Sant Ian 4:22 - Bibl Koad 21: Ar Bibl e Brezhoneg evit ar Vretoned

²² C’hwi a azeul ar pezh n’anavezit ket. Ni a azeul ar pezh a anavezomp, rak ar silividigezh a zeu eus ar Yuzevien.

Testamant Nevez 1897 (Jenkins)

²² C’houi a ador ar pez na anavezit ket; ni a ador ar pez a anavezomp; rag ar zilvidigez a zeu euz ar Judevien.

Sant Ian 4:22 Referencias Cruzadas

Geneliezh 49:10

Ar walenn ne vo ket pellaet diouzh Juda na bazh al lezenner eus etre e dreid, betek ma teuio ar Shilo, dezhañ sentidigezh ar pobloù!

Ezdra 4:2

Dont a rejont da gavout Zorobabel ha pennoù tadoù hag e lavarjont dezho: Ni a savo ivez ganeoc'h, rak e c'halvomp ho Toue eveldoc'h, ha dezhañ eo ec'h aberzhomp abaoe amzer Esar-Haddon roue Asiria, en deus hol lakaet da bignat amañ.

Salmoù 147:19

Diskuliet en deus e gomz da Jakob, e reolennoù hag e varnedigezhioù da Israel.

Salmoù 68:20

Benniget ra vo an AOTROU, eñ hag a leugn ac'hanomp bemdez! Pa hor bec'hier, Doue eo hon dieubidigezh.  Ehan

Izaia 12:2

Setu, Doue eo va silvidigezh. Fiziañs am bo ha ne'm bo ket aon, an AOTROU, an AOTROU, eo va nerzh ha va meuleudi, ha bet eo va Salver.

Izaia 12:6

Youc'h ha kan a levenez, te hag a zo o chom e Sion! Rak bras ez kreiz eo Sant Israel.

Izaia 2:3

Meur a bobl a zeuio hag a lavaro: Deuit ha pignomp da venez an AOTROU, da di Doue Jakob; kelenn a raio deomp e hentoù, hag e kerzhimp en e wenodennoù, rak al lezenn a zeuio eus Sion, ha komz an AOTROU eus Jeruzalem.

Izaia 46:13

Lakaat a ran va reizhder da dostaat, n'emañ ket pell, va silvidigezh ne zaleo ket. Lakaat a rin e Sion va silvidigezh hag en Israel va gloar.

Zakaria 9:9

Bez laouen, merc'h Sion! Laosk kriadennoù a levenez, merc'h Jeruzalem! Setu, da Roue a zeu da'z kavout, reizh ha trec'hus, uvel ha pignet war un azen, war un azenig, ebeul un azenez.

Sant Lucas 24:47

Ha ret eo ma vo prezeget en e anv ar geuzidigezh ha pardon ar pec’hedoù e-touez an holl vroadoù, o vont da gentañ dre Jeruzalem.

Actou an Ebestel 17:23

Rak, o tremen hag o sellout ouzh an traoù a azeulit, em eus kavet zoken un aoter ma’z eo skrivet warni: D’un doue dizanav. An hini a azeulit hep e anavezout, hennezh eo an hini a gemennan deoc’h.

Actou an Ebestel 17:30

Doue, o vezañ eta lezet an amzer a ziouiziegezh-se da dremen, a c’hourc’hemenn bremañ d’an holl dud en holl lec’hioù kaout keuz,

Actou an Ebestel 3:26

Evidoc’h eo da gentañ en deus Doue savet e vugel Jezuz hag en deus e gaset d’ho pennigañ, evit tennañ pep hini ac’hanoc’h eus e fallagriezh.

Romaned 11:18

na zenn ket gloar diwar goust ar brankoù-se. Mar tennez gloar, anavez penaos n’eo ket te a zoug ar wrizienn, met ar wrizienn eo an hini a zoug ac’hanout.

Hebreed 7:14

Sklaer eo penaos hon Aotrou a zo deuet eus Juda, meuriad n’en deus lavaret Moizez netra diwar e benn e-keñver ar velegiezh.