Jeremiaz 2:32 - Bibl Koad 21: Ar Bibl e Brezhoneg evit ar Vretoned

³² Ar werc'hez, hag ec'h ankounac'hafe he dilhad kaer, hag ar wreg yaouank he braveri? Va fobl he deus ankounac'haet ac'hanon e-pad deizioù diniver.

Jeremiaz 2:32 Referencias Cruzadas

Geneliezh 24:22

P'o doe echuet ar c'hañvaled da evañ, an den a gemeras ur walenn-aour a boueze ur beka ha div dro-vrec'h evit he daouarn a boueze dek sikl aour.

Geneliezh 24:30

Kerkent ha m'en doa gwelet ar walenn hag an troioù-brec'h e daouarn e c'hoar ha m'en doa klevet komzoù Rebeka e c'hoar, o lavarout: An den-se en deus komzet din evel-se, e teuas da gavout an den. Ha setu, en em zalc'he e-kichen ar c'hañvaled tost d'ar vammenn.

Geneliezh 24:53

Ar servijer a dennas traoù arc'hant, traoù aour ha dilhad, hag o roas da Rebeka. Reiñ a reas ivez traoù prizius d'he breur ha d'he mamm.

2 Samuel 1:24

Merc'hed Israel, gouelit war Saül, eñ hag ho kwiske a ruz-moug en dudi, hag ho lakae da zougen bravigoù aour war ho tilhad.

Salmoù 106:21

Ankounac'haat a rejont Doue o dieuber, en doa graet traoù bras en Ejipt,

Salmoù 9:17

An AOTROU a zo en em roet da anavezout, graet en deus ar varnedigezh, an hini drouk a zo en em ereet e labour e zaouarn.  Seniñ-binvioù. Ehan

Izaia 17:10

Ankounac'haet ec'h eus Doue da silvidigezh, ne'c'h eus ket bet soñj eus roc'h da nerzh, hag en abeg da-se e plantez plantennoù plijus hag e hadez bodoù estren.

Izaia 57:11

Piv ac'h eus aon razañ, gant piv e spontez, evit bezañ lavaret gevier ha tremenet hep kaout soñj ac'hanon? Ha tevel a raen abaoe pell 'zo, n'eo ket gwir? Ha ne zoujes ken ac'hanon.

Izaia 61:10

Laouenaat kalz a rin en AOTROU, va ene a drido em Doue, rak va gwisket en deus gant dilhad ar silvidigezh, ha va goloet gant mantell ar reizhder, evel ma en em fich ur pried gant e gurunenn, hag en em gempenn ur plac'h nevez gant he bravigoù.

Jeremiaz 13:10

Ar bobl drouk-mañ, ha ne fell ket dezho selaou ouzh va c'homzoù, hag a gerzh hervez kaleter o c'halon, hag a ya war-lerc'h doueoù all evit o servijañ ha stouiñ dirazo, a vo evel ar gouriz-mañ n'eo ken mat da netra.

Jeremiaz 13:25

Evel-se eo da rannad, al lodenn am eus muzuliet dit, eme an AOTROU, rak ec'h eus va ankounac'haet ha lakaet da fiziañs er gaou.

Jeremiaz 18:15

Met va fobl he deus va ankounac'haet, kinniget he deus ezañs d'an avel, derenet int bet da strebotiñ en o hentoù ha da guitaat ar gwenodennoù kozh, evit kerzhout war wenodennoù un hent diverk,

Jeremiaz 2:11

Hag ez eus ur vroad hag he defe kemmet he doueoù? Ha koulskoude n'int ket doueoù. Va fobl he deus eskemmet he gloar evit ar pezh a zo didalvez.

Jeremiaz 2:33

Pegen ijinus ez out ez hentoù, evit klask karantez! Ha zoken ec'h eus desket da dorfedoù d'ar re zrouk.

Jeremiaz 23:27

ar c'hoant o deus da lakaat va fobl da ankounac'haat va anv, gant an huñvreoù a lavar pep hini anezho d'e nesañ, evel m'o deus o zadoù ankounac'haet va anv evit Baal.

Jeremiaz 3:21

Ur vouezh a voe klevet war an uhellec'hioù, goueladegoù ha garmoù mibien Israel, rak gwashaet o deus o hentoù, hag ankounac'haet o deus an AOTROU o Doue.

Ezekiel 22:12

degemeret eo bet donezonoù en da greiz evit skuilhañ gwad, kemeret ac'h eus kampi hag uzurerezh, diwisket ac'h eus da nesañ gant feulster, ha me, va ankounac'haet ec'h eus, eme an Aotrou AOTROU.

Ozea 8:14

Israel en deus ankounac'haet an hini en deus e grouet, hag e sav palezioù. Ha Juda en deus savet meur a gêr greñv. Met me a gaso e kêrioù hemañ un tan a lonko palezioù hennezh.

Adlezenn 32:15

Jeshurun a zo deuet da vezañ lart hag en deus rebarbet. Deuet out da vezañ lart, tev ha kuilh! Dilezet en deus an Doue en deus graet anezhañ, disprizet en deus roc'h e silvidigezh.

Apocalyps 21:2

Ha me Yann, a welas ar gêr santel, ar Jeruzalem nevez, o tiskenn eus an neñv, eus kichen Doue, fichet evel ma’z eo kempennet ur wreg yaouank evit he fried.

Ar Varnerien 8:34

Evel-se mibien Israel n'o doe ket soñj eus an AOTROU o Doue, en doa o dieubet eus dorn o holl enebourien tro-dro.