Jeremiaz 33:2 - Bibl Koad 21: Ar Bibl e Brezhoneg evit ar Vretoned

² Evel-henn e komz an AOTROU a grou, an AOTROU hag en deus aozet evit kas da benn, a zo e anv an AOTROU:

Jeremiaz 33:2 Referencias Cruzadas

Salmoù 102:16

Neuze ar pobloù a zoujo anv an AOTROU, hag holl rouaned an douar da c'hloar,

Salmoù 87:5

Ha diwar-benn Sion e vo lavaret: Hemañ hag hennezh a zo bet ganet enni, hag an Uhel-Meurbet he nerzho.

Ermaeziadeg 15:3

An AOTROU a zo ur brezelour. E anv eo an AOTROU .

Ermaeziadeg 6:3

Me a zo en em ziskouezet da Abraham, da Izaak ha da Jakob, evel an Doue holl-c'halloudek, met dre va anv, an AOTROU , n'on ket bet anavezet ganto.

Izaia 14:32

Ha petra a vo respontet d'ar re zegaset eus ar vroad-se? Penaos eo an AOTROU en deus diazezet Sion, hag enni re c'hlac'haret e bobl o devo o repu.

Izaia 37:26

Ha ne'c'h eus ket desket em eus kempennet kement-se abaoe pell 'zo, hag abaoe an amzerioù koshañ em eus graet an diviz-se? Bremañ e lakaan an traoù-se d'en em gavout, emaout aze evit lakaat ar c'hêrioù kreñv e bernioù dismantroù.

Izaia 42:8

Me eo an AOTROU, hennezh eo va anv, ne roin ket va gloar da unan all, na va meuleudi d'ar skeudennoù kizellet.

Izaia 43:1

Evel-henn e komz an AOTROU, an hini en deus da grouet, o Jakob, an hini en deus da stummet, o Israel! Na'z pez ket aon, rak da zasprenet em eus, da c'halvet em eus dre da anv, din-me out.

Izaia 43:21

Stummet em eus ar bobl-mañ, hag e tisklêrio va meuleudi.

Izaia 62:7

ha na roit ket diskuizh dezhañ ken n'en devo adsavet Jeruzalem, ken n'en devo graet anezhi ur veuleudi war an douar.

Jeremiaz 10:16

Lodenn Jakob n'eo ket evelto, rak eñ eo en deus graet an holl draoù, hag Israel eo meuriad e hêrezh. AOTROU an armeoù eo e anv.

Jeremiaz 16:21

Setu perak e roin da anavezout dezho ar wech-mañ, e roin da anavezout dezho va dorn ha va galloud, hag e ouezint ez eo va anv an AOTROU.

Jeremiaz 32:18

Diskouez a rez trugarez e-keñver milieroù, hag e taskorez direizhder an tadoù e bruched o mibien war o lerc'h. Te eo an Doue bras, ar Galloudeg, a zo e anv AOTROU an armeoù,

Jeremiaz 51:19

Lodenn Jakob n'eo ket evelto, rak an Hini en deus doareet pep tra ez eo, Israel eo meuriad e hêrezh, AOTROU an armeoù eo e anv.

Amoz 5:8

Klaskit an hini en deus graet ar Yarad-poñsined hag an Orion, an hini a dro teñvalijenn ar marv e gouloù-deiz, an hini a dro an deiz e noz teñval, an hini a c'halv doureier ar mor hag o skuilh war zremm an douar: An AOTROU eo e anv.

Amoz 9:6

Sevel a ra en neñvoù e solieradurioù, diazezet en deus e volz war an douar, gervel a ra doureier ar mor, hag e skuilh anezho war-c'horre an douar, an AOTROU eo e anv.

Hebreed 11:10

Rak gortoz a rae ar gêr he deus diazezoù, an hini a zo Doue an oberer hag ar saver anezhi.

Hebreed 11:16

met bremañ e c’hoantaont unan gwelloc’h, da lavarout eo unan neñvel. Dre-se Doue n’en deus ket mezh o vezañ galvet o Doue, rak kempennet en deus ur gêr dezho.

Apocalyps 21:10

Eñ a gasas ac’hanon er spered war ur menez bras hag uhel, hag e tiskouezas din ar gêr vras, ar Jeruzalem santel, a ziskenne eus an neñv eus kichen Doue,

Apocalyps 21:2

Ha me Yann, a welas ar gêr santel, ar Jeruzalem nevez, o tiskenn eus an neñv, eus kichen Doue, fichet evel ma’z eo kempennet ur wreg yaouank evit he fried.