Jeremiaz 39:11 - Bibl Koad 21: Ar Bibl e Brezhoneg evit ar Vretoned

¹¹ Nebukadnezar roue Babilon en doa roet urzhioù da Nebuzaradan penn ar warded diwar-benn Jeremiaz, o lavarout:

Jeremiaz 39:11 Referencias Cruzadas

Levr Job 5:15

Eñ a savete ar paour eus ar c'hleze, hag eus o genoù, hag eus dorn an hini galloudek.

Levr Job 5:16

Bez' ez eus esperañs evit ar reuzeudig, hag an direizhder a zo serret e c'henoù.

Levr Job 5:19

Eus c'hwec'h anken e tieubo ac'hanout, ha d'ar seizhvet an droug ne stoko ket ouzhit.

Jeremiaz 1:8

Na'z pez ket aon dirazo, rak ez on ganit evit dieubiñ ac'hanout, eme an AOTROU.

Jeremiaz 15:11

Hag an AOTROU a lavar: Ha ne virin ket ac'hanout evit ar mad? Ha ne rin ket d'an enebour pediñ ac'hanout en amzer ar glac'har hag en amzer an estrenvan?

Jeremiaz 15:20

Me a raio dit bezañ ur voger arem kreñvaet evit ar bobl-mañ. Ma reont brezel dit, ne drec'hint ket warnout, rak e vin ganit evit da saveteiñ ha da zieubiñ, eme an AOTROU.

Jeremiaz 15:21

Hag e tieubin ac'hanout eus dorn ar re zrouk, hag e tasprenin ac'hanout eus dorn ar re daer.

Jeremiaz 37:2

Met ne sentas ket hemañ, nag e servijerien, na pobl ar vro, ouzh komzoù an AOTROU, en doa disklêriet dre ar profed Jeremiaz.

Jeremiaz 40:1

Ar gomz a voe disklêriet a-berzh an AOTROU da Jeremiaz, goude m'en doe Nebuzaradan penn ar warded e gaset en-dro eus Rama. Pa gasas d'e gerc'hat, e oa ereet gant chadennoù e-touez harluidi Jeruzalem ha Juda dindan mont da Vabilon.

Jeremiaz 40:4

Ha bremañ, setu e tieuban ac'hanout hiziv eus ar chadennoù a zo war da zaouarn. Mar fell dit mont ganin da Vabilon, deus, hag ec'h eveshain warnout, met ma ne fell ket dit mont ganin da Vabilon, ne ra ket. Sell, an holl vro a zo evidout, kae el lec'h ma kavo dit e vo mat ha dereat mont.

Jeremiaz 52:12

D'an dekvet eus ar pempvet miz, en naontekvet bloaz eus Nebukadnezar roue Babilon, Nebuzaradan penn ar warded ha servijer roue Babilon a zeuas e-barzh Jeruzalem.

Actou an Ebestel 24:23

Hag e c’hourc’hemennas d’ar c’hantener diwall Paol, o lezel gantañ ul librentez bennak hep difenn ouzh hini ebet eus e re d’e servijañ pe da zont d’e welout.