Sant Ian 5:15 - Bibl Koad 21: Ar Bibl e Brezhoneg evit ar Vretoned

¹⁵ An den-se a yeas hag a lavaras d’ar Yuzevien e oa Jezuz en doa e yac’haet.

Testamant Nevez 1897 (Jenkins)

¹⁵ An den‐ze a ieaz kuit, hag a ziscleriaz d’ar Judevien e oa Jesus hen doa iac’heet anezhan.

Sant Ian 5:15 Referencias Cruzadas

Sant Marc 1:45

Met an den-mañ, o vezañ aet kuit, en em lakaas da zisklêriañ uhel an dra ha da skuilhañ ar vrud a gement-se, en hevelep doare ma ne c’helle mui Jezuz mont e kêr dirak an holl. Met en em zalc’he er-maez e lec’hioù a-du, hag a bep tu e teued d’e gavout.

Sant Ian 1:19

Setu amañ testeni Yann, pa gasas ar Yuzevien eus Jeruzalem beleien ha Levited da c’houlenn digantañ: Piv out-te?

Sant Ian 4:29

Deuit da welout un den en deus lavaret din kement am eus graet. Ha ne vefe ket eñ ar C’hrist?

Sant Ian 5:10

Neuze ar Yuzevien a lavaras d’an hini a oa bet yac’haet: Ar sabad eo, n’eo ket aotreet dit dougen da wele.

Sant Ian 5:12

Neuze e c’houlennjont digantañ: Piv eo an den en deus lavaret dit: Doug da wele ha kerzh?

Sant Ian 5:16

Dre-se ar Yuzevien a heskinas Jezuz hag a glaskas e lakaat d’ar marv, dre m’en doa graet kement-se d’an deiz sabad.

Sant Ian 5:18

Dre-se ar Yuzevien a glaskas c’hoazh muioc’h e lakaat d’ar marv, nann hepken dre ma torre ar sabad, met c’hoazh abalamour ma c’halve Doue e Dad e-unan, oc’h en em ober e-unan kevatal da Zoue.

Sant Ian 9:15

Ar farizianed a c’houlennas eta digantañ ivez penaos en doa adkavet ar gweled. Eñ a lavaras dezho: Lakaet en deus fank din war va daoulagad, hag ez on en em walc’het, hag e welan.

Sant Ian 9:25

Neuze e respontas: N’ouzon ket hag-eñ eo ur pec’her. Un dra a ouzon, penaos e oan dall ha bremañ e welan.

Sant Ian 9:30

An den a respontas: Un dra souezhus eo na ouezfec’h ket a-belec’h eo, hag en deus digoret va daoulagad din.

Sant Ian 9:34

Respont a rejont dezhañ: Te a zo bet ganet holl er pec’hed hag e kelennez ac’hanomp! Hag e kasjont anezhañ kuit.