Sant Ian 4:1 - Bibl Koad 21: Ar Bibl e Brezhoneg evit ar Vretoned

¹ Pa ouezas an Aotrou o doa ar farizianed klevet ma rae ha ma vadeze Jezuz muioc’h a ziskibien eget Yann,

Testamant Nevez 1897 (Jenkins)

¹ Pa ouvezaz eta an Aotrou, penaos ar Farizianed ho doa klevet e rea hag e vadeze muioc’h a ziskibien eged Ian,

Sant Ian 4:1 Referencias Cruzadas

Sant Lucas 1:76

Ha te, bugel bihan, ta a vo galvet profed an Uhel-Meurbet, rak e kerzhi dirak dremm an Aotrou evit kempenn e hentoù,

Sant Lucas 19:31

Mar goulenn unan bennak ouzhoc’h: Perak e tistagit anezhañ? Lavarit dezhañ: An Aotrou en deus ezhomm anezhañ.

Sant Lucas 19:34

Hag e respontjont: An Aotrou en deus ezhomm anezhañ.

Sant Lucas 2:11

Rak ganet eo bet hiziv deoc’h e kêr David ur Salver, ar C’hrist hag an Aotrou eo.

Sant Lucas 7:13

An Aotrou o vezañ he gwelet, en doe truez outi hag a lavaras dezhi: Na ouel ket!

Sant Lucas 7:19

Yann a c’halvas daou eus e ziskibien hag o c’hasas da gavout Jezuz evit lavarout dezhañ: Bez’ out an hini a dle dont pe e tleomp gortoz unan all?

Sant Ian 3:22

Goude-se, Jezuz a yeas gant e ziskibien e douar Judea. Eno e chomas ganto hag e vadeze.

Sant Ian 3:26

Dont a rejont da gavout Yann hag e lavarjont dezhañ: Mestr, an hini a oa ganit d’an tu all d’ar Jordan hag ac’h eus roet testeni dezhañ, setu, e vadez hag an holl a ya d’e gavout.

Actou an Ebestel 10:36

Setu aze ar ger en deus kaset da vibien Israel, en ur zisklêriañ dezho Aviel ar peoc’h dre Jezuz-Krist, Aotrou an holl.

1 Korintiz 1:17

Rak n’eo ket evit badeziñ en deus Krist va c’haset, met evit prezeg an Aviel, nann gant furnez ar gomz, evit na vefe ket rentet didalvoud kroaz Krist.

1 Korintiz 15:47

An den kentañ, o vezañ eus an douar, a zo douarel, an eil den, an Aotrou, a zeu eus an neñv.

1 Korintiz 2:8

ha n’eo bet anavezet gant hini ebet eus renerien ar bed-mañ, rak mar o defe he anavezet, n’o defe ket kroazstaget an Aotrou a c’hloar.

2 Korintiz 4:5

Ne brezegomp ket ac’hanomp hon-unan, met Krist Jezuz evel an Aotrou, hag ez omp ho servijerien abalamour da Jezuz.

S. Jakes 2:1

Va breudeur, ra vo ar feiz hoc’h eus eus hon Aotrou glorius Jezuz-Krist diuntuek e-keñver diavaezioù an dud.

Apocalyps 19:16

War e vantell ha war e vorzhed e toug un anv skrivet: ROUE AR ROUANED, HAG AOTROU AN AOTROUNEZ.