Jeremiaz 2:21 - Bibl Koad 21: Ar Bibl e Brezhoneg evit ar Vretoned

²¹ Da blantet em boa evel ur winienn dispar, an holl blantennoù eus ur spesad gwirion, penaos ez out cheñchet evidon en ur winienn diavaeziat?

Jeremiaz 2:21 Referencias Cruzadas

Geneliezh 18:19

E anavezet em eus evit ma c'hourc'hemenno d'e vibien ha d'e diegezh war e lerc'h mirout hent an AOTROU, en ur ober kement a zo reizh hag eeun, evit ma lakaio an AOTROU da zont war Abraham ar pezh en deus lavaret anezhañ.

Geneliezh 32:28

Lavarout a reas: Da anv ne vo ken Jakob met Israel. Rak gourenet ec'h eus gant Doue ha gant tud, ha trec'het ec'h eus.

Salmoù 105:6

c'hwi, lignez Abraham e servijer, mibien Jakob e zibabet!

Salmoù 44:2

O Doue! Klevet hon eus gant hon divskouarn, hon tadoù o deus disklêriet deomp an oberenn ac'h eus graet en o amzer, en deizioù a-wechall.

Salmoù 80:8

Doue an armeoù, adsav ac'hanomp! Ra da'z tremm lugerniñ hag e vimp salvet!

Salmoù 80:9

Tennet ec'h eus ur winienn eus an Ejipt, kaset ec'h eus kuit broadoù hag ec'h eus he flantet,

Ermaeziadeg 15:17

Te a gaso hag a blanto anezho war venez da hêrezh, el lec'h ma ec'h eus kempennet da chomadur, o AOTROU , er santual, Aotrou, o deus diazezet da zaouarn.

Izaia 1:21

Penaos eo deuet da vezañ ur c'hast ar gêr feal? Leun e oa a varnedigezh, ar reizhder a oa o chom enni, ha bremañ muntrerien!

Izaia 27:2

En deiz-se e vo kanet diwar-benn ar winienn dudius.

Izaia 41:8

Met te, Israel va servijer, Jakob am eus dibabet, gouenn Abraham va c'haret-mat,

Izaia 5:4

Petra a oa c'hoazh d'ober da'm gwinienn, ha ne'm eus ket graet eviti? Perak, pa c'hortozen e rofe rezin, e roas blokadoù gouez?

Izaia 60:21

Ar re eus da bobl a vo holl reizh, perc'hennañ a raint ar vro da viken. Ar vroustenn am eus plantet eo, labour va daouarn, evit ma kavin gloar enni.

Izaia 61:3

evit embann da re Sion a zo e kañv ez eo roet dezho ur gurunenn e-lec'h ludu, eoul a levenez e-lec'h kañvoù, ur vantell a veuleudi e-lec'h ur spered mantret, ken ma vint anvet dervennoù ar reizhder, plantadeg an AOTROU, evit ma resevo-eñ gloar.

Jeremiaz 11:16

Olivezenn c'hlas, mat-meurbet dre gaerder he frouezh, evel-se e c'halve an AOTROU ac'hanout. Da drouz ur safar bras ec'h enaou tan enni, hag he brankoù a zo bruzunet.

Jeremiaz 11:17

Rak AOTROU an armeoù, an hini en doa da blantet, en deus disklêriet an droug ez enep, en abeg d'an droug o deus graet dezho o-unan ti Israel ha ti Juda, oc'h imoriñ ac'hanon en ur ginnig ezañs da Vaal.

Jeremiaz 5:10

Pignit war he mogerioù ha diskarit anezho, met na gasit ket an distruj da benn, lamit ar brankoù-se rak n'int ket d'an AOTROU.

Klemmganoù 4:1

Penaos eo teñvalaet an aour ha kemmet an aour glan? Penaos eo stlabezet mein ar santual e kognoù pep straed?

Ezekiel 15:2

Mab an den, koad ar winienn, ha talvezout a ra muioc'h eget pep koad all, pe eget ur skourr e-touez gwez ar goadeg?

Mazhev 21:33

Selaouit ur barabolenn all. Bez’ e oa un den, ur penn-tiegezh, a blantas ur winieg, a reas ur c’harzh en-dro dezhi, a gleuzias enni ur wask hag a savas enni un tour. Neuze e feurmas anezhi da winierien hag ez eas en ur vro all.

Sant Marc 12:1

En em lakaas da gomz outo dre barabolennoù. Un den a blantas ur winieg, a reas ur c’harzh en-dro dezhi, a gleuzias enni ur wask hag a savas enni un tour. Neuze e feurmas anezhi da winierien hag ez eas en ur vro all.

Sant Lucas 20:9

Neuze en em lakaas da lavarout d’ar bobl ar barabolenn-mañ: Un den a blantas ur winieg, he feurmas da winierien hag ez eas evit pell amzer en ur vro all.

Sant Ian 15:1

Me eo ar winienn wirion ha va Zad eo ar gwinier.

Adlezenn 32:32

Met o gwinienn a zeu eus gwiniegi Sodom, hag eus douaroù Gomora, o rezin a zo rezin ampoezonet, o blokad a zo c'hwerv,

Adlezenn 4:37

Dre m'en deus karet da dadoù, en deus dibabet o lignez war o lerc'h hag en deus lakaet ac'hanout da vont kuit eus an Ejipt dirazañ e-unan dre e c'halloud bras,

Jozue 24:31

Israel a servijas an AOTROU e-pad holl zeizioù Jozue, hag e-pad holl zeizioù an henaourien a chomas bev war-lerc'h Jozue hag a anaveze an oberoù en doa graet an AOTROU evit Israel.