Jeremiaz 32:20 - Bibl Koad 21: Ar Bibl e Brezhoneg evit ar Vretoned

²⁰ Graet ec'h eus sinoù ha burzhudoù e bro Ejipt, betek hiziv, hag en Israel hag e-touez an dud, ha graet ec'h eus dit un anv evel m'emañ hiziv.

Jeremiaz 32:20 Referencias Cruzadas

2 Samuel 7:23

Ha bez' ez eus war an douar ur vroad heñvel ouzh da bobl, heñvel ouzh Israel, a zo bet dasprenet gant Doue evit ober anezhi e bobl, evit ober dezhañ un anv, hag evit ober ez keñver hag e-keñver da vro traoù bras ha spontus, en ur gas kuit dirak da bobl ac'h eus dasprenet evidout eus an Ejipt, broadoù hag o doueoù?

1 Danevelloù 17:21

Ha bez' ez eus war an douar ur vroad heñvel ouzh da bobl Israel, a zo bet dasprenet gant Doue evit ober anezhi e bobl, hag evit ober dit un anv dre draoù bras ha spontus, en ur gas kuit broadoù dirak da bobl ac'h eus dasprenet eus an Ejipt?

Nehemia 9:10

Graet ec'h eus burzhudoù ha mirakloù a-enep Faraon, a-enep e holl servijerien, a-enep holl bobl e vro, rak gouzout a raes o doa en em renet gant lorc'h e-keñver anezho, hag ec'h eus graet dit-te da-unan un anv a chom betek hiziv.

Nehemia 9:11

Faoutet ec'h eus ar mor dirazo, hag ez int tremenet e-kreiz ar mor war ar sec'h. Taolet ec'h eus en donder ar re a rede war o lerc'h, evel ur maen en doureier meur.

Salmoù 135:9

a gasas sinoù ha burzhudoù en da greiz, Ejipt, a-enep Faraon hag a-enep e holl servijerien,

Ermaeziadeg 10:2

hag evit ma tisklêrii da'z mab ha da vab da vab an traoù am bo graet war an Ejipsianed hag ar sinoù am bo graet en o c'hreiz, ha ma ouiot ez on me an AOTROU .

Ermaeziadeg 3:20

Astenn a rin va dorn hag e skoin war an Ejipt dre an holl vurzhudoù a rin en he c'hreiz. Goude-se e lezo ac'hanoc'h da vont.

Ermaeziadeg 7:3

Me a galetaio kalon Faraon hag a gresko va sinoù ha va burzhudoù e bro Ejipt.

Ermaeziadeg 9:16

Met evit kement-mañ em eus da lakaet da chom: evit ma weli va galloud hag evit ma vo embannet va anv dre an douar holl.

Izaia 63:12

a renas anezho dre zorn dehou Moizez gant e vrec'h glorius, a faoutas an doureier dirazo evit ober evitañ e-unan un anv peurbadus,

Izaia 63:14

Spered an AOTROU en deus o renet goustadik, evel ul loen a ziskenn en un draonienn. Evel-se eo ec'h eus renet da bobl, evit ober evidout un anv glorius.

Jeremiaz 13:11

Rak evel ma vez staget ur gouriz ouzh divgroazell un den, evel-se em boa staget ouzhin holl di Israel hag holl di Juda, eme an AOTROU, evit ma vijent va fobl, va brud, va meuleudi ha va gloar. Met n'o deus ket selaouet ouzhin.

Daniel 6:28

Daniel a reas berzh dindan ren Dariuz ha dindan ren Kiruz ar Pers.

Daniel 9:15

Ha bremañ, Aotrou hon Doue, te hag ac'h eus tennet da bobl eus bro Ejipt gant un dorn kreñv, hag ac'h eus graet dit un anv evel ma emañ hiziv, pec'het hon eus, graet hon eus an droug.

Actou an Ebestel 7:36

Hennezh eo an hini o zennas er-maez, oc’h ober burzhudoù ha mirakloù e bro-Ejipt, er Mor Ruz hag el lec’h distro, e-pad daou-ugent vloaz.

Adlezenn 11:3

ar sinoù hag an oberoù a reas e-kreiz an Ejipt a-enep Faraon roue an Ejipt hag a-enep e holl vro,

Adlezenn 4:34

Hag-eñ ez eus esaeet un doue dont da gemer e-unan ur bobl a-greiz ur bobl all dre amprouennoù, sinoù, mirakloù ha stourmadegoù, dre un dorn kreñv hag ur vrec'h astennet, ha dre spontoù bras, evel kement en deus graet an AOTROU ho Toue en Ejipt dindan ho taoulagad?

Adlezenn 6:22

An AOTROU en deus graet sinoù ha burzhudoù bras ha spontus a-enep an Ejipt, a-enep Faraon hag a-enep e holl di dirak hon daoulagad,

Adlezenn 7:19

eus an amprouennoù bras en deus gwelet da zaoulagad, ar sinoù hag ar burzhudoù, an dorn kreñv hag ar vrec'h astennet, p'en deus da lakaet da vont kuit an AOTROU da Zoue; evel-se e raio an AOTROU da Zoue d'an holl bobloù ac'h eus aon razo.