Jeremiaz 11:21 - Bibl Koad 21: Ar Bibl e Brezhoneg evit ar Vretoned

²¹ Setu perak evel-henn e komz an AOTROU a-enep tud Anatod a glask da vuhez hag a lavar: Ne brofedi ket en anv an AOTROU, ha ne varvi ket dre hon daouarn,

Jeremiaz 11:21 Referencias Cruzadas

Izaia 30:10

hag a lavar d'an diouganerien: Na welit ket! ha d'ar brofeded: Na brofedit ket ar wirionez, lavarit traoù plijus, profedit touelloù,

Jeremiaz 1:1

Komzoù Jeremiaz mab Hilkija, unan eus aberzhourien Anatod, e bro Venjamin.

Jeremiaz 1:19

Ober a raint brezel ouzhit, met ne drec'hint ket warnout, rak ez on ganit evit dieubiñ ac'hanout, eme an AOTROU.

Jeremiaz 20:10

Rak klevet em eus kunujennoù a-berzh kalz a dud: Spouron a bep tu! Tamallit-eñ, hag e damall a raimp! An holl re a oa e peoc'h ganin a zo war spi evit gwelout hag e kouezhin: Marteze e vo paket ha neuze e trec'himp warnañ, hag en em veñjimp dioutañ!

Jeremiaz 26:8

Kerkent ha m'en doe Jeremiaz echuet da lavarout kement en doa an AOTROU gourc'hemennet da lavarout d'an holl bobl, ma krogas an aberzhourien, ar brofeded hag an holl bobl ennañ, o lavarout: Mervel a ri!

Jeremiaz 32:7

Setu, Hanameel, mab da eontr Shallum, a zeu da'z kavout evit lavarout dit: Pren va fark a zo en Anatod, rak an droed a zaspren ac'h eus evit e brenañ.

Jeremiaz 34:20

o lakaat a rin etre daouarn o enebourien hag etre daouarn ar re a glask o buhez, hag o c'horfoù marv a vo boued da laboused an neñvoù ha da loened an douar.

Amoz 2:12

Met graet hoc'h eus d'an Nazareiz evañ gwin, hag un urzh hoc'h eus roet d'ar brofeded o lavarout: Na brofedit ket!

Mika 7:6

Rak ar mab a zizenor e dad, ar verc'h en em sav a-enep he mamm, ar verc'h-kaer a-enep he mamm-gaer, ha pep hini en deus da enebourien tud e di.

Mazhev 10:21

Ar breur a roio e vreur d’ar marv, hag an tad e vugel, ar vugale en em savo a-enep o zud hag o lakaint d’ar marv.

Mazhev 21:35

Met ar winierien, o vezañ kroget er servijerien, a gannas unan, a lazhas egile hag a veinatas unan all.

Mazhev 22:6

ha re all a grogas en e vevelien, o gwallgasas hag o lazhas.

Sant Lucas 4:24

Met e lavaras: Me a lavar deoc’h e gwirionez, profed ebet n’eo degemeret mat en e vro.