Izaia 6:2 - Bibl Koad 21: Ar Bibl e Brezhoneg evit ar Vretoned

² Serafined en em zalc'he a-us dezhañ, pep hini anezho en doa c'hwec'h askell: gant div e c'holoent o dremm, gant div e c'holoent o zreid, gant div e nijent.

Izaia 6:2 Referencias Cruzadas

Geneliezh 17:3

Abram a gouezhas war e zremm ha Doue a gomzas outañ, o lavarout:

1 Rouaned 19:13

Kerkent ha m'en doe Elia he c'hlevet, e pakas e zremm en e vantell hag ez eas er-maez d'en em zerc'hel e digor ar c'hev. Ha setu, ur vouezh a zeuas dezhañ en ur lavarout: Petra a rez amañ, Elia?

1 Rouaned 22:19

Hag e lavaras: Setu perak, selaou ger an AOTROU: Gwelet em eus an AOTROU azezet war e dron, hag holl arme an neñvoù en em zalc'he a-zehou hag a-gleiz dezhañ.

1 Rouaned 6:24

Unan eus eskell ur cherubin he doa pemp ilinad, hag askell all ar cherubin he doa pemp ilinad; adalek penn un askell betek penn an askell all e oa dek ilinad.

1 Rouaned 6:27

Hag e lakaas ar cherubined e-barzh an ti, etrezek ar foñs, hag e voe astennet eskell ar cherubined, e doare ma stoke askell unan anezho ouzh ar voger, hag askell ar cherubin all ouzh ar voger all, hag en em stoke o eskell, unan ouzh egile, e-kreiz an ti.

1 Rouaned 8:7

Rak ar cherubined a astenne o eskell war lec'h an arc'h, hag ar cherubined a c'holoe an arc'h hag he barrennoù, a-zioc'h.

Nehemia 9:6

Te hepken eo an AOTROU! Graet ec'h eus an neñvoù, neñv an neñvoù hag o holl arme, an douar ha kement a zo warnañ, ar morioù ha kement a zo enno. Reiñ a rez buhez d'an holl draoù-se, hag arme an neñvoù a stou dirazout.

Levr Job 1:6

Hag e c'hoarvezas un devezh ma teuas mibien Doue da gavout an AOTROU, ha Satan a zeuas ivez en o zouez.

Levr Job 15:15

Setu Doue ne fizi ket en e sent, an neñvoù n'int ket glan dirak e zaoulagad,

Levr Job 4:18

Setu, ne fiz ket en e servijerien, kavout a ra diskianterezh en e aeled.

Salmoù 103:20

Bennigit an AOTROU, c'hwi e aeled, c'hwi hag a zo galloudek e nerzh hag a seven e c'hourc'hemennoù o sentiñ ouzh mouezh e gomz!

Salmoù 104:4

ober a ra eus e aeled speredoù, eus e servijerien ur flamm-tan.

Salmoù 18:10

Izelaet e voe an neñvoù gantañ hag e tiskennas, un deñvalijenn dindan e dreid.

Salmoù 89:7

Rak piv a zo heñvel ouzh an AOTROU el lec'hioù neñvel? Piv a zo heñvel ouzh an AOTROU e-touez mibien an doueed?

Ermaeziadeg 25:20

Ar cherubined a astenno o eskell d'an nec'h, o c'holeiñ gant o eskell al lec'h-a-drugarez, hag o dremmoù a vo an eil etrezek egile. Dremmoù ar cherubined a vo troet etrezek al lec'h-a-drugarez.

Ermaeziadeg 3:6

Neuze e lavaras: Me eo Doue da dad, Doue Abraham, Doue Izaak, Doue Jakob. Ha Moizez a guzhas e zremm, aon en doa da sellout ouzh Doue.

Ermaeziadeg 37:9

Ar cherubined a astenne o eskell d'an nec'h, o c'holeiñ gant o eskell al lec'h-a-drugarez, hag o dremmoù a oa an eil etrezek egile. Dremmoù ar cherubined a oa troet etrezek al lec'h-a-drugarez.

Izaia 6:6

Met unan eus ar serafined a nijas etrezek ennon, gantañ en e zorn ur c'hlaouenn-dan en doa kemeret a-ziwar an aoter gant piñsetezioù.

Ezekiel 1:11

O dremmoù hag o eskell a oa distag da grec'h, pep hini en doa div askell unanet an eil d'eben, ha div a c'holoe o c'horfoù.

Ezekiel 1:24

Pa gerzhent e kleven mouezh o eskell evel ar mouezh eus kalz a zoureier, evel mouezh an Holl-C'halloudeg, evel trouz spontus un arme. Pa baouezent, e lezent o eskell da gouezhañ.

Ezekiel 1:4

Neuze e sellis, ha setu un avel gorvent a zeue eus an hanternoz, hag ur goabrenn teñval, hag un tan o nerzhañ e-unan, hag ur gouloù o skediñ a bep tu, hag en e greiz, evel liv arem lufret e-kreiz an tan.

Ezekiel 1:6

Pep hini anezho en doa peder dremm, ha pep hini en doa peder askell.

Ezekiel 1:9

O eskell a oa stag an eil ouzh eben. Pa gerzhent ne droent ket, met pep hini anezho a gerzhe war-eeun dezhañ.

Ezekiel 10:16

Pa'z ae ar cherubined, ar rodoù a yae en o c'hichen, pa zisplege ar cherubined o eskell evit sevel diwar an douar, ar rodoù ivez ne zistroent ket diouzh o c'hichen.

Ezekiel 10:21

Pep hini en doa peder dremm ha peder askell, ha dindan o eskell e oa doare daouarn un den.

Daniel 7:10

Ur stêr a dan a zeue hag en em skuilhe dirazañ. Mil miliad a servije anezhañ ha dekmil dekmiliad en em zalc'he dirazañ. Ar varn a voe diazezet hag al levrioù a voe digoret.

Daniel 9:21

evel ma komzen c'hoazh eta em fedenn, e teuas an den-se, Gabriel, am boa gwelet en ur weledigezh diagent, hag e tostaas en un nijadenn buan da'm c'havout, da goulz donezon an abardaez.

Zakaria 3:4

Hemañ a gemeras ar gomz hag a lavaras d'ar re en em zalc'he dirazañ: Lamit e zilhad lous diwarnañ. Hag e lavaras: Gwel, graet em eus da'z tireizhder mont kuit diwarnout, hag e wiskan ac'hanout gant dilhad kaer.

Sant Lucas 1:10

Ar bobl holl a oa er-maez o pediñ d’an eur ma teved an ezañs.

Hebreed 1:7

Diwar-benn an aeled, e lavar: Ober a ra eus e aeled speredoù hag eus e servijerien flammoù tan.

Apocalyps 14:6

Gwelout a ris un ael all a nije e-kreiz an neñv, o tougen an Aviel peurbadus evit e brezeg d’ar re a chom war an douar, da bep broad, da bep meuriad, da bep yezh ha da bep pobl.

Apocalyps 4:8

Ar pevar bev o doa pep hini c’hwec’h askell hag en-dro hag en diabarzh e oant leun a lagadoù. Ne baouezent noz deiz da lavarout: Santel, santel, santel eo an Aotrou Doue holl-c’halloudek, an hini a zo hag a oa hag a zeu!

Apocalyps 7:11

An holl aeled en em zalc’he en-dro d’an tron, d’an henaourien ha d’ar pevar bev, hag en em stoujont war o dremm dirak an tron hag ec’h azeuljont Doue

Apocalyps 8:13

Me a welas hag a glevas un ael a nije dre greiz an neñv, o lavarout gant ur vouezh kreñv: Gwalleur, gwalleur, gwalleur d’an dud a chom war an douar, abalamour da son trompilhoù an tri ael a dle c’hoazh seniñ!