Jeremiaz 34:13 - Bibl Koad 21: Ar Bibl e Brezhoneg evit ar Vretoned

¹³ Evel-henn e komz an AOTROU, Doue Israel: Graet em eus un emglev gant ho tadoù en deiz ma tennis anezho eus an Ejipt, eus an ti sklavelezh, en ur lavarout dezho:

Jeremiaz 34:13 Referencias Cruzadas

Ermaeziadeg 13:14

Pa c'houlenno ouzhit da vab un deiz: Petra eo kement-se? Lavarout a ri dezhañ: Gant e zorn kreñv an AOTROU en deus hon tennet eus an Ejipt, eus an ti sklavelezh;

Ermaeziadeg 13:3

Moizez a lavaras d'ar bobl: Ho pet soñj eus an deiz-se, ma'z oc'h aet kuit eus an Ejipt, eus an ti sklavelezh, rak an AOTROU en deus ho tennet ac'hane gant un dorn kreñv. Ra ne vo ket debret bara goet.

Ermaeziadeg 20:2

Me eo an AOTROU da Zoue, en deus tennet ac'hanout eus bro Ejipt, eus an ti sklavelezh.

Ermaeziadeg 24:3

Moizez a zeuas hag a lavaras d'ar bobl holl gomzoù an AOTROU hag e holl lezennoù. An holl bobl a respontas a vouezh unvan hag a lavaras: Ni a raio kement tra en deus lavaret an AOTROU .

Jeremiaz 11:4

am eus gourc'hemennet d'ho tadoù en deiz ma em eus tennet anezho eus bro Ejipt, eus ar forn houarn, o lavarout: Selaouit ouzh va mouezh ha grit an holl draoù am eus gourc'hemennet deoc'h, hag e viot va fobl, hag e vin ho Toue;

Jeremiaz 11:7

Rak kemennet em eus start ho tadoù adalek an deiz ma em eus graet dezho pignat kuit eus bro Ejipt betek hiziv, o kemenn adalek ar beure hag o lavarout: Selaouit ouzh va mouezh!

Jeremiaz 31:32

nann evel an emglev am eus diazezet gant o zadoù en deiz ma em eus kemeret anezho dre an dorn hag em eus tennet anezho eus bro Ejipt, an emglev o deus torret, petra bennak ma oan bet ur pried evito, eme an AOTROU.

Jeremiaz 34:12

Ar gomz a voe disklêriet a-berzh an AOTROU da Jeremiaz er gerioù-se:

Jeremiaz 7:22

Rak ne'm eus ket komzet gant ho tadoù ha ne'm eus ket roet gourc'hemennoù, en deiz ma em eus tennet anezho eus bro Ejipt, diwar-benn al loskaberzhoù hag an aberzhoù.

Adlezenn 13:10

Hag e veinatai anezhañ d'ar marv, rak klasket en deus distreiñ ac'hanout diouzh an AOTROU da Zoue en deus tennet ac'hanout eus bro Ejipt, eus an ti sklavelezh.

Adlezenn 15:15

Dalc'h soñj ez out bet sklav e bro Ejipt, hag en deus dasprenet ac'hanout an AOTROU da Zoue, setu perak e roan dit ar gourc'hemenn-mañ hiziv.

Adlezenn 16:12

Dalc'h soñj ez out bet sklav e bro Ejipt, mirout a ri ar reolennoù-mañ hag e ri diouto.

Adlezenn 24:18

Dalc'h soñj ez out bet sklav e bro Ejipt, hag en deus dasprenet ac'hanout an AOTROU da Zoue, setu perak e c'hourc'hemennan dit ober an traoù-se.

Adlezenn 29:1

Setu komzoù an emglev en deus gourc'hemennet an AOTROU da Voizez ober gant mibien Israel e bro Voab, en tu-hont d'an emglev en doa graet ganto en Horeb.

Adlezenn 5:27

Tosta, te, ha selaou kement a lavaro an AOTROU hon Doue, ha goude e tegasi deomp kement en devo lavaret an AOTROU hon Doue, ha ni a selaouo ha ni a raio diouzh-se.

Adlezenn 5:6

Me eo an AOTROU da Zoue, en deus tennet ac'hanout eus bro Ejipt, eus an ti sklavelezh.

Adlezenn 6:12

diwall d'ankounac'haat an AOTROU en deus tennet ac'hanout eus bro Ejipt, eus an ti sklavelezh.

Adlezenn 7:8

Met dre ma kar an AOTROU ac'hanoc'h ha dre ma vir al le en deus graet d'ho tadoù, en deus tennet an AOTROU ac'hanoc'h gant un dorn kreñv hag en deus dasprenet ac'hanoc'h eus an ti sklavelezh, eus dorn Faraon roue an Ejipt.

Adlezenn 8:14

ra n'en em uhelaio ket da galon, ra n'ankounac'hai ket an AOTROU da Zoue en deus tennet ac'hanout eus bro Ejipt, eus an ti sklavelezh,

Jozue 24:17

Rak an AOTROU eo hon Doue, eñ eo an hini en deus graet deomp pignat, ni hag hon tadoù, eus bro Ejipt, eus an ti sklavelezh, hag en deus graet dirak hon daoulagad ar burzhudoù bras-se, hag en deus hon diwallet en holl hentoù ma hon eus kerzhet enno hag e-touez an holl bobloù ma hon eus tremenet en o c'hreiz.

Ar Varnerien 6:8

an AOTROU a gasas ur profed da gavout mibien Israel; eñ lavaras dezho: Evel-henn e komz an AOTROU Doue Israel: Ho lakaet em eus da bignat er-maez eus an Ejipt, tennet em eus ac'hanoc'h eus an ti sklavelezh,