Jeremiaz 3:3 - Bibl Koad 21: Ar Bibl e Brezhoneg evit ar Vretoned

³ Setu perak eo bet dalc'het ar c'haouadoù, ha n'eus ket bet glav an diwezhañ amzer. Ha tal ur ribodez ac'h eus bet, n'eo ket fellet dit kaout mezh.

Jeremiaz 3:3 Referencias Cruzadas

Geneliezh 19:34

An deiz war-lerc'h, an hini henañ a lavaras d'an hini yaouankañ: Setu, kousket em eus en noz tremenet gant va zad, roomp gwin da evañ dezhañ c'hoazh en noz-mañ. Neuze kae ha kousk gantañ evit ma virimp gouenn hon tad.

Nehemia 9:17

N'eo ket fellet dezho sentiñ ha n'o deus ket bet soñj eus ar burzhudoù az poa graet en o c'heñver. Met e reudjont o gouzoug, hag en o disentidigezh, e tibabjont ur penn evit distreiñ d'ar sklavelezh. Met te a zo un Doue a bardon, trugarezus ha truezus, gorrek da gounnariñ ha fonnus e madelezh, ha ne'c'h eus ket o dilezet.

Krennlavarioù 21:29

An den drouk a ziskouez lorc'h war e zremm, met an den reizh a starta e hent.

Izaia 5:6

degas a rin anezhi en glac'har, ne vo ken troc'het na palaret, an drez hag ar spern a gresko enni, gourc'hemenn a rin d'ar c'houmoul, chom hep lezel ar glav da gouezhañ warni.

Jeremiaz 14:1

Ar gomz a voe disklêriet a-berzh an AOTROU da Jeremiaz diwar-benn ar sec'hor.

Jeremiaz 14:22

E-touez idoloù aner ar broadoù, hag ez eus unan a rofe glav? Hag e c'hellfe an neñvoù reiñ glav munut? Ha n'eo ket te, AOTROU hon Doue? Emaomp en gortoz ac'hanout, rak te eo a ra an holl draoù-se.

Jeremiaz 14:3

Ar re vras en o zouez a gas ar re vihan da gerc'hat dour; mont a reont d'ar puñsoù-glav ha ne gavont ket a zour. Neuze e tistroont gant o listri goullo, mezhek ha pinous, goleiñ a reont o fenn.

Jeremiaz 14:4

En abeg d'an douar skarnilet, pa n'eus ket bet a c'hlav er vro, al labourerien-douar a zo mezhek, goleiñ a reont o fenn.

Jeremiaz 36:2

Kemer dit ur roll levr, ha skriv warnañ an holl gomzoù am eus lavaret dit a-enep Israel, a-enep Juda hag a-enep an holl vroadoù, abaoe an deiz ma em eus komzet ouzhit, abaoe deizioù Jozia, betek hiziv.

Jeremiaz 5:24

Ne lavaront ket en o c'halon: Doujomp eta an AOTROU hon Doue, eñ hag a ro glav ar c'hentañ hag an diwezhañ amzer, hag a vir evidomp ar sizhunioù merket evit an eost.

Jeremiaz 5:25

Ho tireizhder en deus pellaet ar roidigezhioù-se, ho pec'hedoù o deus forc'het ac'hanoc'h eus ar madoù-se.

Jeremiaz 5:3

AOTROU! Ha n'eo ket ouzh ar wirionez e sell da zaoulagad? Skoet ec'h eus warno, ha n'o deus poan ebet. Kuzumiñ a rez anezho, ha ne fell ket dezho degemer ar gentel. Kaledet o deus o dremm muioc'h eget ur roc'h, ha nac'het o deus distreiñ.

Jeremiaz 6:15

Hag o deus bet mezh da vezañ graet traoù euzhus? Nann, n'o deus bet mezh ebet a gement-se, ha n'ouzont ket petra eo ruziañ. En abeg da-se e kouezhint gant ar re a gouezh, ha pa rin war o zro e vint diskaret, eme an AOTROU.

Jeremiaz 8:12

Hag o deus bet mezh da vezañ graet traoù euzhus? Nann, n'o deus bet mezh ebet a gement-se, ha n'ouzont ket petra eo ruziañ. En abeg da-se e kouezhint gant ar re a gouezh, hag e vint diskaret da vare ma rin war o zro, eme an AOTROU.

Jeremiaz 9:12

Piv eo an den fur a glevo kement-se? Piv en deus komzet genoù an AOTROU outañ? Piv a zisklêrio abeg distruj ar vro hag abeg an tan-gwall a zev anezhi evel ur gouelec'h, hep den da dremen drezañ?

Ezekiel 3:7

Met ti Israel ne fello ket dezhañ da selaou, rak ne fell ket dezhañ va selaou; rak holl di Israel a zo faeüs a zremm ha kaledet a galon.

Leviegezh 26:19

hag e frikin ourgouilh ho kalloud. Lakaat a rin ho neñv evel houarn hag ho touar evel arem.

Amoz 4:7

Dinac'het em eus ivez ar glav ouzhoc'h pa chome c'hoazh tri miz betek an eost. Lakaet em eus da c’hlavañ war ur gêr, ha ne'm eus ket lakaet da c’hlavañ war ur gêr all; ur park en deus bet glav, hag ur park all n'en deus ket bet glav hag en deus disec'het.

Amoz 4:8

Div, teir c'hêr a zo aet etrezek ur gêr all da evañ dour, ha n'o deus ket bet o gwalc'h. Ha n'oc'h ket distroet ouzhin, eme an AOTROU.

Sofonia 2:1

Sellit pizh ouzhoc'h hoc'h-unan, broad divezh,

Sofonia 3:5

An AOTROU a zo reizh en he c'hreiz, ne ra ket a zireizhder. Bep mintin e laka e varnedigezhioù er sklêrijenn, ha ne vank ket d'henn ober, met an den direizh n'anavez ket ar vezh.

Agge 1:11

Galvet em eus ar sec'hor war an douar ha war ar menezioù, war an ed, war ar rezin ha war an eoul, war gement a ro an douar, war an dud ha war al loened, war holl labour an daouarn.

Adlezenn 28:23

An neñvoù a vo arem a-us da'z penn, hag an douar a vo houarn dindanout.

Hebreed 12:25

Lakait evezh na zisprizfec’h an hini a gomz ouzhoc’h, rak ma ne dec’has ket ar re a zisprizas an hini a alie anezho war an douar, pegen diaesoc’h c’hoazh e vo deomp tec’hout mar troomp kein d’an hini a gomz deomp eus an neñvoù,