Jeremiaz 44:4 - Bibl Koad 21: Ar Bibl e Brezhoneg evit ar Vretoned

⁴ Kaset em eus deoc'h va holl servijerien, ar brofeded, am eus kaset adalek ar beure, evit lavarout deoc'h: Na rit ket an dra euzhus-se a gasaan!

Jeremiaz 44:4 Referencias Cruzadas

2 Danevelloù 36:15

An AOTROU, Doue o zadoù, en doa kaset kemennoù dezho dre e gannaded, beure-mat e vezent kaset, rak truez en doa ouzh e bobl hag ouzh e chomlec'h.

Nehemia 9:30

O gortozet ec'h eus pell, e-pad bloavezhioù niverus, hag ec'h eus o douget da cheñch dre da Spered ha dre da brofeded, met n'o deus ket o selaouet, hag ec'h eus o lakaet etre daouarn pobloù ar broadoù.

Nehemia 9:34

Hor rouaned, hor pennoù, hon aberzhourien hag hon tadoù n'o deus ket graet hervez da lezenn, ha n'o deus ket sentet ouzh da c'hourc'hemennoù, nag ouzh da destenioù a zouges a-enep dezho.

Jeremiaz 16:18

Hag e roin dezho da gentañ an daougement eus o direizhder hag eus o fec'hed, dre ma o deus saotret va douar ha leuniet va hêrezh gant korfoù marv o zraoù kasaus ha gant o euzhusterioù.

Jeremiaz 26:5

evit selaou ouzh komzoù va servijerien, ar brofeded, a gasan deoc'h, am eus kaset deoc'h adalek ar beure, ha n'hoc'h eus ket selaouet,

Jeremiaz 29:19

dre ma n'o deus ket selaouet va c'homzoù, eme an AOTROU, pa gasen dezho va servijerien, ar brofeded, am eus kaset adalek ar beure, ha n'hoc'h eus ket selaouet, eme an AOTROU.

Jeremiaz 32:33

Troet o deus ouzhin o c'hein ha nann o dremm, koulskoude em eus o c'helennet, o sevel abred em eus o c'helennet, met n'int ket bet sentus evit degemer an deskadurezh.

Jeremiaz 32:34

Lakaet o deus o euzhusterioù en ti ma'z eo galvet va anv warnañ, evit e saotrañ.

Jeremiaz 32:35

Savet o deus uhellec'hioù da Vaal e traonienn mab Hinnom, evit lakaat o mibien hag o merc'hed da dremen dre an tan da Volok, ar pezh na'm boa ket gourc'hemennet, ha ne oa ket deuet em soñj e vije graet un hevelep euzhusted evit lakaat Juda da bec'hiñ.

Jeremiaz 35:15

Rak em eus kaset deoc'h va holl servijerien ar brofeded, o c'haset em eus deoc'h bemdez, adalek ar beure, da lavarout deoc'h: Distroit pep hini ac'hanoc'h eus e hent fall, adreizhit hoc'h oberoù, n'it ket war-lerc'h doueoù all evit o servijañ, evit ma chomot er vro am eus roet deoc'h ha d'ho tadoù. Met n'hoc'h eus ket roet ho skouarn evit selaou.

Jeremiaz 35:17

En abeg da-se, evel-henn e komz an AOTROU, Doue an armeoù, Doue Israel: Setu ez an da zegas war Juda ha war holl dud Jeruzalem an holl zroug am eus disklêriet a-enep dezho, dre ma em eus komzet outo ha n'o deus ket selaouet, ma em eus galvet anezho ha n'o deus ket respontet.

Jeremiaz 7:13

Ha bremañ, peogwir e rit an oberoù-se, eme an AOTROU, hag em eus komzet deoc'h, komzet adalek ar beure ha n'hoc'h eus ket selaouet, peogwir em eus ho kalvet ha n'hoc'h eus ket respontet din,

Jeremiaz 7:17

Ha ne welez ket ar pezh a reont e kêrioù Juda hag e straedoù Jeruzalem?

Jeremiaz 7:18

Ar vibien a zastum koad, an tadoù a enaou an tan, ar maouezed a vez an toaz, evit ober gwestell da rouanez an neñvoù hag evadkinnigoù da zoueoù estren, hag evit va imoriñ.

Jeremiaz 7:25

Abaoe an deiz m'eo deuet ho tadoù eus bro Ejipt betek hiziv, em eus kaset deoc'h va holl servijerien ar brofeded, o c'haset em eus deoc'h bemdez, adalek ar beure.

Ezekiel 16:36

Evel-henn e komz an Aotrou AOTROU: Peogwir ec'h eus koufonet da deñzor ha dizoloet da noazhder en ur c'hastaouiñ gant da amourouzien ha gant da holl idoloù euzhus, hag en abeg da wad da vibien ac'h eus roet dezho,

Ezekiel 16:47

Ne'c'h eus ket hepken kerzhet en o hentoù ha graet an hevelep euzhusterioù, re nebeut e oa kement-se, met en em saotret ec'h eus muioc'h egeto gant da holl hentoù.

Ezekiel 18:31

Taolit pell diouzhoc'h hoc'h holl bec'hedoù hoc'h eus pec'het drezo, grit deoc'h ur galon nevez hag ur spered nevez. Perak e varvfec'h, ti Israel?

Ezekiel 8:10

Mont a ris eta hag e sellis, ha setu ma oa a bep seurt stlejviled ha loened euzhus hag idoloù ti Israel livet war ar voger tro-dro.

Daniel 9:6

n'hon eus ket selaouet da servijerien ar brofeded, o deus komzet ez anv d'hor rouaned, d'hor pennoù, d'hon tadoù ha da holl bobl ar vro.

Zakaria 7:7

Ha n'eo ket ar c'homzoù en deus lavaret an AOTROU dre ar brofeded kentañ, pa oa tud e Jeruzalem ha pa oa sioul, hi hag he c'hêrioù en-dro dezhi, ha pa oa tud o chom er c'hreisteiz hag er blaenenn?

1 Pêr 4:3

Rak a-walc’h eo deomp bezañ graet en amzer hor buhez tremenet bolontez ar baganed, en ur gerzhout en hudurniezh, en droukc’hoantoù, er vezventi, er c’horfadoù hag en idolerezh argarzhus.