Sant Ian 9:1 - Bibl Koad 21: Ar Bibl e Brezhoneg evit ar Vretoned

¹ Evel ma oa o tremen, e welas un den a oa dall abaoe e c’hanedigezh.

Testamant Nevez 1897 (Jenkins)

¹ Evel ma oa Jesus o tremen, e velaz eun den hag a oa dall abaoe he c’hinivelez.

Sant Ian 9:1 Referencias Cruzadas

Izaia 35:5

Neuze daoulagad an dalled a vo digoret, divskouarn ar vouzared a vo distouvet,

Mazhev 20:30

Ha setu, daou zen dall, azezet war gostez an hent, a glevas e oa Jezuz o tremen, hag e krijont, o lavarout: Az pez truez ouzhimp, Aotrou, Mab David!

Mazhev 9:27

Evel ma’z ae Jezuz pelloc’h, daou zen dall en heulias, o krial hag o lavarout: Az pez truez ouzhimp, Mab David!

Sant Marc 9:21

Eñ a c’houlennas ouzh e dad: Pegeit amzer a zo abaoe ma c’hoarvez kement-mañ gantañ? Abaoe e vugaleaj, a respontas.

Sant Lucas 8:43

Ur wreg klañv gant an diwadañ daouzek vloaz a oa, hag he doa dispignet he holl vadoù gant medisined hep gallout bezañ yac’haet gant hini ebet,

Sant Ian 5:5

Bez’ e oa eno un den hag a oa klañv abaoe eizh vloaz ha tregont.

Sant Ian 8:59

Neuze e kemerjont mein evit o zeurel gantañ, met Jezuz en em guzhas hag a yeas er-maez eus an templ o tremen dre o c’hreiz, hag evel-se ez eas kuit.

Sant Ian 9:2

E ziskibien a c’houlennas digantañ: Mestr, piv en deus pec’het, hemañ pe e dud, ma’z eo bet ganet dall?

Actou an Ebestel 14:8

E Listra e oa un den azezet, mac’hagn eus e zaoudroad, a oa kamm adalek kof e vamm ha n’en doa biskoazh kerzhet.

Actou an Ebestel 28:4

Pa welas an annezerien al loen-se a-ispilh ouzh e zorn, e lavarjont an eil d’egile: E gwirionez an den-se a zo ur muntrer, peogwir, goude bezañ bet saveteet eus ar mor, ar Reizhder ne fell ket dezhañ e vevfe.

Actou an Ebestel 4:22

Rak an den a oa bet yac’haet dre ar mirakl-se a oa ouzhpenn daou-ugent vloaz.

Actou an Ebestel 9:33

Kavout a reas eno un den anvet Ene, gourvezet war ur gwele eizh vloaz zo hag a oa seizet.