Jeremiaz 32:21 - Bibl Koad 21: Ar Bibl e Brezhoneg evit ar Vretoned

²¹ Rak ec'h eus tennet da bobl Israel eus bro Ejipt, gant sinoù ha mirakloù, dre un dorn kreñv hag ur vrec'h astennet, ha gant spontoù bras.

Jeremiaz 32:21 Referencias Cruzadas

2 Samuel 7:23

Ha bez' ez eus war an douar ur vroad heñvel ouzh da bobl, heñvel ouzh Israel, a zo bet dasprenet gant Doue evit ober anezhi e bobl, evit ober dezhañ un anv, hag evit ober ez keñver hag e-keñver da vro traoù bras ha spontus, en ur gas kuit dirak da bobl ac'h eus dasprenet evidout eus an Ejipt, broadoù hag o doueoù?

1 Rouaned 8:42

rak klevet e vo ez eo bras da anv, kreñv da zorn, astennet da vrec'h, pa zeuio da bediñ d'an ti-mañ,

1 Danevelloù 17:21

Ha bez' ez eus war an douar ur vroad heñvel ouzh da bobl Israel, a zo bet dasprenet gant Doue evit ober anezhi e bobl, hag evit ober dit un anv dre draoù bras ha spontus, en ur gas kuit broadoù dirak da bobl ac'h eus dasprenet eus an Ejipt?

Salmoù 105:37

Neuze e lakaas anezho da vont er-maez gant arc'hant hag aour, hag en o meuriadoù ne oa den o vrañsellat.

Salmoù 105:43

Hag e lakaas e bobl da vont er-maez gant laouenidigezh, e re zibabet gant kanaouennoù a levenez.

Ermaeziadeg 13:14

Pa c'houlenno ouzhit da vab un deiz: Petra eo kement-se? Lavarout a ri dezhañ: Gant e zorn kreñv an AOTROU en deus hon tennet eus an Ejipt, eus an ti sklavelezh;

Ermaeziadeg 13:9

Kement-se a vo dit evel un arouez war da zorn hag evel un eñvor etre da zaoulagad, evit ma vo lezenn an AOTROU ez kenoù, rak an AOTROU en deus da dennet gant un dorn kreñv eus an Ejipt.

Ermaeziadeg 3:20

Astenn a rin va dorn hag e skoin war an Ejipt dre an holl vurzhudoù a rin en he c'hreiz. Goude-se e lezo ac'hanoc'h da vont.

Ermaeziadeg 6:1

An AOTROU a lavaras da Voizez: Bremañ e weli ar pezh a rin da Faraon, rak o lezel a raio da vont kuit, kendrec'het gant un dorn kreñv, hag o c'haso kuit eus e vro, kendrec'het gant un dorn kreñv.

Ermaeziadeg 6:6

Setu perak lavar da vibien Israel: Me eo an AOTROU , me a denno ac'hanoc'h a-zindan bec'hioù an Ejipsianed, me a zieubo ac'hanoc'h eus ho sklaverezh, me a zaspreno ac'hanoc'h dre ur vrec'h astennet ha barnadegoù bras.

Izaia 63:12

a renas anezho dre zorn dehou Moizez gant e vrec'h glorius, a faoutas an doureier dirazo evit ober evitañ e-unan un anv peurbadus,

Adlezenn 11:3

ar sinoù hag an oberoù a reas e-kreiz an Ejipt a-enep Faraon roue an Ejipt hag a-enep e holl vro,

Adlezenn 26:8

An AOTROU en deus tennet ac'hanomp eus an Ejipt dre un dorn kreñv hag ur vrec'h astennet, dre spontoù bras, dre sinoù ha mirakloù.

Adlezenn 4:34

Hag-eñ ez eus esaeet un doue dont da gemer e-unan ur bobl a-greiz ur bobl all dre amprouennoù, sinoù, mirakloù ha stourmadegoù, dre un dorn kreñv hag ur vrec'h astennet, ha dre spontoù bras, evel kement en deus graet an AOTROU ho Toue en Ejipt dindan ho taoulagad?

Adlezenn 7:19

eus an amprouennoù bras en deus gwelet da zaoulagad, ar sinoù hag ar burzhudoù, an dorn kreñv hag ar vrec'h astennet, p'en deus da lakaet da vont kuit an AOTROU da Zoue; evel-se e raio an AOTROU da Zoue d'an holl bobloù ac'h eus aon razo.