Jeremiaz 33:3 - Bibl Koad 21: Ar Bibl e Brezhoneg evit ar Vretoned

³ Va asped hag e respontin dit, hag e tisklêrin dit traoù bras ha kuzhet n'anavezez ket.

Jeremiaz 33:3 Referencias Cruzadas

Salmoù 145:18

An AOTROU a zo tost d'an holl re a bed anezhañ, d'an holl re a bed anezhañ e gwirionez.

Salmoù 25:14

Tra guzhet an AOTROU a zo evit ar re a zouj anezhañ, ha reiñ a raio da anavezout dezho e emglev.

Salmoù 50:15

ha va asped en deiz da estrenvan: me a zieubo ac'hanout ha te a roio gloar din.

Salmoù 91:15

Va aspediñ a raio hag e selaouin anezhañ, hag e vin gantañ en anken, hag en tenin ac'hane, hag e roin gloar dezhañ.

Izaia 45:3

Reiñ a rin dit an teñzorioù kuzhet, ar pinvidigezhioù ar muiañ skoachet, evit ma'c'h ouezi ez on-me an AOTROU, an hini a c'halv ac'hanout dre da anv, me Doue Israel.

Izaia 48:6

Klevet ec'h eus! Gwel anezho holl! Ha n'embannot ket anezho hoc'h-unan? Reiñ a ran dit da glevout bremañ traoù nevez, traoù kuzhet ha n'anavezes ket.

Izaia 65:24

A-raok ma c'halvint e respontin, ha pa vint c'hoazh o komz em bo o c'hlevet.

Jeremiaz 23:35

Lavarout a reot neuze pep hini d'e nesañ ha pep hini d'e vreur: Petra en deus respontet an AOTROU? ha: Petra en deus disklêriet an AOTROU?

Jeremiaz 29:12

Neuze e c'halvot ac'hanon hag ez eot kuit; va fediñ a reot hag e selaouin ouzhoc'h.

Jeremiaz 32:17

A! Aotrou AOTROU, setu ec'h eus graet an neñvoù hag an douar, dre da nerzh bras ha da vrec'h astennet, tra ebet n'eo re vras evidout.

Jeremiaz 32:27

Setu, me eo an AOTROU, Doue pep kig. Hag e vefe un dra bennak re vras evidon?

Daniel 2:18

evit ma c'houlennfent truez digant Doue an neñvoù diwar-benn an dra guzhet-se, evit na vefe ket lakaet d'ar marv Daniel hag e genseurted gant an dud fur all eus Babilon.

Daniel 2:22

Eñ eo a ziskuilh an traoù don ha kuzhet, hag a anavez ar pezh a zo en deñvalijenn. Emañ ar sklêrijenn o chom gantañ.

Daniel 2:23

O Doue va zadoù! Da drugarekaat ha da veuliñ a ran, rak ec'h eus roet din furnez ha galloud, hag ec'h eus graet din anavezout bremañ ar pezh hon eus goulennet diganit. Roet ec'h eus deomp da anavezout tra kuzhet ar roue.

Joel 2:32

Hag e c'hoarvezo ma vo salvet piv bennak a c'halvo anv an AOTROU, rak ar silvidigezh a vo war Venez Sion hag e Jeruzalem, evel m'en deus lavaret an AOTROU, hag e-touez an nemorant a vo galvet gant an AOTROU.

Amoz 3:7

Rak an Aotrou AOTROU ne ra netra hep disklêriañ e sekred d'e servijerien ar brofeded.

Mika 7:15

Evel en deizioù ma'z out aet kuit eus bro Ejipt, e tiskouezin traoù burzhudus.

Mazhev 13:35

evit ma vije peurc’hraet ar pezh a oa bet lavaret gant ar profed: Digeriñ a rin va genoù gant parabolennoù, disklêriañ a rin traoù kuzhet abaoe krouidigezh ar bed.

Actou an Ebestel 2:21

Hag ec’h erruo penaos piv bennak a c’halvo anv an Aotrou, a vo salvet.

1 Korintiz 1:2

da Iliz Doue a zo e Korint, d’ar re a zo bet santelaet e Jezuz-Krist, galvet da vezañ santel, gant ar re holl a c’halv e pelec’h bennak e vefent anv an Aotrou Jezuz-Krist, o Aotrou hag hon hini:

Efeziz 3:20

D’an hini a c’hell ober dre ar galloud a labour ennomp muioc’h eget na c’houlennomp ha na soñjomp,

Adlezenn 4:29

Mar klaskez ac'hane an AOTROU da Zoue, e kavi anezhañ, pa en klaski eus da holl galon hag eus da holl ene.

Adlezenn 4:7

Rak pehini eo ar vroad vras he defe he doueoù tost outi evel an AOTROU hon Doue bep gwech ma c'halvomp anezhañ?

Apocalyps 2:17

An neb en deus divskouarn, ra glevo ar pezh a lavar ar Spered d’an Ilizoù. D’an hini a drec’ho e roin da zebriñ eus ar mann kuzhet hag e roin dezhañ ur maen gwenn, ha war ar maen-se e vo skrivet un anv nevez n’eo anavezet gant den, nemet gant an hini a resev anezhañ.