Sant Ian 5:18 - Bibl Koad 21: Ar Bibl e Brezhoneg evit ar Vretoned

¹⁸ Dre-se ar Yuzevien a glaskas c’hoazh muioc’h e lakaat d’ar marv, nann hepken dre ma torre ar sabad, met c’hoazh abalamour ma c’halve Doue e Dad e-unan, oc’h en em ober e-unan kevatal da Zoue.

Testamant Nevez 1897 (Jenkins)

¹⁸ Dre‐ze ar Judevien a glaske c’hoas muioc’h‐mui hen lakaad d’ar maro, n’e ket hep‐ken abalamour ma tore ar sabbat, mes c’hoas abalamour ma lavare e oa Doue he Dad, oc’h en em ober he‐unan par da Zoue.

Sant Ian 5:18 Referencias Cruzadas

Zakaria 13:7

Kleze, dihun a-enep va mêsaer, a-enep an den a zo kar din, eme AOTROU an armeoù, sko gant ar mêsaer, hag an deñved a vo stlabezet, hag e troin va dorn a-enep ar re vihan.

Mazhev 12:5

Pe n’hoc’h eus ket lennet el lezenn penaos d’an deizioù sabad, ar veleien a dorr ar sabad en templ hag ez int divlam?

Sant Ian 1:19

Setu amañ testeni Yann, pa gasas ar Yuzevien eus Jeruzalem beleien ha Levited da c’houlenn digantañ: Piv out-te?

Sant Ian 10:30

Me hag an Tad a zo unan.

Sant Ian 10:33

Ar Yuzevien a respontas dezhañ: N’eo ket evit un ober mat e veinataomp ac’hanout, met evit ur gwallgomz: rak n’out nemet un den, hag en em rez Doue.

Sant Ian 14:23

Jezuz a respontas dezhañ: Mar kar unan bennak ac’hanon, e viro va ger. Va Zad a garo anezhañ, e teuimp d’e gavout hag e raimp hor chomlec’h gantañ.

Sant Ian 14:9

Jezuz a lavaras dezhañ: Keid-all a zo abaoe ma’z on ganeoc’h, ha ne’c’h eus ket va anavezet, Filip? An hini en deus va gwelet en deus gwelet an Tad. Penaos e lavarez: Diskouez deomp an Tad?

Sant Ian 19:7

Ar Yuzevien a respontas dezhañ: Ul lezenn hon eus, hag hervez hol lezenn e tle mervel, rak eo en em c’hraet Mab Doue.

Sant Ian 5:15

An den-se a yeas hag a lavaras d’ar Yuzevien e oa Jezuz en doa e yac’haet.

Sant Ian 5:16

Dre-se ar Yuzevien a heskinas Jezuz hag a glaskas e lakaat d’ar marv, dre m’en doa graet kement-se d’an deiz sabad.

Sant Ian 5:17

Met Jezuz a respontas dezho: Va Zad a labour betek vremañ ha me a labour ivez.

Sant Ian 5:23

evit ma’c’h enoro an holl ar Mab, evel ma’c’h enoront an Tad. An hini na enor ket ar Mab n’enor ket an Tad en deus e gaset.

Sant Ian 7:1

Goude-se, Jezuz a valeas dre C’halilea; ne fellas ket dezhañ bale dre Judea, abalamour ma klaske ar Yuzevien e lazhañ.

Sant Ian 7:19

Ha n’en deus ket Moizez roet al lezenn deoc’h? Hag hini ac’hanoc’h ne vir al lezenn. Perak e klaskit va lakaat d’ar marv?

Sant Ian 8:54

Jezuz a respontas: Mar tennan gloar ac’hanon va-unan, va gloar n’eo netra. Va Zad eo an hini a ro gloar din, an hini a lavarit eo ho Toue.

Sant Ian 8:58

Jezuz a lavaras dezho: E gwirionez, e gwirionez, me a lavar deoc’h, a-raok ma voe Abraham, emaon.

Filipiz 2:6

o vezañ e stumm Doue, n’en deus ket sellet evel ur preizh da dapout bezañ par da Zoue,

Apocalyps 22:1

Eñ a ziskouezas din ur stêr c’hlan eus an dour a vuhez, sklaer evel strink, a zeue eus tron Doue hag an Oan.

Apocalyps 22:3

Ne vo mallozh ebet ken. Tron Doue hag an Oan a vo enni, hag e servijerien a servijo anezhañ.