet, e tegasjont anezhañ da Nebukadnezar roue Babilon, da Ribla e bro Hamad, e-lec'h ma voe lavaret ar varnedigezh en e enep.

Ezekiel 27:18

Damask he deus graet kenwerzh ganit en abeg da fonnusted da draoù ha da'z pinvidigezhioù a bep seurt, o reiñ dit gwin eus Helbon ha gloan gwenn.

Amoz 6:2

Tremenit e Kalne ha gwelit; it alese da Hamad-ar-Vras ha diskennit da C'had ar Filistined. Hag ez int gwelloc'h eget ar rouantelezhioù-mañ, hag o douaroù brasoc'h eget ho touaroù?

Nahum 2:10

Skrapadeg, reuz, distruj! Ar galon a deuz, an daoulin a gren, an divgroazell a zo er glac'har, hag an holl dremmoù a zroukliv.

Niveroù 13:21

Pignat a rejont evit spiañ ar vro, adalek gouelec'h Zin betek Reob, o vont war-zu Hamad.

Actou an Ebestel 27:20

N’en em ziskouezas nag an heol nag ar stered e-pad meur a zevezh, hag e skoe ur barrad-amzer ken bras warnomp ma hor boa kollet pep esperañs da vezañ saveteet.

Actou an Ebestel 9:2

hag a c’houlennas digantañ lizhiri evit sinagogennoù Damask, evit gallout, mar kavje hiniennoù eus ar gredenn-se, gwazed kenkoulz ha gwragez, o degas ereet da Jeruzalem.

2 Korintiz 11:32

E Damask, gouarnour ar roue Aretaz en doa graet diwall kêr an Damaskenianed evit kregiñ ennon,

Adlezenn 20:8

An ofiserien a gendalc'ho da gomz ouzh ar bobl o lavarout: Piv en deus aon hag a zo digalon? Ra yelo kuit ha ma tistroio d'e di, gant aon na zeufe kalonoù e vreudeur da deuziñ evel e hini.

Jozue 14:8

Va breudeur a oa pignet ganin a lakaas kalon ar bobl da deuziñ, met me a heulias en holl leunder an AOTROU va Doue.

Jozue 2:11

Klevet hon eus-se hag hor c'halon a zo teuzet ha n'eus ken a nerzh-kalon e den dirazoc'h, rak an AOTROU ho Toue a zo Doue en neñvoù en nec'h ha war an douar en traoñ.