Jeremiaz 12:1 - Bibl Koad 21: Ar Bibl e Brezhoneg evit ar Vretoned

¹ Re reizh ez out, AOTROU, evit ma kavfen abeg ennout, koulskoude e komzin diwar-benn da varnedigezhioù. Perak e ra berzh hent ar re fall? Perak emañ e peoc'h an holl douellerien?

Jeremiaz 12:1 Referencias Cruzadas

Geneliezh 18:25

Ne c'hoarvezo ket e ri un hevelep tra, ma lakafes da vervel an den reizh gant an den fallakr, e doare ma vefe kemeret an den reizh evel an den fallakr. Nann, ne ri ket! An hini a varn an douar holl, ha ne raio ket hervez ar reizhder?

Ezdra 9:15

AOTROU Doue Israel, te a zo reizh! Menel a reomp ur restad ac'hanomp oc'h achap, evel ma vez gwelet hiziv. Setu ni dirak da zremm gant hor pec'hed, ha ne c'hellfemp ket chom dirazout en abeg da-se.

Nehemia 9:33

Bet out reizh e kement a zo erruet ganeomp, rak graet ec'h eus hervez ar wirionez, ha ni hon eus graet hervez ar fallentez.

Levr Job 12:6

E peoc'h emañ teltennoù al laeron, ar surentez a zo evit ar re a hegas Doue, ar re a ra un doue eus o daouarn.

Levr Job 13:3

Met e komzin ouzh an Holl-C'halloudeg, hag e fell din breutaat dirak Doue.

Levr Job 24:12

Eus kêr e vez klevet tud o hirvoudiñ, ene ar re c'hloazet a glemm, ha Doue ne ra ket van outo.

Levr Job 24:23

Eñ eo a ro surentez dezho, hag en em harpont war gement-se. Koulskoude e zaoulagad a zo war o hentoù.

Levr Job 8:17

e wrizioù a luzi war vernioù mein, mont a ra dre frailh ar voger,

Salmoù 116:5

An AOTROU a zo truezus ha reizh, hon Doue a ra trugarez.

Salmoù 119:137

Te a zo reizh, o AOTROU, hag eeun ez parnedigezhioù.

Salmoù 119:75

Gouzout a ran, o AOTROU, n'int da varnedigezhioù nemet reizhder, hag ec'h eus va glac'haret hervez da fealded.

Salmoù 145:17

An AOTROU a zo reizh en e holl hentoù, ha leun a vadelezh en e holl oberennoù.

Salmoù 37:1

Salm David. Na gounnar ket a-enep ar re fall, na'z pez ket avi ouzh ar re a ra an droug.

Salmoù 37:35

Gwelet em eus an den drouk spontus oc'h astenn evel ur wezenn nerzhus.

Salmoù 51:4

va gwalc'h da vat eus va direizhder, ha va glana eus va fec'hed,

Salmoù 51:6

Pec'het em eus a-enep dit, a-enep dit-te da-unan, hag em eus graet ar pezh a zo fall dirak da zaoulagad, en doare ma vi reizh pa gomzi, didamall pa varni.

Salmoù 92:7

An den diskiant n'anavez netra enno, hag an hini diboell ne gompren ket

Krennlavarioù 1:32

rak belbi ar re eeun o lazh, ha dibrederi ar re ziboell o c'holl.

Ar Prezeger 8:14

Bez' ez eus un avel a erru war an douar: tud reizh ma c'hoarvez ganto hervez oberoù ar re fall; hag ez eus ivez tud fall ma c'hoarvez ganto hervez oberoù ar re reizh. Lavaret em eus ez eo kement-se ivez un avel.

Izaia 41:21

Tostait da zifenn ho kaoz, eme an AOTROU, diskouezit ho prouennoù, eme roue Jakob.

Izaia 48:8

Ne'c'h eus ket klevet, ne'c'h eus ket anavezet, n'eo ket bet digoret a-raok da skouarn, rak gouzout a raen na vankfes ket da vezañ disleal: Anvet out bet disent abaoe ar c'hof.

Jeremiaz 11:20

Met AOTROU an armeoù a zo ur barner reizh a furch al lounezhi hag ar c'halonoù. Diskouez a ri din ar veñjañs a denni anezho, rak diskuliet em eus va c'haoz dit.

Jeremiaz 12:6

Rak da vreudeur zoken ha ti da dad, ar re-se zo bet touellus ez keñver, ar re-se o deus kriet a-leizh-korzenn war da lerc'h. Na gred ket anezho, ha pa gomzont zoken en un doare c'hwek ouzhit.

Jeremiaz 3:20

Met evel ma'z eo ur wreg disleal e-keñver he fried, evel-se oc'h bet disleal em c'heñver, ti Israel, eme an AOTROU.

Jeremiaz 3:7

Hag e lavaren: Goude bezañ graet an holl draoù-se, e tistroio da'm c'havout. Met n'eo ket distroet, hag he c'hoar Juda ar c'hanazez a welas kement-se.

Jeremiaz 32:16

Ha goude bezañ roet ar gevrat-prenañ da Varuk mab Nerija, e pedis an AOTROU o lavarout:

Jeremiaz 5:11

Rak ti Israel ha ti Juda a zo en em renet evel trubarded em c'heñver, eme an AOTROU.

Jeremiaz 9:2

O! Perak ne'm eus ket er gouelec'h ul lochenn evit beajour? Dilezel a rafen va fobl hag ez afen pell diganto, rak holl int avoultrerien hag ur vandenn c'hanazed.

Klemmganoù 1:18

An AOTROU a zo reizh, rak ez on bet disent ouzh e c'henoù. Pobloù, selaouit holl, gwelit va glac'har. Va gwerc'hezed ha va zud yaouank a zo bet harluet.

Ezekiel 18:25

Hag e lavarit: Hent an AOTROU n'eo ket eeun. Selaouit bremañ ti Israel: Ha n'eo ket eeun va hent? Ha n'eo ket kentoc'h hoc'h hentoù n'int ket eeun?

Daniel 9:14

Hag an AOTROU a zo bet evezhiek gant ar boan en deus lakaet da zont warnomp, rak an AOTROU hon Doue a zo reizh en e holl oberennoù en deus graet, ha n'hon eus ket sentet ouzh e vouezh.

Daniel 9:7

Dit-te, Aotrou, eo ar reizhder, ha deomp-ni eo ar vezh war hon dremm, evel hiziv da dud Juda, d'annezidi Jeruzalem ha da holl Israel, d'ar re a zo tost ha d'ar re a zo pell, en holl vroioù ma ec'h eus o c'haset e-barzh, en abeg d'ar gwalloù o deus graet ez keñver.

Ozea 6:7

Met evel Adam o deus torret va emglev, eno ez int bet difeal em c'heñver.

Habakuk 1:4

Setu perak eo dic'halloud al lezenn, hag ar reizhder a zo kammet. Hag an den fall a stard an den reizh, setu perak e vez rentet barnedigezhioù gwallsiek.

Sofonia 3:5

An AOTROU a zo reizh en he c'hreiz, ne ra ket a zireizhder. Bep mintin e laka e varnedigezhioù er sklêrijenn, ha ne vank ket d'henn ober, met an den direizh n'anavez ket ar vezh.

Malaki 2:17

Skuizhet hoc'h eus an AOTROU gant ho komzoù, hag e lavarit: E petra hon eus e skuizhet? Pa lavarit: Piv bennak a ra an droug a zo mat dirak daoulagad an AOTROU, hag ennañ eo e kemer plijadur; pe: Pelec'h emañ Doue ar reizhder?

Malaki 3:15

Derc'hel a reomp bremañ evit eürus ar re lorc'hus. Ya, ar re a ra an drougiezh a ra berzh; ya temptañ a reont Doue, hag en em dennont!

Adlezenn 32:4

Eñ eo ar roc'h, e oberoù a zo peurvat, e holl hentoù a zo ur varnedigezh, un Doue leal eo, hep direizhder, gwirion hag eeun.