Jeremiaz 34:16 - Bibl Koad 21: Ar Bibl e Brezhoneg evit ar Vretoned

¹⁶ Met troet hoc'h eus meno ha saotret hoc'h eus va anv, oc'h ober distreiñ pep hini e servijer ha pep hini e vatezh ho poa kaset kuit frank, ha lakaet hoc'h eus anezho da vezañ servijerien ha mitizhien.

Jeremiaz 34:16 Referencias Cruzadas

Ermaeziadeg 20:7

Ne gemeri ket anv an AOTROU da Zoue en aner, rak an AOTROU ne zalc'ho ket evit didamall an hini en devo kemeret e anv en aner.

Jeremiaz 34:11

Met goude e trojont meno, hag e rejont distreiñ o servijerien hag o mitizhien o doa kaset kuit frank, hag o lakajont da vezañ servijerien ha mitizhien.

Ezekiel 13:22

Dre ma hoc'h eus glac'haret gant ho kevier kalon an den reizh na'm eus ket tristaet, ha dre ma hoc'h eus kennerzhet daouarn an den drouk evit na zistroio ket eus e hent fall da gavout ar vuhez,

Ezekiel 18:24

Ha mar distro an hini reizh diouzh e reizhder ha ma ra an droug, hervez an holl euzhusterioù en deus an den fall ar c'hiz d'ober, hag e vevo? Ne vo ket meneget e zireizhder en deus graet, hag en abeg d'e zrougoberoù ha d'e bec'hed en deus graet e varvo.

Ezekiel 20:39

Ha c'hwi, ti Israel, evel-henn e komz an Aotrou AOTROU: Kit, servijit pep hini e idoloù! Met goude-se e selaouot, ha ne zisakrot ken anv va santelez dre ho profoù ha dre hoc'h idoloù.

Ezekiel 3:20

Ha mar distro an hini reizh diwar e reizhder ha ma ra an droug, e lakain ur maen-kouezh dirazañ hag e varvo. Dre ma na'z po ket e gemennet, e varvo en e bec'hed ha ne vo ket meneget e zireizhder en doa graet, ha me a c'houlenno e wad eus da zorn.

Ezekiel 39:7

Hag e lakain va anv santel da vezañ anavezet e-touez va fobl Israel, ne zisakrin ken va anv santel, hag e ouezo ar broadoù ez on me an AOTROU, Sant Israel.

Leviegezh 19:12

Ne douot ket en faos dre va anv, rak e tisakrfes anv da Zoue. Me eo an AOTROU.

Malaki 1:12

Met c'hwi a zisakr anezhañ pa lavarit: Taol an AOTROU a zo saotret, hag ar pezh a zeu dioutañ a zo ur boued disprizus.

Malaki 1:7

Kinnig a rit war va aoter bara saotret, hag e lavarit: E petra hon eus da zizenoret? Dre ma lavarit: Taol an AOTROU a zo disprizus.

1 Samuel 15:11

Keuz am eus da vezañ lakaet Saül da roue, rak va dilezet en deus, ha n'en deus ket miret va c'homzoù. Samuel a voe glac'haret bras a gement-se, hag e krias d'an AOTROU e-pad an noz.