Jeremiaz 27:20 - Bibl Koad 21: Ar Bibl e Brezhoneg evit ar Vretoned

²⁰ n'en deus ket Nebukadnezar roue Babilon lamet p'en deus harluet eus Jeruzalem da Vabilon Jekonia mab Jojakim roue Juda, gant holl uhelidi Juda ha Jeruzalem,

Jeremiaz 27:20 Referencias Cruzadas

2 Rouned 24:12

Neuze Jojakin roue Juda a yeas da gavout roue Babilon, gant e vamm, e servijerien, e bennoù hag e spazhidi. Roue Babilon a gemeras anezhañ en eizhvet bloaz eus e ren.

2 Danevelloù 36:10

Da zistro bloaz ar roue Nebukadnezar a gasas tud da gerc'hat ha da zegas anezhañ da Vabilon gant listri prizius ti an AOTROU. Hag e lakaas Sedesia e vreur da roue war Juda ha war Jeruzalem.

2 Danevelloù 36:18

Nebukadnezar a gasas da Vabilon holl listri ti Doue, ar re vras hag ar re vihan, ha teñzorioù ti an AOTROU, ha teñzorioù ar roue hag e bennoù.

Izaia 34:12

He re vras a embanno n'eus ket ken a rouantelezh, hec'h holl briñsed a vo kaset da netra.

Jeremiaz 22:28

An den-se, Konia, hag e vefe ur pod disprizus ha torret, ul lestr na ro ken a blijadur? Perak ez int taolet, eñ hag e lignez, stlapet en ur vro n'anavezont ket?

Jeremiaz 24:1

An AOTROU a ziskouezas din, setu, div baner fiez lakaet dirak templ an AOTROU, goude ma en doa Nebukadnezar roue Babilon harluet eus Jeruzalem Jekonia mab Jojakim roue Juda, gant priñsed Juda hag ar gilvizien hag an alc'hwezerien, ha ma en doa o degaset da Vabilon.

Jeremiaz 27:21

ya, evel-henn e komz AOTROU an armeoù, Doue Israel, diwar-benn an traoù a van e ti an AOTROU, e ti roue Juda hag e Jeruzalem:

Jeremiaz 29:2

goude ma voe aet kuit eus Jeruzalem ar roue Jekonia gant ar rouanez, ar spazhidi, priñsed Juda ha Jeruzalem, ar gilvizien hag an alc'hwezerien.

Jeremiaz 35:1

Ar gomz a voe disklêriet a-berzh an AOTROU da Jeremiaz er gerioù-se, en amzer Jojakim mab Jozia roue Juda:

Daniel 1:2

An AOTROU a lakaas etre e zaouarn Jojakim roue Juda ha darn eus listri ti Doue, a gasas da vro Shinear, da di e zoue. Lakaat a reas al listri-mañ e ti teñzor e zoue.

Mazhev 1:11

Jozia a voe tad da Jekonia ha d’e vreudeur, da vare an ermaeziadeg e Babilon.

Mazhev 1:12

Ha goude ma voent bet kaset da Vabilon, Jekonia a voe tad da Salatiel. Salatiel a voe tad da Zorobabel.

Mazhev 1:17

Bez’ ez eus eta en holl, eus Abraham betek David, pevarzek rummad, eus David betek an ermaeziadeg e Babilon, pevarzek rummad, hag eus an ermaeziadeg e Babilon betek ar C’hrist, pevarzek rummad.