Sant Ian 5:10 - Bibl Koad 21: Ar Bibl e Brezhoneg evit ar Vretoned

¹⁰ Neuze ar Yuzevien a lavaras d’an hini a oa bet yac’haet: Ar sabad eo, n’eo ket aotreet dit dougen da wele.

Testamant Nevez 1897 (Jenkins)

¹⁰ Ar Judevien eta a lavare d’an hini a oa bet pareet: Hirio ema ar sabbat; n’eo ket permetet d’id kas ganez da vele.

Sant Ian 5:10 Referencias Cruzadas

Izaia 58:13

Mar dalc'hez da droad e-pad ar sabad, evit tremen hep ober ar pezh a fell dit em deiz santel, mar anvez ar sabad: Va flijadur, deiz santelaet evit an AOTROU, mar enorez anezhañ hep heuliañ da hentoù, hep ober ar pezh a blij dit, hep lavarout traoù aner,

Jeremiaz 17:21

Evel-henn e komz an AOTROU: Diwallit war hoc'h eneoù, na zougit bec'h ebet da zeiz ar sabad, na rit ket tremen anezho dre zorojoù Jeruzalem,

Jeremiaz 17:27

Met ma ne selaouit ket ouzhin, evit santelaat deiz ar sabad, evit chom hep dougen bec'h ebet, evit chom hep ober dont-tre dezho dre zorojoù Jeruzalem da zeiz ar sabad, e lakain an tan en he dorojoù, deviñ a raio palezioù Jeruzalem, ha ne vo ket mouget.

Mazhev 12:10

Ha setu, e oa eno un den en doa un dorn disec’het. Hag e c’houlennjont digantañ: Hag aotreet eo yac’haat d’an deizioù sabad? Evit e damall e oa.

Sant Marc 2:24

Ar farizianed a lavaras dezhañ: Setu, perak e reont ar pezh n’eo ket aotreet ober e-pad ar sabad?

Sant Marc 3:4

Lavarout a reas dezho: Hag aotreet eo ober vad pe droug, d’an deiz sabad, saveteiñ un den pe e lezel da goll? Hag int a davas.

Sant Lucas 13:14

Met penn ar sinagogenn, droug ennañ eus m’en doa Jezuz yac’haet d’un deiz sabad, a gemeras ar gomz hag a lavaras d’ar bobl: C’hwec’h devezh a zo evit labourat, deuit eta en deizioù-se evit bezañ yac’haet, ha nann d’an deiz sabad.

Sant Lucas 23:56

O vezañ distroet, ec’h aozjont louzoù-frondus ha c’hwezhioù-mat, hag e tiskuizhjont d’an deiz sabad, hervez al lezenn.

Sant Lucas 6:2

Hiniennoù eus ar farizianed a lavaras dezho: Perak e rit ar pezh n’eo ket aotreet ober d’an deizioù sabad?

Sant Ian 1:19

Setu amañ testeni Yann, pa gasas ar Yuzevien eus Jeruzalem beleien ha Levited da c’houlenn digantañ: Piv out-te?

Sant Ian 5:11

Eñ a respontas dezho: An hini en deus va yac’haet en deus lavaret din: Doug da wele ha kerzh.

Sant Ian 5:15

An den-se a yeas hag a lavaras d’ar Yuzevien e oa Jezuz en doa e yac’haet.

Sant Ian 5:16

Dre-se ar Yuzevien a heskinas Jezuz hag a glaskas e lakaat d’ar marv, dre m’en doa graet kement-se d’an deiz sabad.

Sant Ian 7:23

Mar bez amdroc’het un den d’an deiz sabad, evit na vo ket torret lezenn Voizez, perak en em fulorit a-enep ac’hanon abalamour ma em eus yac’haet un den penn-da-benn d’an deiz sabad?

Sant Ian 9:16

Neuze hiniennoù eus ar farizianed a lavaras: An den-se n’eo ket a-berzh Doue pa ne vir ket ar sabad. Reoù all a lavaras: Penaos e c’hell un den a zo pec’her ober hevelep mirakloù? Hag e oant dizunvan etrezo.